TIBIRIK 1:1 - Hakcipta - Biatah Bidayuh

¹ Di sibungas-i di tika Tapa napa rangit ngga ong,

TIBIRIK 1:1 ပူးပေါင်းရင်းမြစ်များ

2 RAJA 19:15

ka bidua, “O TUHAN, adi Tapa Israel, bitakta di tunduh cherubim, Kaam sadi adŭ Tapa, mritah sopŭrŭg pritah di ong. Kaam napa ong ngga rangit.

1 KRONIKEL 16:26

Bara tapa sopŭrŭg bangsa inŭh tibudo adŭ, pak TUHAN napa rangit bās.

2 KRONIKEL 2:11

Raja Hiram pait surat ngga nam Solomon. Ayŭh nuris, “Sabab TUHAN rindu daya-I, Ayŭh mbŭh bada kuu jadi raja ngara.

NEHEMIAH 9:6

Komŭnŭ daya Israel nang dua ati: “Kaam, TUHAN, Kaam sadi adŭ TUHAN; Kaam napa rangit ka bitang bitang di rangit. Kaam napa tana ka rawŭt ka sopŭrŭg isi-i; Kaam bada sopŭrŭg kayuh udip. Kuasa kuasa di rangit mutu ka nyambah Kaam.

JOB 26:13

Sabak asŭng-I inŭh adi bada rangit tawas, ka tangan-I inŭh adi siŭ dāng-bās adi rupas anŭ.

JOB 38:4

Agi kah kuu diginŭ di andu Aku napa ong? Kambŭi kuu raru pandai, nam Aku.

JOB 9:8

Mating daya turung Tapa ndai rangit bait bidigang di punok dāng-bās rawŭt.

MAZMUR 102:25

ndun jah Kaam napa ong, ka ngga tangan adŭp Mai Kaam napa rangit.

MAZMUR 104:24

TUHAN, Kaam mbŭh napa bagŭ masam kayuh! Ngga pinyibijak Mai Kaam napa sopŭrŭg-i! Ong puno ngga kayuh adi mikitak adi Mai napa.

MAZMUR 104:30

Pak kan Kaam nggen asŭng di ngara, ngara jadi dog napa; Kaam nggen udip bauh di ong.

MAZMUR 115:15

Isa-i angān dog nyiberkat TUHAN, adi napa rangit ngga ong!

MAZMUR 121:2

Pinurung ku re mandŭg so TUHAN, adi napa rangit ngga ong.

MAZMUR 124:8

Pinurung ta mandŭg so TUHAN, adi napa rangit ngga ong.

MAZMUR 134:3

Isa-i TUHAN, adi napa rangit ngga ong, nyiberkat angān so Zion!

MAZMUR 136:5

Ngga pinyibijak-I Ayŭh napa rangit; pinyirindu-I tan adu adu;

MAZMUR 146:6

adi napa rangit, ong, ka rawŭt, ka sopŭrŭg adi darŭm-i. Ayŭh ari ndai nanyam ka janji-I;

MAZMUR 33:6

TUHAN mritah rangit bada jadi, ngga pinganang-I Ayŭh bada batŭh andu, buran ka bitang bitang jadi.

MAZMUR 33:9

Kan Ayŭh minyu, ong dog napa; ngga pinganang-I sopŭrŭg kayuh tatŭng.

MAZMUR 8:3

Kan aku tingga rangit, adi mbŭh Mai napa, buran ka dudu bitang, adi mbŭh Mai na di yŭn-i —

MAZMUR 8:4

ani anŭ manusia, ka Kaam siŭt ngara; adi bisa kabŭs, ka Kaam kingat ngara?

MAZMUR 90:2

Diŭ so Kaam napa dudu sandah bait napa ong, Kaam inŭh mbŭh Tapa adi tan adu adu, ka Tapa ndŭg situi tui.

MAZMUR 96:5

Tapa tapa sopŭrŭg bangsa bŭkŭn inŭh tibudo, pak TUHAN napa rangit.

