ZECHARIAH 5:3 - Hakcipta - Biatah Bidayuh

³ Komŭnŭ ayŭh nang di aku, “Di surat-barun anŭ agi dog nuris pangu yŭn ndi tarun tana rais ati. Di ndi parad surat-barun anŭ agi dog nuris nang sopŭrŭg pinaku re dog kadi so rais ati; ka di parad anŭ ndi agi dog nuris nang sopŭrŭg daya adi bipayu ngga aran adi kadong re dog taban ngga bu gŭh.

ZECHARIAH 5:3 ပူးပေါင်းရင်းမြစ်များ

PINYIRUAH 20:15

“Dŭhnyah naku.

PITAS 29:24

Daya adi biayo ngga pinaku, rati-i ayŭh tiru di adŭp-i. Kambŭi ayŭh ngaku adŭp-i di yŭn bisara, ayŭh re dog ukum; kambŭi ayŭh dŭh ngaku, Tapa re mangu ayŭh.

PITAS 3:33

TUHAN mangu ramin arŭn daya ginaka, pak nyiberkat ramin arŭn daya tŭnggŭn.

PITAS 30:9

Kambŭi aku biyŭn bagŭ, kadŭ-i aku nang aku dŭh biguna di Kaam. Pak kambŭi aku sirata, kadŭ-i aku naku ka nggen mangŭh di Tapa ku.

ISAIAH 24:6

Jadi Tapa mbŭh mangu ong. Daya-i trima baras kraja pingandai ngara. Dŭ dŭ nisŭ ngara adi gibabŭ udip.

ISAIAH 43:28

ka pimritah ngan nyembar yŭn pinyirŭŭ Ku. Jadi Aku bada pinyirusag nyatŭk Israel; Aku tandah daya Ku dog pimangŭh.”

ISAIAH 48:1

Dingah ati, daya Israel, angān adi sesang Judah: Angān bipayu pakai adŭn TUHAN ka nang adŭp ngan nyambah Tapa Israel — pak angān dŭh sawŭ di pinganang ngan anŭ.

JEREMIAH 23:10

Tarun tana rais mbŭh puno bada daya adi dŭh tŭtŭd di TUHAN; ngara udip ginaka ka pakai kuasa ngara ngga aran adi sarah. Sabab pangu TUHAN tana ngurid ka tarun tana kupai badŭh.

JEREMIAH 26:6

Kambŭi angān babŭ abah dingah pinganang, Aku re ndai di Ramin Ku ati kayuh adi Aku mbŭh ndai di Shiloh, ka sopŭrŭg bangsa di ong re pakai dŭn kupo ati ndu pangu.”

JEREMIAH 5:2

Sunggu angān nang adŭp ngan nyambah TUHAN, angān nang sakanŭ dŭh ngga atin sawŭ.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

EZEKIEL 2:9

Aku kiris tangan tudu aku, digŭng surat-barun.

DANIEL 9:11

Sopŭrŭg daya Israel miranggar ukum ukum-adat Mai ka abah dingah kayuh adi Kaam nang. Kieh bidosa rawan Kaam, ka Kaam meh mbŭh kudog kieh ngga pangu adi dog nuris darŭm Ukum-adat Moses, adi urun Mai.

HOSEA 4:2

Ngara ndai janji ka miranggar-i; ngara kadong, siŭ daya, naku, ka bikandak. Sarah adi barang ka mun-i bitambah, ka birijut adŭ daya dog siŭ.

LEVITICUS 19:11

“Dŭhnyah naku puan kah ngakar puan kah kadong.

LEVITICUS 19:12

Dŭhnyah bijanji ngga adŭn Ku kambŭi angān dŭh re sita janji ngan anŭ; amai anŭ nggen mangŭh di adŭn Ku. Aku ati TUHAN adi Tapa ngan.

AMOS 3:10

TUHAN nang, “Ngara anŭ ngisi ramin bās-i ngga kayuh kayuh adi tambit-i pakai aran adi sarah ka ganas. Ngara taŭn dŭh adŭ puan munki re bada adŭp-i jujur.

ZECHARIAH 5:4

TUHAN Bisa-pŭrŭg nang adŭp-I re pait pangu anŭ ka ramin ramin sopŭrŭg pinaku ngga ramin ramin daya adi bipayu ngga aran adi kadong. Pangu anŭ re rŭŭ di ramin ramin ngara ka pirubuh-i.”

ZECHARIAH 8:17

Dŭhnyah bipusar an kandam dingan ngan. Dŭhnyah nggen taksi kadong buang angān bipayu. Aku tiru di pinyikadong, tiru di atur adi dŭh ngga pimanu pinyitŭnggŭn, ka tiru di pinyiganas.”

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

MALACHI 4:6

Ayŭh re bada sama ngga anak jadi ndi atin dinge; isa Aku dŭh mandŭg di pirabur rais ngan.”

MATTHEW 25:41

“Komŭnŭ Ayŭh re nang di ngara adi tura ka bait-I, ‘Bu so Aku angān, angān adi dog pangu Tapa! Bu angān ka apui neraka adi mbŭh dog sidia yŭn Siarap ngga bara malaikat-i!

LUKE 21:35

mun pirakap rai-i. Amai andu anŭ re mandŭg ka sopŭrŭg daya di barang yŭn di ong ati.

EPHESUS 4:28

Daya adi pinaku, dŭhnyah-i tia naku pak nyiraja ngga nyiran adŭp-i pakai aran adi batur, siŭn-i dapŭd nggen di daya adi sirata.

1 TIMOTHY 1:9

Patut dog ingat, ukum ukum-adat dog ndai, dŭh-i yŭn daya adi kana, pak yŭn daya adi miranggar ukum-adat ngga daya adi arap, yŭn daya adi dŭh stabi di Tapa ngga adi bidosa, yŭn daya adi dŭh biyŭn adat ngga adi udip puno ngga tibiat ong, yŭn bara pinyiŭ adi siŭ ndŭg ka sindŭ sama adŭp-i,

JAMES 5:12

Rabis-i, bara dingan ku, dŭhnyah bipayu kan angān ndai janji. Dŭhnyah bipayu pakai rangit, pakai ong, puan kah pakai tadŭ tadŭ kayuh. Nang “Sawŭ” kan-i sawŭ, nang “Dŭh” kan-i dŭh. Simŭnŭ angān dŭh re dog ukum.

JAMES 5:4

Angān gibayuh bayar gaji ngara adi nyiraja di teya ngan. Dingah meh ngara mingungut! Ngara adi ko nguruk buwa yŭn ngan mbŭh ngadu buang mite turung so Tapa, Tuhan adi Bisa-pŭrŭg.

JOSHUA 9:20

Ata dŭh siŭn dŭh tandah ngara udip amai janji ta; kambŭi dŭh, Tapa re ngukum ata.

PINANDŬNG 21:8

Pak ngara adi pinakut, adi nyipunok Jesus, adi sembar, adi pinyiŭ, adi udip darŭm pimudip adi dŭh tatu darŭm pingandai kais, adi ndai biruri karŭm, adi nyambah tibudo, samŭn sopŭrŭg adi pingadong; tarun yŭn ngara inŭh danu anŭ adi bijagu ngga apui ka mirirang, anŭ inŭh pinyikabŭs adi numbor duwŭh.”

PINANDŬNG 22:15

Pak di sapa kupo inŭh ngara adi sembar ngga adi ndai biruri karŭm, ngara adi dŭh tatu pimudip-i darŭm pingandai kais ka ngara adi pinyiŭ, ngara adi nyambah tibudo ka ngara adi pingadong darŭm piminyu ka darŭm pingandai.