ZEPHANIAH 1:7 - Hakcipta - Biatah Bidayuh

⁷ Andu mbŭh sindŭk adi ngga TUHAN re guru nggen bisara; jadi pajam meh di sirung jawin-I. TUHAN mbŭh sidia re nyadis daya-I ka mbŭh bagan bara pinganyu bada pirinda Judah.

ZEPHANIAH 1:7 ပူးပေါင်းရင်းမြစ်များ

JOB 24:1

Mani Tapa dŭh miratak andu ngga nggen bisara, isa daya adi natŭng Ayŭh kiris pinyitŭnggŭn?

MAZMUR 46:10

“Ko biperang,” Ayŭh nang, “ka puan meh Aku ati Tapa, bās di tunduh sopŭrŭg bangsa, ngga di ndi ong ong.”

ISAIAH 13:3

TUHAN mbŭh bagan bara soldadu adi mbŭh-I mien. Ngara inŭh pimagan buang adi siabo pandai birawan. Ayŭh bada ngara matak di biperang ka ngukum ngara adi yŭn-I baji.

ISAIAH 13:6

Nyikaong meh, amai andu TUHAN mbŭh sindŭk, tika TUHAN adi Bisa-pŭrŭg taban pinyirusag.

ISAIAH 2:12

Di andu anŭ TUHAN Bisa-pŭrŭg re pirapat barang naan daya di bikuasa, barang naan adi gambung ngga adi miruap.

ISAIAH 29:2

ka komŭnŭ Tapa re taban pinyirusag bada nyatŭk kupo anŭ adi dog kadŭn “Mija-sambah Tapa”. Re agi muās ngga sien adi bana, ka ndi kupo kupo anŭ re keya ka mija-sambah adi puno ngga deya.

ISAIAH 34:5

TUHAN mbŭh sidia pedang-I di shorga, ka madin pedang anŭ re japa Edom, ngara adi-I re ngukum ka adi re dog pirusag.

ISAIAH 34:6

Pedang-I re bitameg da deya ngga ramak ngara, mun deya ngga ramak anak biri ngga kambing adi dog nyadis. TUHAN re jugan sadis anŭ di kupo Bozrah; Ayŭh re pijadi bisaad adi bisā di tarun tana Edom.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

JEREMIAH 46:10

Ati inŭh andu TUHAN Raja Bisa-pŭrŭg: andu ati Ayŭh re maras dendam; andu ati Ayŭh ngukum bara pinganyu-I. Pedang-I re man ngara ndŭg ka-i mbŭh bisoh, ka nok deya ngara ndŭg ka mbŭh puas. Andu ati Ayŭh adi Bisa-pŭrŭg nyadis bara dangah-I di utara, sindŭk Yang Euphrates.

EZEKIEL 7:10

Andu pinyirusag mbŭh aŭn mandŭg yŭn Israel. Pinyiganas mbŭh masang bagŭ. Pinyigambung aŭn parak,

EZEKIEL 7:7

Pimungan mbŭh mandŭg ka angān adi rŭŭ di tarun tana ati. Tika-i mbŭh sindŭk kan gawai di bari-sambah di darŭd re mating tia, adŭ-i pito.

JOEL 1:15

Andu TUHAN mbŭh sindŭk, andu adi ngga Ayŭh adi Bisa-pŭrŭg taban pinyirusag. Munki masam sipŭ-i re andu anŭ!

JOEL 2:11

TUHAN nyirais nggen ukum di bara soldadu-I. Tibaran soldadu adi tunda pinganang-I inŭh bagŭ buang bake. Munki masam sipŭ-i andu TUHAN! Mating daya re tan.

JOEL 2:31

Batŭh andu re karŭm, ka buran re marui bireh mun deya diŭ so andu TUHAN adi bisā ka adi sipŭ anŭ mandŭg.

AMOS 6:10

Madis daya adi kabŭs, sianŭ adi ngatur pinyikubur, re taban tadang anŭ ruah so ramin. Madis-i re bagan asi asi adi babŭ darŭm ramin, “Agi kah daya bŭkŭn diginŭ ayō kuu?” Ka sirŭŭn re nam, “Mating!” Ka madis anŭ re nang, “Pirŭŭ adŭp nŭh! Ata dŭh siŭn nyabŭt adŭn TUHAN.”

AMOS 8:3

Di andu anŭ ragu di istana re marui jadi puās. Di barang yŭn re agi tadang. Dudu tadang anŭ re dog taran ngga pajam.”

HABAKKUK 2:20

TUHAN agi di Ramin-I adi kudus; barang naan daya di ong patut pajam di sirung jawin-I.

ZEPHANIAH 1:14

Andu bās TUHAN mbŭh sindŭk; raru sindŭk buang rikas! Anŭ inŭh andu adi raru bisā, sirabi ka bara soldadu adi siabo pagan re nyirais gŭh darŭm taru!

ZECHARIAH 14:1

Andu adi ngga TUHAN guru nggen bisara mbŭh sindŭk. Ka Jerusalem re dog mirupak, ka kayuh sirapas anŭ re dog kutung di sirung jawin mu.

ZECHARIAH 2:13

Pajam, barang naan, di sirung jawin TUHAN, amai Ayŭh aŭn mandŭg so yŭn pinyirŭŭ-I adi kudus.

MALACHI 4:1

TUHAN Bisa-pŭrŭg nang, “Andu re mandŭg adi ngga sopŭrŭg daya adi sambuh ngga adi arap re dog badang keya ka siriyang dog badang. Di andu anŭ ngara re abo dog badang, ndŭg ka mating ani ani dŭm so ngara.

MATTHEW 22:4

Jadi ayŭh pait daya daya-gaji adi bŭkŭn ngga pinganang sakati: ‘Gawai ku mbŭh sidia madin; dari dari sapi ngga anak anak sapi ku mbŭh dog simareh, ka sopŭrŭg kayuh mbŭh sidia. Mandŭg meh ka gawai sawan!’

ROME 3:19

Madin ata puan nang sopŭrŭg kayuh darŭm Ukum-adat taŭn mbŭh yŭn daya adi udip di ribo Ukum-adat, siŭn sopŭrŭg daya dŭh bisa nang ani ani ngga nutu sarah-i, ka yŭn sopŭrŭg daya dog taban bisara di sirung jawin Tapa.

ROME 9:20

Pak bara dingan ku, asi meh angān nak birani nam Tapa? Priok tana dŭh siken daya adi ndai-i, “Mani aku dog ndai mun ati?”

PHILIPPI 4:5

Nakit buang duduh ngga sopŭrŭg daya. Tuhan mbŭh re rikas mandŭg.

1 SAMUEL 16:5

Samuel nam, “Taban damai. Aku mandŭg di jugan sadis ka TUHAN. Pibisig adŭp ngan ka sua ngga aku.” Ayŭh kidaan gŭh bada Jesse ngga bara anak dari-i pibisig adŭp ngara. Ka-i bagan ngara bada sua di ka yŭn jugan sadis.

1 SAMUEL 20:26

pak Saul mating nang ani ani andu anŭ, sabab ayŭh pikir, “Agi kayuh mbŭh jadi di ayŭh, buang-i ayŭh dŭh bisig nanyam ka adat.”