ZEPHANIAH 3:4 - Hakcipta - Biatah Bidayuh

⁴ Bara nabi dŭh an dapu tanggong di kayuh ka dŭh dapŭd dog sabah; bara imam nyembar kayuh adi kudus, ka nikok ukum-adat Tapa yŭn guna adŭp ngara.

ZEPHANIAH 3:4 ပူးပေါင်းရင်းမြစ်များ

ISAIAH 9:15

Bara nyamba ngga bara adi dog stabi inŭh ubak, ka koi inŭh bara nabi adi nggen ajar kadong!

JEREMIAH 23:32

Dingah kayuh adi Aku, adi TUHAN, nang! Aku rawan bara nabi anŭ adi kidaan pŭmŭh adŭp ngara adi puno ngga pinganang kadong. Ngara kidaan pŭmŭh pŭmŭh anŭ ka kinanyap daya Ku ngga pinganang kadong ka pinganang gambung ngara. Aku mating pait ngara bait mritah ngara bada ndai simŭnŭ; ngara dŭh biguna yŭn sopŭrŭg daya. Aku, adi TUHAN, mbŭh minyu.”

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

JEREMIAH 8:10

Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

PUĀS 2:14

Bara nabi mu dŭh biyŭn kayuh re ngara kidaan di kuu adŭ-i pinganang kadong; ajar so ngara nipu kuu pak bŭn kidaan dosa mu. Ngara bada kuu bipikir nang kuu dŭhsah pasan dosa mu.

EZEKIEL 22:26

Bara imam miranggar ukum-adat ka dŭh stabi di kayuh adi kudus. Ngara dŭh puan ani adi kudus ngga ani adi dŭh kudus. Ngara dŭh ngajar ani bŭkŭn-i kayuh adi bisig ngga kayuh adi dŭh bisig, ka ngara dŭh mbit piduri di andu Sabbath. Anŭ meh sabab daya Israel dŭh stabi di Aku.

EZEKIEL 22:6

Sopŭrŭg pinguru daya Israel sabah di pinyibake adŭp ngara ka siŭ daya.

EZEKIEL 44:23

“Bara imam patut ngajar daya Ku ani anŭ kayuh kudus ngga ani anŭ kayuh adi dŭh kudus, ka ani anŭ adi kais nanyam ka adat ngga ani anŭ adi dŭh.

HOSEA 9:7

Tika ngga ngukum mbŭh mandŭg, tika adi ngga daya trima baras yŭn kayuh adi mbŭh ngara ndai. Kan-i mbŭh jadi simŭnŭ, daya Israel re puan! “Nabi ati,” angān nang, “inŭh budo. Daya ati adi dog pait Tapa inŭh gira.” Angān ruai tiru di aku sabab dosa ngan mbŭh raru bagŭ.

MICAH 2:11

“Bara daya ati raan nabi adi gagā kadong ka nipu daya, adi nang, ‘Aku minyu-binabi nang angān re dapŭd raru bagŭ wain ngga nok adi bisā.’

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

MALACHI 1:6

TUHAN Bisa-pŭrŭg nang di bara imam, “Anak stabi di sama-i, ka urun stabi di tuan-i. Aku ati Sama ngan, mani angān dŭh stabi di Aku? Aku ati Tuan ngan, mani angān dŭh taru di Aku? Angān ngamun Aku, pak angān siken, ‘Munki kieh ngamun Kaam?’

MALACHI 2:7

Anŭ mbŭh kraja bara imam, ngajar pinyipuan adi sawŭ pasar Tapa. Daya patut tudu ngara yŭn birajar pasar pinyiraan Ku, sabab ngara inŭh pinyisung TUHAN Bisa-pŭrŭg.

MALACHI 2:8

“Pak madin angān bara imam mbŭh miriseu so aran adi batur. Sitagar ajar ngan bagŭ daya mbŭh ndai sarah. Angān mbŭh miranggar simanya adi Aku mbŭh ndai ngga angān.

MATTHEW 7:15

“Jaga adŭp ngan so bara nabi kadong; ngara mandŭg ka angān mun biri tura ka sapa, pak tura ka darŭm ngara mbŭh keya ka kasong tarun.

2 CORINTH 11:13

Ngara anŭ dŭh pinyuruh adi sawŭ; ngara pinyuruh kadong, adi kadong pasar kraja pingandai-i buang ngakar bada adŭp-i mun pinyuruh adi sawŭ yŭn Kristus.

1 JOHN 4:1

Angān adi aku rindu, dŭhnyah sabah tadŭ tadŭ daya adi nang adŭp-i biyŭn Roh Kudus, pak suba ngara yŭn puan sawŭ kah dŭh roh anŭ adi ngara biyŭn mandŭg so Tapa. Amai bagŭ nabi kadong mbŭh tambus barang yŭn.

PINANDŬNG 19:20

Pak dāng anŭ dog nakap, samah ngga nabi kadong adi ko ndai pingandai-nginga di sirung jawin-i. (Ngga pingandai-nginga anŭ ayŭh ko nyibudo ngara adi biyŭn tandā dāng anŭ samŭn ngara adi ko nyambah tibudo dāng anŭ.) Dāng ngga nabi kadong anŭ dog taran udip udip-i ka darŭm danu apui adi bijagu ngga mirirang.

AKIM 9:4

Ngara nggen di ayŭh 70 kiping pirak adi so bari-sambah Baal-Berith, ka ngga duit anŭ ayŭh ngupah ndi tibaran daya arap bada tunda adŭp-i.

1 SAMUEL 2:22

Eli madin mbŭh raru minyamba. Ayŭh mbŭh dŭh ko ko dingah pasar barang masam kayuh adi bara anak dari-i ndai di tunduh daya daya Israel, ka ngara gŭh agi bŭŭs ngga bara dayung adi nyiraja di rawa tiban Bari TUHAN.