ZEPHANIAH 2:7 - Hakcipta - Biatah Bidayuh

⁷ Daya Judah adi babŭ udip re ngisi tarun tana ngan. Ngara re bada kaban biri ngara man kupai diginŭ ka bŭŭs di ramin Ashkelon. TUHAN adi Tapa ngara re agi ngga ngara ka bada ngara pari udip mujur.

ZEPHANIAH 2:7 ပူးပေါင်းရင်းမြစ်များ

TIBIRIK 50:24

Ayŭh nang di bara jurud-i, “Aku mbŭh re kabŭs, pak Tapa taŭn tatu re kingat angān ka taban angān ngga ruah so tarun tana ati di ka tarun tana adi ko-I bijanji an nggen di Abraham, Isaac, ka Jacob.”

MAZMUR 80:14

Kimat kieh, Tapa Bisa-pŭrŭg! Tingga kieh so shorga; mandŭg ka nyiramat daya Mai!

MAZMUR 85:1

TUHAN, Kaam mbŭh masi di tarun tana Mai; Kaam mbŭh bada Israel pari mujur.

PINYIRUAH 4:31

Ngara sabah, ka kan ngara dingah nang TUHAN mbŭh mandŭg ka ngara ka mbŭh kiris munki masam ngara dog pijera, ngara mutu ubak ngara ka nyambah.

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

ISAIAH 11:14

Ngara re samah samah nyerang daya Philistine di parad ka barat ka mirupak daya adi rŭŭ di parad ka timor. Ngara re nyerang daya Edom ngga daya Moab, ka daya Ammon re bituan di ngara.

ISAIAH 11:16

Re agi aran raya so Assyria yŭn bara daya-I Israel adi gibabŭ udip, mun di jaman tayung-babuk ngara di tika ngara bu so Egypt.

ISAIAH 14:1

TUHAN re masi di daya-I Israel ka mien ngara bada jadi daya adŭp-I dinge. Ayŭh re bada ngara udip di tarun tana adŭp ngara dinge, ka daya tami re mandŭg ka sua rŭŭ diginŭ ayō ngara.

ISAIAH 32:14

Sirabi ka istana re dog tagan ka sindŭ kupo re mating daya dieh. Ramin ramin ngga dudu kuta adi grindung ngara re adu adu jadi tibawang. Kaldi tarun re bidandong diginŭ, ka biri re dapŭd tarun tana kupai diginŭ.

JEREMIAH 23:3

Aku re nguruk daya Ku adi bŭkŭn so rais rais adi yŭn Ku mbŭh bada ngara papar sasah, ka Aku re taban ngara ngga pari ka tarun tana rais adŭp ngara. Ngara re biyŭn bagŭ anak ka re bitambah bagŭ.

JEREMIAH 29:10

“TUHAN nang, ‘Kan ju puru sawa tipuh Babylonia mbŭh ripuan, Aku re kimat angān ka ingat janji Ku an taban angān ngga pari.

JEREMIAH 29:14

Sawŭ, Aku nang, angān re dapŭd Aku, ka Aku re pari angān ka tarun tana adŭp ngan. Aku re nguruk angān so barang rais ka so barang tarun yŭn adi yŭn Ku ko bada angān papar sasah, ka Aku re taban angān pari ka rais asar ngan. Aku, adi TUHAN, mbŭh minyu.’

JEREMIAH 3:18

Israel re jadi ndi ngga Judah, ka samah ngara re mandŭg so rais adi yŭn ngara dog taran ka pari ka tarun tana adi Aku mbŭh nggen di tayung-babuk ngara ndu bisaka.”

JEREMIAH 30:3

sabab tika-i re mandŭg adi ngga Aku pari daya Ku, Israel ngga Judah. Aku re taban ngara ngga pari ka tarun tana adi Aku mbŭh nggen di tayung-babuk ngara; ngara re pari dapu-i. Aku, adi TUHAN, mbŭh minyu.”

JEREMIAH 31:7

TUHAN nang, “Biragu ngga gaŭn yŭn Israel, bangsa adi siabo bās. Nang ragu puji ngan, ‘TUHAN mbŭh nyiramat daya-I; Ayŭh mbŭh nyiramat sopŭrŭg adi dŭm.’

JEREMIAH 32:44

Daya re miris-i, ka surat surat adat-bibiris re dog na tandā tangan dieh, dog matis, ka dog nyaksi daya bagŭ. Kayuh anŭ re jadi di utung tarun tana Benjamin, di anak anak kupo maning Jerusalem, di kupo kupo Judah, ka di kupo kupo di rais tarun tana sandah, di sigŭn sigŭn sandah, ka di siratan Judah. Aku re pari bangsa ati ka rais ngara. Aku, adi TUHAN, mbŭh minyu.”

JEREMIAH 33:12

TUHAN Bisa-pŭrŭg nang, “Di tarun tana ati adi mun tarun tana-pajam ka di yŭn mating daya bait dāng rŭŭ dieh, re pari agi tarun tana kupai di yŭn pingingat-biri taban kaban biri-i.

