ZEPHANIAH 1:4 - Hakcipta - Biatah Bidayuh

⁴ “Aku re ngukum daya Jerusalem ka simŭnŭ gŭh sopŭrŭg daya Judah. Aku re pirabur sikasŭn arok arok sambah Baal diginŭ, isa daya dŭh ingat imam imam adi ko bituan di Baal.

ZEPHANIAH 1:4 ပူးပေါင်းရင်းမြစ်များ

2 RAJA 21:13

Aku re ngukum Jerusalem mun Aku ngukum Samaria, mun Aku ngukum Raja Ahab ngga bara sesang-i. Aku re siŭ sopŭrŭg adi rŭŭ di Jerusalem keya ka pibisig pinggen ka marik-i bada badŭh.

2 RAJA 23:12

Mija mija-sambah adi raja raja Judah muko pijog di tibung istana nyirungan birit birit Raja Ahaz, Raja Josiah nyirubuh, samŭn mija mija-sambah adi dog pijog Raja Manasseh di duwŭh badag Ramin TUHAN; ayŭh pirandŭk mija mija-sambah anŭ ka taran-i ka Rubān Kidron.

2 KRONIKEL 34:4

So ka pinyipesan-i mija mija-sambah adi yŭn Baal dog nyambah dog pirandŭk, ka mija mija-sambah kimanyan adi sindŭk-i dog nyirubuh. Ngara pirandŭk ka bada jadi dabu gayŭn Asherah ngga sopŭrŭg tibudo adi bŭkŭn ka komŭnŭ nabur dabu-i di kubur daya adi ko bisadis ka ngara.

PINYIRUAH 15:12

Kaam ton tangan tauh Mai, ka tana tŭrŭn pinganyu ami.

JEREMIAH 15:6

Angān mbŭh tirawan Aku; angān mbŭh nyipunok Aku. Ngapŭi Aku pakat tangan Ku ka pirandŭk angān sabab Aku mbŭh reju nyijŭn baji Ku.

JEREMIAH 6:12

Ramin ramin ngara re dog nggen di daya bŭkŭn, ka simŭnŭ gŭh teya ngara ngga sawŭn ngara. Aku re ngukum daya di tarun tana ati.

EZEKIEL 25:7

Sabab angān ndai simŭnŭ, Aku re nyerah angān ka bangsa bangsa bŭkŭn adi re mirupak angān ka pirinda angān. Aku re pirarap angān isa angān dŭh tia jadi ndi bangsa adi dapu rais adŭp-i. Komŭnŭ angān re puan nang Aku ati TUHAN.”

EZEKIEL 6:14

Sawŭ, Aku re pakat tangan Ku ka pirabur rais ngara. Aku re bada-i jadi tarun tana-matung so tarun tana-pajam di siratan ndŭg kupo Riblah di utara, dŭh kidŭm tadŭ tarun adi yŭn daya Israel rŭŭ. Komŭnŭ barang naan daya re puan Aku ati TUHAN.”

HOSEA 10:5

Daya adi rŭŭ di kupo Samaria re taru ka re ngurid dari sapi mas di Bethaven. Ngara ngga bara imam adi bituan di tibudo anŭ re muās-i. Ngara re bana sien kan-i dog pirukos so sangŭn mas-i.

MICAH 5:13

Aku re pirabur tibudo tibudo ngga uros uros batuh pirapu' ngan. Angān re dŭh tia nyambah kayuh adi adŭp ngan ndai.

ZEPHANIAH 2:11

TUHAN re pitaru ngara. Ayŭh re pirandŭk tapa tapa di ong, ka komŭnŭ barang naan daya re nyambah Ayŭh, masin masin di rais adŭp-i.

ZEPHANIAH 2:13

TUHAN re pakai kuasa-I ngga pirabur Assyria. Ayŭh re bada kupo Nineveh jadi tibawang, tarun tana-pajam adi dŭh biyŭn piin.