ZEPHANIAH 2:3 - Hakcipta - Biatah Bidayuh

³ Pari ka TUHAN, sopŭrŭg ngan adi di rais ati adi pirapat adŭp ngan, adi tunda pesan-I. Ndai kayuh adi batur, ka pirapat adŭp ngan di sirung jawin TUHAN. Kadŭ angān dapŭd pirupas adŭp ngan so ukum di andu anŭ adi ngga TUHAN kiren baji-I.

ZEPHANIAH 2:3 ပူးပေါင်းရင်းမြစ်များ

2 SAMUEL 12:22

“Sawŭ,” David nam, “Aku sawŭ bipusa ka sien sitadŭn ayŭh gibabŭ udip. Aku pikir TUHAN an masi di aku ka dŭh bada anak anŭ kabŭs.

MAZMUR 105:4

Di ka yŭn TUHAN mite turung; ka nyambah Ayŭh adu adu.

MAZMUR 149:4

TUHAN munos asŭng-I di daya-I; Ayŭh nggen pimanang di ngara adi pirapat adŭp-i.

MAZMUR 22:26

Daya sirata re man sikiang kiang ngara raan; ngara adi mandŭg ka TUHAN re muji Ayŭh. Isa-i ngara mujur adu adu!

MAZMUR 31:20

Kaam sukan ngara di yŭn pinyirŭŭ Mai so pekat daya; darŭm pinyigrindung adi siramat Kaam sukan ngara so dog pimangŭh pinganyu ngara.

MAZMUR 45:4

Panu meh ngga kuasa nuju pimanang yŭn ngibān pinyawŭ ngga pinyitŭnggŭn! Pinyibake mai re bada kaam dapŭd pimanang bās!

MAZMUR 57:1

Masi di aku, O Tapa, masi di aku, sabab aku mandŭg ka Kaam yŭn pinyiramat. Di sayung ribo urad Mai aku dapŭd pinyigrindung ndŭg ka sabak ribut adi bangat mbŭh saya.

MAZMUR 76:9

kan Kaam makat re matŭd itong, an nyiramat sopŭrŭg adi dog kinanyuh di ong.

MAZMUR 91:1

Asi asi adi mandŭg ka TUHAN amai an dapŭd siramat, asi asi adi babŭ darŭm pinyigrindung-I adi Bisa-pŭrŭg,

PINYIRUAH 12:27

Angān nam, ‘Ati inŭh sadis Gawai Paska ngga kibās TUHAN, sabab Ayŭh mbŭh nandan ramin ramin daya Israel di Egypt. Ayŭh siŭ bara daya Egypt, pak ata Ayŭh dŭh siŭ.’ ” Bara daya Israel sidikang ka nyambah.

PITAS 18:10

TUHAN inŭh keya ka tawā adi tagap, di yŭn daya tŭnggŭn dapŭd bisukan.

ISAIAH 1:17

ka birajar ndai kayuh adi batur. Pimanu kraja pinyitŭnggŭn, turung daya adi dog kinanyuh, nggen di anak tumang hak ngara, ka ngibān dayung uban.”

ISAIAH 11:4

Ayŭh re tingga arap kana daya sirata ngga pinyitŭnggŭn ka ngibān hak ngara adi dŭh bigaya. Ngga pinyipesan-I daya re dog ukum, ka daya arap re kabŭs.

ISAIAH 61:1

TUHAN Raja mbŭh nguasa aku ngga Roh-I. Ayŭh mbŭh mien aku ka pait aku bada taban agah kana ka daya sirata, bada pibua daya adi susah atin, bada piagah pinyirupas di daya-takap ka pinyirupas di ngara adi dog jer.

JEREMIAH 39:18

Aku re nyiramat kuu, ka kuu re dŭh dog siŭ. Kuu re siramat sabab kuu mbŭh na pinyabah mu di Aku. Aku, adi TUHAN, mbŭh minyu.”

JEREMIAH 45:5

Kuu jiroh daya kana ngga adŭp mu kah? Dŭhnyah, amai Aku re bada pinyirusag nyatŭk sopŭrŭg manusia, pak kuu sikurang-i re siramat di barang yŭn mu panu. Aku, adi TUHAN, mbŭh minyu.”

EZEKIEL 13:5

Ngara dŭh jaga tarun tarun adi yŭn sindung mbŭh rubuh, dŭh gŭh ngara pari pijog sindung, ngapŭi Israel dŭh dapŭd dog ngibān kan perang timbur di andu TUHAN.

HOSEA 10:12

Aku nang, ‘Majak tana adi bauh yŭn adŭp ngan, purun pinŭnggŭn, ka ngatŭm berkat adi mandŭg so pinyirindu ngan di Aku. Ati inŭh tika adi ngga angān pari ka Aku, adi TUHAN ngan, ka Aku re mandŭg ka ren berkat di tunduh ngan.’

HOSEA 7:10

Uap-sambuh daya Israel mbŭh manŭn ka mbŭh jadi taksi yŭn sarah ngara. Bagŭ kayuh mbŭh jadi, pak ngara dŭh pari ka Aku, adi TUHAN Tapa ngara.

JONAH 3:9

Kadŭ Tapa bisa nukar pikir-I; kadŭ Ayŭh bisa ko baji, ka ata meh dŭh re kabŭs!”

ZECHARIAH 8:19

“Pusa adi dog sita darŭm buran pat, buran rimŭh, buran ju, ka darŭm buran simŭng re jadi gawai ngga pawŭn ka gaŭn yŭn daya Judah. Angān dŭh siŭn dŭh rindu pinyawŭ ka damai.”

MATTHEW 5:5

Sanang inŭh ngara adi pirapat adŭp-i; ngara re kambat kayuh adi Tapa ko bijanji an nggen!

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

1 THESSALONICA 4:10

Sibandar-i, angān taŭn mbŭh mun anŭ di sopŭrŭg dingan ta di ndi tarun tana Macedonia. Jadi kieh mite angān, adi bara dingan ami, ndai rabis so adi mbŭh.

1 PETER 1:22

Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 PETER 3:4

Pinyiramus ngan inŭh patut so tura ka darŭm, pimudip adi dŭh bidudu buang adi duduh. Pinyiramus adi mun anŭ tan tui, ka mbŭh brega dŭ di batŭh Tapa.

2 PETER 3:18

Angān patut bitambah kambang darŭm pinyirasi-mandis Tapa ka darŭm pinyipuan pasar Tuhan ngga Pinyikudip ta Jesus Kristus. Di Ayŭh inŭh bragah, madin ngga ndŭg situi tui! Amen.