JEREMIAH 33:7

Aku re bada Judah ngga Israel mujur, ka Aku re pari pijog ngara bada mun adi dawŭ-i.

JEREMIAH 47:5

Pinyusah bās mbŭh nyatŭk daya di Gaza, ka daya Ashkelon gŭh dŭh nang ani ani. Ndŭg sinde ngara adi daya Philistia adi bŭkŭn ngurid?

EZEKIEL 39:25

TUHAN Raja nang, “Pak madin Aku re masi di sesang Jacob, adi daya Israel, ka bada ngara pari mujur. Aku re grindung adŭn kudus Ku.

HOSEA 6:11

“Mun angān, daya Judah, Aku mbŭh miratak jam ngga ngukum angān ani, amai kayuh adi angān mbŭh ndai.

OBADIAH 1:19

“Daya so siratan Judah re ngisi Edom; ngara adi so sigŭn sandah parad ka barat re sirabut Philistia; Israel re dapu tarun tana Ephraim ngga Samaria; daya Benjamin re tambit Gilead.

MICAH 2:12

“Pak Aku re nguruk angān, sopŭrŭg ngan daya Israel adi dŭm. Aku re taban angān keya ka biri pari ka darŭm kandang. Keya ka tarun tana kupai adi puno ngga dudu biri, tarun tana ngan re puno dinge bada bara daya.”

MICAH 4:10

Nyiriat ka nyidaing, meh angān daya Jerusalem, mun dayung biranak, amai madin angān dŭh siŭn dŭh bu tingge kupo ka rŭŭ di sapa tarun tana rais. Angān dŭh siŭn dŭh di ka Babylon, pak diginŭ TUHAN re nyiramat angān so pinganyu ngan.

MICAH 4:7

Ngara mbŭh bajang buang jo so ramin arŭn, pak Aku re nggen pluang bauh di ngara adi babŭ udip, ka ngara re jadi bangsa adi bās. Aku re mritah ngara di Sandah Zion so tika anŭ ndŭg situi tui.”

ZEPHANIAH 2:9

Ngga adŭn Ku TUHAN adi udip, adi Tapa Israel, Aku bipayu Moab ngga Ammon re dog pirabur mun Sodom ngga Gomorrah. Rais rais anŭ re jadi tarun yŭn prigi garo ka adu adu jadi tibawang, adi mbŭh birasu ngga uduh. Bara daya Ku adi babŭ udip re pirinda ngara ka sirapas tana ngara.”

ZEPHANIAH 3:13

Daya Israel adi babŭ udip re dŭh ndai sarah di daya, kadong daya, bait suba an nipu daya. Ngara re udip mujur ka bamai, ka dŭh taru daya.”

ZEPHANIAH 3:20

Tika-i re mandŭg! Aku re taban mari daya mu adi papar sasah; Aku re bada kuu timagah di ndi ong ong ka bada kuu udip mujur dinge.” TUHAN mbŭh minyu.

HAGGAI 1:12

Komŭnŭ Zerubbabel ngga Joshua ngga sopŭrŭg daya adi mbŭh pari so dog taran di Babylonia, ndai kayuh adi TUHAN Tapa bada ngara ndai. Ngara taru ka nundok di Haggai, adi pinyisung TUHAN.

HAGGAI 2:2

Ayŭh bada Haggai minyu di Zerubbabel adi gabenor Judah, di Joshua adi Imam Bās, ngga di bara daya,

LUKE 1:68

“Ja ata muji Tuhan, adi Tapa daya Israel! Ayŭh mbŭh mandŭg di turung daya-I ka mbŭh pirupas ngara.

LUKE 7:16

Sopŭrŭg ngara mbŭh taru buang muji Tapa. “Nabi bās mbŭh mandŭg di ruang ta!” ngara nang; “Tapa mbŭh mandŭg di nyiramat daya-I!”

PINGANDAI 8:26

Malaikat Tuhan nang di Philip, “Sidia meh adŭp mu ka matak ka siratan ka aran anŭ adi nuju Gaza so Jerusalem.” (Aran anŭ dŭh dog pakai madin.)

PINGANDAI 8:40

Philip rada adŭp-i mbŭh di Azotus; ayŭh di ka Caesarea, ka di barang kupo adi-i so ayŭh nyuse Agah Kana.

ROME 11:5

Kayuh babŭ mun anŭ gŭh madin: agi dŭm tibaran adi siit adi Tapa mbŭh mien sabab pinyirasi mandis-I.

RUTH 1:6

Mua tian ripas anŭ, Naomi dingah TUHAN mbŭh nyiberkat daya-I ngga bagŭ buwa pimuruh adi kana. Jadi Naomi makat ka bipisŭn yŭn re bu so Moab ngga iban dayung-i adi duwŭh naan.