1 Kɔrintioanɛ 1:21 - ONUGBÙ NYƐNYÃ VUVƆ

²¹ Alasɛ nɛ Kpaya buititi mɛ kanɔ gabɔ kalɛ kibuinyinyi mɛ ke di ti yɛ, kɛku Kpaya awɔ̃ ganɔ matimati kɛdɔ kɛkasɛ busɔlɛ buiɖɛɖɔ tɛ bayɛkɛkɔ bagɛ bayɛkɛ aŋa.

1 Kɔrintioanɛ 1:21 ပူးပေါင်းရင်းမြစ်များ

Mateo 11:25

Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

Luka 10:21

Nɛ kɛbelɛlɛ mɛ Yesu eyuku nɛ same ganɔ Ɔfufɔɛ Dzyɔgo nɛabha, aɖɔ sɛ, “Ɛkpɛ nɔ nɛabha, owũsise anɛ kesukpa Aka, Apalete, alasɛ wɔ kpu ebuia petee nɛ̀ bagɛ be nu bebuiti anɛ buplukpa lete klɛ obukasɛ bunuvɔɛ bhli. Ee, Aka, alasɛ kɛnɛ kɛlɛ dzi wɔ tɛpɛpɛ dzyɔgo.

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Romanɛ 1:28

Ɔyɛkɔ vɛnɔ otugba, gɛ ba dɛ bhɛtɛ kɛtɔkpum sɛ tɛ ba nyɛna Kpaya tɛtitim evunɔ so, ashɛ̃nahwɛ balɛ shu akɔ kɛtɔkpum manamana, gɛ kɔ sɛ tɛ ba bhɛtɛ kɛgɛ ma sɛ tɛ ba bhɛtɛ.

Romanɛ 11:33

O, Kibuinyinyi dzudzu mɛ kɛkesrɔdɔ anɛ Kpaya kibuititi! Yɛ kebhuikuklu kama gɛ ɔbɔ na kalɛ mɛ nyɔ, klɛ yɛ kidzo buwanu ma gɛ ɔbɔ naa kpɛ!

1 Kɔrintioanɛ 1:18

Butsiosi shuibui nɛ nu kɛgãbui kɔ bagɛ baa wɔlɛeku, pɔ kɔ bulɔagɛ be bu ki nu Kpaya Kemi.

1 Kɔrintioanɛ 1:23

pɔ bulɔ buɖɔ Kristo tɛkpɛkplasɔɛ bui: kɛ nu kɛdɔ kpɛkpatanɔ kɔ Yuɖanɛ klɛ kɛ nu kɛgãbui kɔ bagɛ edi nu Yuɖanɛ,

1 Kɔrintioanɛ 1:24

pɔ kɔ bagɛ Kpaya ekulu, editabha Yuɖanɛ anɛ Grikianɛ, Kristo enu Kpaya kemi anɛ Kpaya kibuinyinyi.

1 Kɔrintioanɛ 1:25

Alasɛ Kpaya bugã dudɔ kibuititi lɛ kɛlɛmɛ dɛ Anɔdzyrame kibuinyinyi, klɛ Kpaya tɛmagɛganɛ kɛgɛganɛ dɛ anɔdzyrame bugɛganɛ.

1 Kɔrintioanɛ 1:27

Pɔ Kpaya ebu ebuikpã nɛ kanɔmɛ tɛ la kpɛ kibuititi nɛ wɔ̃ɛ nɔ, Kpaya abhɛtɛ ebui nɛgɛ la dɛ gɛganɛ nɛ kanɔnɛ mɛ tɛ la kpɛ ebui gɛganɛ nɛ wɔɛ nɔ.

1 Kɔrintioanɛ 11:32

Kibenɔ Apalete nɛ klu kebhui nɛ lɔ gɛ atɛta bulɔ batɔ, sɛ tɛ ba tɛ be bu lɔ kɛpɔ aplɛnɔ kanɔ.

1 Kɔrintioanɛ 2:14

Anɔ nɛ gɛ Ɔfufɔɛ ɔma yɛ mɛ atɛ yɛkɛ dɔ denɔ Kpaya Ɔfufɔɛ mɛ, alasɛ lenu agãebui kɔ yɛ, klɛ atɛ be nu alɛesi, alasɛ ɔfufɔɛ mɛ la ba de.

1 Kɔrintioanɛ 4:10

Nɛ Kristo so bu nu bagã, pɔ nɔ nyi bui alasɛ nɔ nu Kristo ayɛ! Bu dɛ gɛganɛ, pɔ nɔ gɛganɛ! Bakpɛ wunɔ tɔkpu nɛabha, klɛ be zhinɔ bulɔ yɛ akpɛesi!

1 Kɔrintioanɛ 6:2

Nɔ tinyi sɛ banɔnɛna nɛ be klu kebhui nɛ kanɔ? Klɛ onugɛ nɔ bɔ klu kebhui nɛ kanɔ, nɔ tibɔna bu bhui bhlibhli nɛ klu?

Galatianɛ 1:15

Pɔ kibe lɛ gɛ Kpaya, agɛ ebu mɛ ɔtɔ elu denɔ mɛ tɛmumɔ mɛ klɛ eklu mɛ ganɔ yɛ ɛyamyuyɔ mɛ, ki ku yɛ awɔ̃

Galatianɛ 4:8

Kibe gɛ bafla, gɛ nɔ dɛ ti Kpaya, nɔ dzi banɔdzidzi kɔ bagɛ nɛ ɔdzyɔkɔ bedinu bakpaya.

Efesoanɛ 1:9

Klɛ akɔ lɔ ti yɛ tɛpɛpɛɛ ebuikpukpu anɛ yɛ tɛpɛpɛɛ dzyɔgo gɛ abhɛtɛlu nɛ Kristo mɛ,

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Koloseanɛ 1:19

Alasɛ kɛ ku Kpaya awɔ̃ sɛ tɛ ayɛkɔ yɛ shu petee aba za yɛ mɛ,

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ

Hebriuanɛ 7:25

Kɛlɛso aba za yɛkɛ kɔ bagɛ balɛ petee gɛ ba ba Kpaya kɔ aganɔ yɛabha, alasɛ alɛ kibenyɛbe sɛ tɛ evuboe kɔ alɛ.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

Yakobo 5:15

Klɛ kpayakuklu nɛ gɛ ede tɛyɛyɛkɛŋam nɛ aba bhɛtɛ anyɛnya nɛ bunya lu ba beke, Apalete nɛ ebe feke yɛ ewunɔ. Onu gɛ kɛlɛ sɛ abhɛtɛ buzizi, ba ba yɛkɔ etsye yɛ.

Yakobo 5:20

nɔ baka kibui nɔ sɛ: Anɔyanɔɛdi gɛ ebe tsyina anɔ ashɛnɔ nɛ yɛ buzizi kidzoa bha nɛɛ ebe bu yɛ nɛ butsi mɛ klɛ aba da buzizi gelee dɔ.