ZEPHANIAH 1:1 - Hakcipta - Biatah Bidayuh

¹ Ati inŭh pinganang adi TUHAN nggen di Zephaniah di jaman Josiah anak Amon jadi raja Judah. (Zephaniah inŭh sesang Raja Hezekiah so ka Amariah, Gedaliah, ka Cushi.)

ZEPHANIAH 1:1 ပူးပေါင်းရင်းမြစ်များ

2 RAJA 21:18

Manasseh kabŭs ka dog kubur di teya istana, teya Uzza, ka anak-i Amon gati ayŭh jadi raja.

2 RAJA 21:26

Amon dog kubur di kubur di teya Uzza, ka anak-i Josiah gati ayŭh jadi raja.

2 KRONIKEL 33:20

Manasseh kabŭs ka dog kubur di istana, ka anak-i Amon gati ayŭh jadi raja.

JEREMIAH 1:2

TUHAN minyu di Jeremiah darŭm sawa adi simŭng taruh Josiah anak Amon jadi raja di Judah,

JEREMIAH 22:11

Pinganang TUHAN pasar Joahaz anak Josiah, adi gati sama-i jadi raja Judah, “Ayŭh mbŭh bu so ti, ka dŭh re pari.

JEREMIAH 25:3

“Sitŭkŭd duwŭh puru-taruh sawa, so sawa adi simŭng taruh Josiah anak Amon jadi raja Judah ndŭg andu ati, TUHAN mbŭh minyu ngga aku, ka aku bŭn dŭh kidaan di angān kayuh adi-I nang. Pak angān dŭh mbit piduri.

EZEKIEL 1:3

Diginŭ di Babylonia di pang Yang Chebar, aku dingah TUHAN minyu ngga aku ka aku agi kinyam kuasa-I.

HOSEA 1:1

Ati inŭh agah adi TUHAN nggen di Hosea anak Beeri di jaman Uzziah, Jotham, Ahaz, ka Hezekiah jadi raja Judah, ka Jeroboam anak Jehoash jadi raja Israel.

2 TIMOTHY 3:16

Sopŭrŭg kayuh adi dog nuris di Surat-kudus mbŭh so kuasa Tapa ka mbŭh biguna ngga ngajar kayuh adi sawŭ, ngga nyara ka ngga nyibatur kayuh adi sarah, ka ngga ngajar daya pasar aran pimudip adi batur;

2 PETER 1:19

Anŭ sabab kieh mbŭh rabis sabah nang agah adi ko dog piagah bara nabi agi sawŭ. Angān patut nakit mbit bat di agah anŭ, sabab-i agi keya ka prita nyekar darŭm karŭm ndŭg andu jawa, ka keya ka jawa bitang isan isan nyekar darŭm atin ngan.