ZEPHANIAH 2:5 - Hakcipta - Biatah Bidayuh

⁵ Mbŭh payah inŭh angān daya Philistine, angān daya adi rŭŭ di bŭngŭn rawŭt. TUHAN mbŭh miratak ukum di tunduh ngan. Ayŭh re pirabur angān, ka ndi naan mating gŭh angān re dŭm.

ZEPHANIAH 2:5 ပူးပေါင်းရင်းမြစ်များ

ISAIAH 14:29

Daya Philistia, pukong adi mukong angān mbŭh pata, pak angān dŭh siŭn angan. Kan jippŭh kabŭs, adi arap dŭ re mandŭg di gati. Turoh jippŭh re mupus naga piurad.

ISAIAH 14:30

TUHAN re jadi pingingat-biri di daya-I adi sirata ka re bada ngara rŭŭ ngga siramat. Pak Ayŭh re pait apag adi bisā ka angān daya Philistine, ka-i dŭh re tandah tadŭ tadŭ so angān udip.

JEREMIAH 47:7

Pak simuki-i re rŭŭ-paya, kan Aku mbŭh bada-i nyiraja? Aku mbŭh pesan-i bada nyerang Ashkelon samŭn daya adi rŭŭ di tabing rawŭt.”

EZEKIEL 25:16

Ngapŭi meh Aku kidaan nang adŭp Ku re nyerang bara daya Philistine ka pirabur ngara. Aku re pirabur barang naan adi babŭ udip diginŭ di tarun tana rabak Philistine.

AMOS 3:1

Daya Israel, dingah pinganang ati adi TUHAN mbŭh piruah pasar angān, ndi bangsa adi-I mbŭh taban ruah so Egypt:

AMOS 5:1

Dingah, daya Israel, ragu nyikubur ati adi Aku nang pasar angān:

ZEPHANIAH 1:11

Nyirais ka sien kan angān dingah kayuh anŭ, angān adi rŭŭ di parad kupo adi rapat, sabab sopŭrŭg daya dagang mbŭh kabŭs!

ZEPHANIAH 3:6

TUHAN nang, “Aku mbŭh kinanyap bagŭ bangsa; Aku mbŭh pirabur kupo kupo ngara ka bada sindung ngga tawā-i rubuh. Kupo kupo mbŭh dog tagan; aran aran mbŭh mating daya dieh; mating daya rŭŭ diginŭ tia.

ZECHARIAH 1:6

So ka bara urun Ku adi bara nabi Aku nggen di tayung-babuk ngan pesan ngga pinyibakan, pak ngara nyibireu ka dapu tanggong di sarah adŭp ngara sundis andu. Komŭnŭ ngara marik pimudip ngara pari ka Aku ka ngaku Aku, adi TUHAN Bisa-pŭrŭg, mbŭh ngukum ngara nimun patut nanyam ka sarah ngara ka sabab Aku mbŭh natu an ndai simŭnŭ.’ ”

MARK 12:12

Bara pingibās bangsa Jahudi suba an nakap Jesus, sabab ngara puan Ayŭh mbŭh nyidundan upama anŭ pasar ngara. Pak ngara taru bara daya, jadi ngara bu tingge Ayŭh.

JOSHUA 13:2

sopŭrŭg tarun tana Philistia ngga Geshur,

JOSHUA 13:3

samŭn sopŭrŭg tarun tana Avvim tura ka siratan. (Tarun tana so sungi Shihor, di baat Egypt, jeh ndŭg baat Ekron tura ka utara mbŭh dog nyirundeng tarun tana daya Canaan. Raja raja daya Philistia rŭŭ di Gaza, Ashdod, Ashkelon, Gath, ngga Ekron.)

AKIM 3:3

Anŭ adi gibabŭ di tarun tana anŭ inŭh rimŭh kupo daya Philistine, sopŭrŭg daya bangsa Canaan, daya bangsa Sidon, ka daya bangsa Hivi adi rŭŭ di gadung Darŭd Lebanon so Darŭd Baal Hermon ndŭg Ateng Hammath.

1 SAMUEL 30:14

Kieh ko mirupak tarun tana daya Chereth di parad tura ka siratan Judah samŭn tarun tana manak Caleb, ka Ziklag kieh sigot.”