TIBIRIK 38:9 - Hakcipta - Biatah Bidayuh

⁹ Pak Onan puan nang anak-i anŭ dŭh ayŭh re dapu, ngapŭi di tiap kari ayŭh nyibŭŭs ngga uban kaka-i, ayŭh bada piin bine-i ruah di sapa, isa kaka-i dŭh dapŭd sesang.

TIBIRIK 38:9 ပူးပေါင်းရင်းမြစ်များ

JAMES 4:5

Dŭhnyah nang pinganang Surat-kudus dŭh sawŭ adi nang, “Roh adi Tapa mbŭh na darŭm ata agi puno ngga pinyiraan adi bisā.”

JAMES 3:16

Di yŭn agi atin sina ngga atin sibut, diginŭ gŭh agi pito ngga barang masam arap.

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

JAMES 3:14

Pak kambŭi di darŭm atin ngan angān sina, baji, ka sibut, dŭhnyah meh bidosa rawan agah adi sawŭ so Tapa ngga piminyu sambuh pasar pinyibijak ngan.

PITAS 27:4

Atin baji inŭh gaok buang bisa pirusak, pak dŭh-i arap mun atin sina.

JOB 5:2

Nyusah adŭp mu ngga atin baji ndŭg ka kuu kabŭs inŭh budo buang sipadin.

RUTH 4:10

Ngga nambah anŭ, Ruth adi daya Moab, dayung uban Mahlon, jadi sawŭn ku. Ati re bada buat-rata anŭ gibabŭ darŭm rawang dari anŭ adi mbŭh kabŭs, ka taris asar rawang-i re babŭ di dupan bara daya-i ngga di darŭm kupo adŭp-i. Angān jadi saksi di kayuh ati andu ati.”

DITRONOMI 25:6

Ka pinuai anak dari ngara re dog nyirundeng anak dari nyanŭ adi mbŭh kabŭs, isa taris asar-i bisa babŭ darŭm Israel.

RUTH 1:11

“Angān dŭh siŭn dŭh pari, nak,” Naomi nam. “Mani angān raan tunda aku? Angān pikir aku re tungang biyŭn anak re ngan banŭh dinge kah?

TIBIRIK 38:10

Urah-i anŭ bada asŭng TUHAN dŭh munos, ka TUHAN tambit asŭng-i gŭh.

DITRONOMI 25:5

“Kambŭi duwŭh naan dari adi bijurud rŭŭ samah, ka ndi naan so ngara anŭ kabŭs ka mating anak dari tingge-i; sawŭn nyanŭ adi mbŭh kabŭs dŭh siŭn banan ka banŭh dari bŭkŭn di sapa rawang anŭ. Jurud dari nyanŭ adi mbŭh kabŭs patut sawŭn dayung uban anŭ.