ZEPHANIAH 1:5 - Hakcipta - Biatah Bidayuh

⁵ Aku re pirabur tadŭ tadŭ daya adi maad ka tibung ramin ka nyambah batŭh andu, buran, ka bitang bitang. Aku gŭh re pirabur daya adi nyambah Aku ka bipayu an tŭtŭd di Aku, pak komŭnŭ bipayu ngga dŭn tapa Molech.

ZEPHANIAH 1:5 ပူးပေါင်းရင်းမြစ်များ

1 RAJA 11:33

Aku re ndai simŭnŭ sabab Solomon mbŭh tirawan Aku ka mbŭh nyambah tapa tapa saruh: Astart, tapa daya Sidon; Chemosh, tapa daya Moab; ka Molech, adi tapa daya Ammon. Solomon mbŭh nyibireu Aku; ayŭh mbŭh sarah, ka dŭh sita ukum ukum-adat Ku ngga pesan Ku, dŭh mun sama-i David.

1 RAJA 11:5

Ayŭh nyambah Astart, tapa daya Sidon, ka Molech adi tapa daya Ammon, tapa adi sipŭ anŭ.

1 RAJA 18:21

Elijah di ka yŭn bara daya ka nang, “Ndŭg sinde angān gibabŭ ndai pikir ngan? Kambŭi TUHAN inŭh Tapa, nyambah Ayŭh; pak kambŭi Baal inŭh Tapa, nyambah Baal!” Bara daya dŭh nang ani ani.

2 RAJA 17:32

Ngara anŭ nyambah gŭh TUHAN ka mien so dupan adŭp ngara tadŭ tadŭ daya bada jadi imam di barang yŭn bisambah adat karŭm ka adi tukang jugan sadis yŭn ngara diginŭ.

2 RAJA 17:33

Jadi ngara nyambah TUHAN, pak ngara nyambah gŭh tapa adŭp ngara nanyam ka adat rais adi so ngara mandŭg.

2 RAJA 17:41

Jadi sunggu ngara nyambah TUHAN, ngara babŭ gŭh nyambah tibudo ngara; ka ndŭg andu ati bara sesang ngara babŭ ndai simŭnŭ.

2 RAJA 23:12

Mija mija-sambah adi raja raja Judah muko pijog di tibung istana nyirungan birit birit Raja Ahaz, Raja Josiah nyirubuh, samŭn mija mija-sambah adi dog pijog Raja Manasseh di duwŭh badag Ramin TUHAN; ayŭh pirandŭk mija mija-sambah anŭ ka taran-i ka Rubān Kidron.

ISAIAH 22:1

Ati inŭh agah pasar Rubān Pinandŭng. Ani mbŭh jadi? Mani sopŭrŭg daya darŭm kupo bigawai di tibung ramin?

ISAIAH 44:5

“Ndi ngga ndi, daya re nang, ‘Aku tung TUHAN.’ Ngara re mandŭg ka bigaur ngga daya Israel. Barang naan ngara re na tandā TUHAN di tangan ngara ka kadŭn adŭp ngara bara daya Tapa.”

ISAIAH 45:23

Janji Ku agi sawŭ, ka-i re dŭh dog ngubah. Aku bipayu pakai asi adŭp Ku ati: Barang naan re mandŭg ka sidikang di sirung jawin Ku ka mutu ubak raan nundok di Aku.

ISAIAH 48:1

Dingah ati, daya Israel, angān adi sesang Judah: Angān bipayu pakai adŭn TUHAN ka nang adŭp ngan nyambah Tapa Israel — pak angān dŭh sawŭ di pinganang ngan anŭ.

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 19:13

Ramin ramin di Jerusalem, ramin ramin raja di Judah, ka sawŭ sopŭrŭg ramin adi tibung-i ko yŭn kimanyan dog badang yŭn bitang bitang ka adi yŭn wain ko dog ren ndu sadis ka tapa tapa bŭkŭn. Sopŭrŭg anŭ re kais mun Topheth.”

