1 Kɔrintioanɛ 1:20 - ONUGBÙ NYƐNYÃ VUVƆ

²⁰ Fakɔ ebuiti nɛ alɛ? Fakɔ keplukpalete na lɛ? Fakɔ banɔ nɛ gɛ benyi denɔ kanɔ nɛ shu alɛ? Anɛ Kpaya yɛ abhɛtɛ agã edzi ebuiti nɛ kanɔ nɛ mɛ?

1 Kɔrintioanɛ 1:20 ပူးပေါင်းရင်းမြစ်များ

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Yohanɛsɛ 12:31

Ɔtsɔnɛ kɛbena kɔ kebhuikuklu nɛ kanɔ, ɔtsɔnɛ ba ba kɛka ekusieyi nɛ kanɔa nɛ mɛ.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

Romanɛ 1:20

Alasɛ gɛ denɔ kanɔ nɛ tɛbhɛbhɛtɛ nɛm ke Kpaya kpukpu tɛpɛ̃pɛ nɛ mɛ— yɛ kemi mabeke mabeke anɛ ɔfufɔɛ mɛ tɛzɛza— ba tɛ mɔɛ lɛ wee, bee nuilɛesi denɔ kɛgɛ ba tɛ bhɛtɛ nɛm, so dzrɔgbɔ tɛa za kɔ anɔdzyrame.

Romanɛ 1:22

Ba nyaa ɖɔ sɛ be nu bebuinyi pɔ, be be dzi bagã

1 Kɔrintioanɛ 1:19

Alase ba ŋlɔmɛ elu asɛ: “Ɛba zi bebuiti balɛ kibuinyinyi, klɛ ɛba futsu kibuiesinunu kɔ bebuiesinunu,”

1 Kɔrintioanɛ 1:26

Badzya, nɔ di lɛmɛ kɛde nɔ dzi kibelɛlɛ gɛ be klu nɔ. Anɛ wunɔ gelee wunɔ tibui nɛ Anɔdzyrame buititi nu, be gelee dunu banɔ gɛ bavɛ otugba nɛ tɛ mumɔɛ mɛ.

1 Kɔrintioanɛ 1:27

Pɔ Kpaya ebu ebuikpã nɛ kanɔmɛ tɛ la kpɛ kibuititi nɛ wɔ̃ɛ nɔ, Kpaya abhɛtɛ ebui nɛgɛ la dɛ gɛganɛ nɛ kanɔnɛ mɛ tɛ la kpɛ ebui gɛganɛ nɛ wɔɛ nɔ.

1 Kɔrintioanɛ 1:28

Ebuidɔ zhizhiesi nɛ́ kanɔ nɛ mɛ anɛ agɛ la ma kibuinyɛbui mɛ—anɛ́ agɛ la ma—tɛ le zi ebui nɛ gɛ alɛ,

1 Kɔrintioanɛ 11:32

Kibenɔ Apalete nɛ klu kebhui nɛ lɔ gɛ atɛta bulɔ batɔ, sɛ tɛ ba tɛ be bu lɔ kɛpɔ aplɛnɔ kanɔ.

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

1 Kɔrintioanɛ 2:8

Bamani kanyaka nɛ agɔa nɛ mɛ edi nu kalɛesi, pɔ otɔsɛ be nu, bagɛ ata kpla ishudɛdanɛ Apalete nɛ asɔ.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

1 Kɔrintioanɛ 3:19

Alasɛ kanɔa nɛ mɛ buititi ke nu bugã dɛdɔ nɛ́ Kpaya amɛ. Anasɛ gɛ ba ŋlɔmɛ elu: “Evu bebuiti nɛ balɛ ebui bhɛbhɛtɛ mɛ”

1 Kɔrintioanɛ 6:2

Nɔ tinyi sɛ banɔnɛna nɛ be klu kebhui nɛ kanɔ? Klɛ onugɛ nɔ bɔ klu kebhui nɛ kanɔ, nɔ tibɔna bu bhui bhlibhli nɛ klu?

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.