ZEPHANIAH 3:8 - Hakcipta - Biatah Bidayuh

⁸ “Kajŭn adŭ,” TUHAN nang, “Kajŭn andu anŭ adi ngga Aku makat ka nyarah bangsa bangsa. Aku mbŭh ndai pikir Ku an nguruk bangsa bangsa ngga pritah pritah, isa Aku bisa bada ngara kinyam bisā baji Ku. Ndi ong ong re dog pirabur ngga apui baji Ku.

ZEPHANIAH 3:8 ပူးပေါင်းရင်းမြစ်များ

MAZMUR 12:5

“Pak madin aku re mandŭg,” nang TUHAN, “sabab ngara adi sirata dog kinanyuh ka adi dog kisiis nyidaing amai mandam. Aku re nggen di ngara pinyipagŭng adi ngara gruwŭn.”

MAZMUR 123:2

Nimun urun bisangan di tuan-i, nimun pinguses bisangan di tuan dayung-i, simŭnŭ inŭh kieh re nyigura ka Kaam, O TUHAN adi Tapa ami, ndŭg ka Kaam mbŭh masi di kieh.

MAZMUR 27:14

Sabah di TUHAN. Sabab meh, dŭhnyah jimŭ. Sabah di TUHAN.

MAZMUR 37:34

Na pingarap ngan di TUHAN ka tunda pinyipesan-I; Ayŭh re nggen di angān tarun tana ati ngga-I stabi di angān, ka angān re kiris daya adi ginaka dog pibu.

MAZMUR 37:7

Tŭtŭd ka kajŭn TUHAN ndai kraja-I; dŭhnyah susah pasar ngara adi mujur puan kah pasar ngara adi mujur di pusar arap ngara.

MAZMUR 62:1

Aku kajŭn, ngga atin tŭtŭd, Tapa nyiramat aku; aku bisangan di Ayŭh sadi.

MAZMUR 62:5

Aku bisangan di Tapa sadi; aku na pingarap ku di Ayŭh.

MAZMUR 79:5

TUHAN, re adu adu kah Kaam baji ngga kieh? Re adu adu mun apui kah baji Mai?

MAZMUR 79:6

Na baji Mai di bangsa adi dŭh nyambah Kaam, di daya adi dŭh bidua ka Kaam.

PITAS 20:22

Dŭhnyah kuu maras dendam. Sabah di TUHAN ka Ayŭh re turung kuu.

RAGU 8:6

Nyikŭn aku sadi darŭm atin mu; dŭhnyah dakŭp dayung bŭkŭn adŭ-i aku. Pinyiawang inŭh bikuasa mun pinyikabŭs; pinyiripong pŭrŭng inŭh bake mun adŭp pinyikabŭs. Ayŭh bisa rutop jadi apui ka badang kayuh mun apui adi bijagu.

ISAIAH 14:26

Ati inŭh kayuh adi Aku mbŭh ngatur yŭn ong, ka mbŭh pakat tangan Ku re ngukum bangsa bangsa.”

ISAIAH 30:18

Pak TUHAN taŭn-i kajŭn tika-I masi di angān. Ayŭh mbŭh sidia an masi di angān sabab Ayŭh taŭn ari ndai kayuh adi batur. Sanang inŭh ngara adi na pinyabah ngara di TUHAN.

ISAIAH 34:2

TUHAN inŭh baji di sopŭrŭg bangsa ka di bara tibaran soldadu-i. Ayŭh re ngukum ka pirusag ngara.

ISAIAH 63:6

Darŭm baji Ku Aku bidigang di tunduh sopŭrŭg bangsa ka bada ngara asur. Aku basen deya ngara di tana.”

JEREMIAH 10:25

Taran baji Mai di bangsa bangsa adi dŭh nyambah Kaam ka di tunduh daya adi tirawan Kaam. Ngara mbŭh siŭ daya Mai; ngara mbŭh bandar bandar pirabur kieh ka bada rais ami jadi tibawang.

HOSEA 12:6

Ngapŭi meh, sesang Jacob, sabah di Tapa ngan ka pari ka Ayŭh. Udip meh ngga atin rindu ka tŭnggŭn, ka kajŭn Tapa ngan ngga atin tŭtŭd.

JOEL 3:2

Aku re nguruk sopŭrŭg bangsa ka taban ngara ka Rubān Bisara. Diginŭ Aku re nggen bisara di ngara amai sopŭrŭg kayuh adi ngara mbŭh ndai di daya Ku. Ngara ko mesak bara daya Israel ka rais tami ka bikutung tana Israel, tana adi Aku dapu.

MICAH 7:7

Pak aku re kajŭn TUHAN ngga sukup sabah Ayŭh re nyiramat aku. Tapa ku re dingah aku.

HABAKKUK 2:3

Nuris-i, sabab gibayuh tika-i jadi bitŭtŭk. Pak tika-i re rikas mandŭg, ka kayuh adi Aku kiren di kuu re sawŭ jadi. Mun adi sais, pak kajŭn adŭ; kayuh anŭ manŭn re jadi, ka dŭh-i re dog pirambat.

ZEPHANIAH 1:18

Di andu adi ngga TUHAN kiren baji-I, sopŭrŭg pirak ngga mas ngara dŭh gŭh re tungang pirupas ngara. Ndi ong ong re dog pirabur ngga apui baji-I. Ayŭh re nyirŭgŭh bada mungan barang naan daya adi udip di ong.

HAGGAI 2:22

ka pitumbang pritah pritah ka nyirubuh kuasa-i. Aku re bada krita krita kuda tibarik samŭn bara adi pimanu-i; kuda kuda re kabŭs, ka bara pinunggang-i re bisiŭ dupan adŭp ngara.

MATTHEW 25:32

ka daya so barang bangsa re dog nguruk di sirung jawin-I. Komŭnŭ Ayŭh re kutung ngara da jadi duwŭh tibaran, nimun pingingat-biri nyidŭrŭ bara biri so bara kambing.

2 PETER 3:10

Pak Andu Tuhan re mandŭg mun pinaku. Di Andu anŭ rangit re miyap ngga sak jawŭn adi raru bana, kayuh kayuh di rangit re dog sigot ka dog pirabur, ka ong ngga sopŭrŭg isi-i re mating tia.

PINANDŬNG 16:1

Komŭnŭ aku dingah sirŭŭn bana so Ramin Tapa minyu di ju naan malaikat anŭ: “Panu angān di ren ju makuk baji Tapa anŭ di ong!”

PINANDŬNG 16:14

Ngara inŭh roh bara umot adi ndai pingandai-nginga. Taruh naan roh anŭ di ka raja raja di ong, an taban ngara ngga biperang di andu bās Tapa Bisa-pŭrŭg.