ZEPHANIAH 3:9 - Hakcipta - Biatah Bidayuh

⁹ “Komŭnŭ Aku re ngubah atin bangsa bangsa anŭ, ka ngara re bidua ka Aku sadi adŭ ka dŭh ka tapa tapa bŭkŭn. Sopŭrŭg ngara re nundok di Aku.

ZEPHANIAH 3:9 ပူးပေါင်းရင်းမြစ်များ

TIBIRIK 11:1

Sibungas-i, bara daya di ndi ong ong biyŭn ndi piminyu ka pakai ndi masam bang bang piminyu.

TIBIRIK 4:26

Seth biyŭn ndi anak dari adi-i kadŭn Enosh. So jaman anŭ daya piguru nyambah TUHAN ngga adŭn-I adi kudus.

MAZMUR 113:3

So timor ndŭg barat muji adŭn TUHAN!

MAZMUR 22:27

Sopŭrŭg bangsa re ingat TUHAN. So barang yŭn di ong ngara re pari ka Ayŭh; sopŭrŭg bangsa re nyambah Ayŭh.

ISAIAH 19:18

Kan tipuh anŭ mbŭh mandŭg, piminyu Hebrew re dog pakai ngga minyu di rimŭh kupo rais Egypt. Daya diginŭ re bipayu pakai adŭn TUHAN Bisa-pŭrŭg. Ndi so kupo kupo anŭ re dog kadŭn, “Kupo Batuh Andu”.

ISAIAH 57:19

Aku nggen damai di sopŭrŭg daya, adi sindŭk ngga adi jo! Aku re pibua daya Ku.

ISAIAH 6:7

Ayŭh tama bibis ku ngga bam apui anŭ ka nang di aku, “Ati mbŭh dog bibis mu, ka madin sarah mu mbŭh mating, ka dosa mu mbŭh dog apun.”

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

EZEKIEL 37:17

Komŭnŭ digŭng duwŭh apŭg kayuh anŭ bada tŭbŭn-i bidapŭd, isa-i mun ndi apŭg anak kayuh.

HABAKKUK 2:14

Pak ong re puno ngga pinyipuan pasar bragah TUHAN nimun rawŭt puno ngga piin.

ZEPHANIAH 2:11

TUHAN re pitaru ngara. Ayŭh re pirandŭk tapa tapa di ong, ka komŭnŭ barang naan daya re nyambah Ayŭh, masin masin di rais adŭp-i.

ZECHARIAH 14:9

Komŭnŭ TUHAN re jadi raja yŭn ndi ong ong; barang naan daya re nyambah Ayŭh mun Tapa ka puan Ayŭh ngga adŭn anŭ gŭh.

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

MATTHEW 12:35

Daya adi kana piruah kayuh kana so adŭp-i adi taŭn puno ngga pinyikana; daya adi arap piruah kayuh arap so adŭp-i adi taŭn puno ngga kayuh arap.

EPHESUS 4:29

Dŭhnyah pinganang adi pirusak ruah so baba ngan, pak pinganang adi biguna adi pijog buang adi nggen pinurung, isa kayuh adi angān nang taban pinyikana di ngara adi dingah.

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”