JEREMIAH 32:29

ka badang-i. Ngara re badang-i ndŭg ka rŭpŭg, samŭn ramin ramin adi yŭn daya mbŭh bada Aku baji, anŭ inŭh badang kimanyan yŭn Baal di tibung ramin ka ren wain sadis yŭn tapa tapa bŭkŭn.

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

JEREMIAH 49:1

Ati inŭh kayuh adi TUHAN nang pasar Ammon: “Diki bara dari Israel? Mating kah daya re ngibān rais-i? Mani ngara bada daya adi nyambah Molech tambit tarun tana tibaran-asar Gad ka rŭŭ dieh?

JEREMIAH 5:2

Sunggu angān nang adŭp ngan nyambah TUHAN, angān nang sakanŭ dŭh ngga atin sawŭ.

JEREMIAH 5:7

TUHAN siken “Re ngga mani Aku apun dosa daya Ku? Ngara tagan Aku ka mbŭh nyambah tapa tapa bŭkŭn adi dŭh sawŭ. Aku paan daya Ku ndŭg ka ngara bisoh, pak ngara tanggah ka saat jam ngga dayung sundar.

JEREMIAH 7:10

Angān ndai kayuh kayuh anŭ adi Aku tiru, ka komŭnŭ angān mandŭg ka mijog di sirung jawin Ku, darŭm Ramin Ku, ka nang, ‘Kieh siramat!’

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

JEREMIAH 8:2

Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

HOSEA 10:2

Daya adi puno ngga tipu atin-i, dŭh siŭn dŭh sangsara amai dosa-i. Tapa re nyirubuh mija-sambah ngara ka pirusak uros uros pirapu' ngara.

HOSEA 4:15

“Sunggu angān daya Israel dŭh tŭtŭd di Aku, dŭhnyah gŭh angān ndai simŭnŭ. Dŭhnyah bisambah di Gilgal bait di Bethaven, puan kah ndai janji diginŭ ngga adŭn TUHAN adi udip.

AMOS 5:26

Pak madin, sabab angān mbŭh nyambah gayŭn gayŭn Sakkuth, adi angān ngaku ndu raja; ka Kaiwan, adi angān ngaku nang tapa bitang ngan, angān re taban gayŭn gayŭn anŭ

MATTHEW 6:24

“Mating daya bisa jadi urun duwŭh naan tuan; ayŭh re tiru di sianŭ ndi ka rindu di sianŭ ndi; ayŭh re tŭtŭd ngga sianŭ ndi ka ngamun sianŭ ndi. Angān dŭh bisa bituan di Tapa buang bituan di duit.

PINGANDAI 10:9

Andu anŭ ndi, ngga arong kumbeng, darŭm ngara babŭ di aran pak mbŭh sindŭk Joppa, Peter maad ka tibung ramin an simayang.

ROME 14:11

Amai Surat-kudus nang, “Siragi Aku ati Tapa adi udip, nang Tuhan, barang naan re sidikang nyambah Aku, ka barang naan re ngaku Aku Tapa.”

DITRONOMI 10:20

Stabi di TUHAN adi Tapa ngan, ka nyambah Ayŭh sadi adŭ. Tŭtŭd di Ayŭh ka ndai janji ngan darŭm adŭn-I sadi adŭ.

DITRONOMI 4:19

Dŭhnyah dog pinyisuba an nyambah ka bituan di kayuh adi angān kiris di rangit — batŭh andu, buran ngga bitang bitang. TUHAN adi Tapa ngan mbŭh nggen kayuh kayuh anŭ ka sopŭrŭg daya bŭkŭn, bada ngara nyambah.

JOSHUA 23:7

ka angān manyah bigaur ngga ngara adi gibabŭ agi dŭm di ruang ngan, puan kah nyabŭt dŭn tapa tapa ngara, puan kah pakai dŭn tapa ngara ngga bipayu, puan kah nyambah tapa ngara, puan kah mutu ubak ka tapa ngara.