TIBIRIK 2:8 - Hakcipta - Biatah Bidayuh

⁸ Muko anŭ TUHAN Tapa ndai ndi teya di Eden, tura ka timor, ka diginŭ Ayŭh na manusia adi-I ko napa.

TIBIRIK 2:8 ပူးပေါင်းရင်းမြစ်များ

TIBIRIK 13:10

Lot tingga ndi abong tarun anŭ, ka-i kiris ndi tarun tarun Rubān Jordan ndŭg abong Zoar biyŭn bagŭ piin, mun Teya TUHAN, puan kah mun tarun tana Egypt. (Anŭ inŭh tipuh adi diŭ so TUHAN pirabur kupo Sodom ngga kupo Gomorrah.)

TIBIRIK 3:23

Jadi TUHAN Tapa pibu ngara so Teya Eden ka bada ngara biteya birŭmŭh di tana adi so ngara dog napa.

TIBIRIK 3:24

Komŭnŭ di parad tura ka timor teya anŭ Ayŭh na cherubim ka ndi pedang apui adi bipusing nura ndi tarun tarun. Anŭ ngga bitan tadŭ tadŭ daya mandŭg nyindŭk tŭngŭn kayuh adi nggen udip.

TIBIRIK 4:16

Jadi Cain birakang ngga TUHAN ka rŭŭ di ndi tarun tana adi dŭn “Bigandon,” tura ka timor di sapa Eden.

2 RAJA 19:12

Bara tayung-babuk ku muko pirabur kupo kupo Gozan, Haran, ka Rezeph, ka siŭ daya Betheden adi rŭŭ di Telassar, ka mating tapa ngara tungang nyiramat ngara.

ISAIAH 51:3

“Aku re kiren masi di Jerusalem, di sopŭrŭg adi rŭŭ di tibawang-i. Sunggu tarun tana-i tarun tana-sumat, Aku re bada-i jadi teya, mun teya adi Aku ndai di Eden. Gaŭn ngga pawŭn re agi diginŭ, ngga ragu puji ngga ragu trima kaseh yŭn Ku.

EZEKIEL 27:23

Kupo Haran, kupo Canneh, ngga kupo Eden, daya daya dagang so Sheba, kupo Asshur ngga kupo Chilmad — sopŭrŭg ngara bidagang ngga kuu.

EZEKIEL 28:13

Kuu rŭŭ di Eden, teya Tapa, ka pakai barang masam batuh brega: batuh mutiara ngga itan; batuh topaz, batuh beril, batuh akek bireh, ka batuh jasper, batuh nilam, batuh zamrud, ngga batuh garnet. Kuu biyŭn pimakai mas adi dog ndai yŭn mu di andu kuu dog napa.

EZEKIEL 31:16

Kan Aku pait-i ka ong daya adi mbŭh kabŭs, jawŭn pinyirabu-i re bada bangsa bangsa bigugoh. Sopŭrŭg tŭngŭn kayuh di Eden adi siabo pimuah di Lebanon adi mbŭh mūn ka ong daya adi mbŭh kabŭs re angan pinyirabu-i.

EZEKIEL 31:18

“Tŭngŭn kayuh anŭ inŭh raja Egypt ngga sopŭrŭg rayat-i. Mating tŭngŭn kayuh di Eden bigatung buang ramus mun anŭ. Pak madin, mun tŭngŭn tŭngŭn kayuh Eden, ayŭh re mūn ka ong daya adi mbŭh kabŭs ka sua ngga ngara adi dŭh puan Tapa ngga ngara adi dog siŭ darŭm perang. Aku mbŭh minyu,” nang TUHAN Raja.

JOEL 2:3

Mun apui ngara man anak anak kayuh-udip. Di jawin ngara tarun tana agi keya ka Teya Eden, pak di punok ngara mbŭh keya ka tana-matung. Mating kayuh dŭm bada ngara.