PINYIRUAH 20:11

Darŭm nŭm andu Aku, adi TUHAN, napa ong, rangit, rawŭt, ka sopŭrŭg kayuh adi di darŭm-i, pak di andu adi ju Aku rŭŭ so kraja. Anŭ meh sabab Aku, adi TUHAN, nyiberkat andu Sabbath ka bada-i jadi kudus.

PINYIRUAH 31:18

Kan Tapa muko minyu ngga Moses di Darŭd Sinai, Ayŭh nggen di Moses duwŭh kiping batuh adi yŭn-I mbŭh nuris Pinyipesan.

PITAS 16:4

Barang masam kayuh adi TUHAN mbŭh ndai biyŭn pinŭbŭn-i; ka pinŭbŭn daya ginaka inŭh pinyirusag.

PITAS 3:19

TUHAN napa ong ngga pinyibijak-I; ngga pinyipuan-I Ayŭh na rangit di yŭn-i.

EKLISIASTIS 12:1

Ngapŭi ingat meh Pinapa mu darŭm kuu gibabŭ mara, ka diŭ so tipuh sangsara anŭ mandŭg kan kuu nang, “Aku mating kinyam pimudip ku pawŭn.”

ISAIAH 37:16

“TUHAN Bisa-pŭrŭg, adi Tapa Israel, Kaam adi guru bitakta di tunduh cherubim, Kaam sadi adŭ Tapa, mritah sopŭrŭg pritah di ong. Kaam napa ong ngga rangit.

ISAIAH 40:21

Dŭh kah angān puan? Dŭh kah angān dog kidaan jah-i? Mating kah angān dingah munki ong piguru jadi?

ISAIAH 40:26

Nyigura ka rangit! Asi napa bitang bitang adi angān kiris? Sianŭ adi taban ngara ngga ruah mun bara tibaran soldadu, Ayŭh puan kiang ngara ka bagan barang bitang ngga dŭn-i! Kuasa-I raru bās — ndi bitang bŭn gŭh manyap!

ISAIAH 40:28

Dŭh kah angān puan? Bayuh kah angān dingah? TUHAN inŭh Tapa adi udip adu adu; Ayŭh napa ndi ong ong. Ayŭh bŭn kawŭk bait rarah. Mating daya mirati pikir kira-I.

ISAIAH 42:5

Tapa napa rangit ka mamad-i; Ayŭh napa ong samŭn sopŭrŭg adi udip dieh; Ayŭh kudip ka nggen asŭng di sopŭrŭg manusia. Ka madin TUHAN Tapa nang di urun-I,

ISAIAH 44:24

“Aku ati TUHAN, adi pinyikudip ngan; Aku inŭh adi napa angān. Aku ati TUHAN, adi Pinapa sopŭrŭg kayuh. Aku sadi adi mamad rangit; di tika Aku napa ong, mating daya turung Aku.

ISAIAH 45:18

TUHAN napa rangit — Ayŭh inŭh sianŭ adi Tapa! Ayŭh adi ndai ka pijadi ong — Ayŭh bada-i tagap ka tan tui. Ayŭh dŭh bada-i jadi tarun yŭn adi mating ani ani dieh, pak bada-i jadi tarun yŭn manusia rŭŭ, ka mating tapa adi bŭkŭn.

ISAIAH 51:13

Mbŭh kambŭt ngan kah TUHAN adi napa angān, adi mamad rangit ka adi na pimŭnŭs ong? Ngga mani angān ari taru baji ngara adi kinanyuh angān, ngara adi an pirusag angān? Baji ngara re dŭh tia dog angān.

ISAIAH 51:16

Aku mamad rangit ka na pimŭnŭs ong; Aku nang di Jerusalem, ‘Kuu inŭh daya Ku! Aku mbŭh nggen di kuu ajar Ku, Aku grindung kuu ngga tangan Ku.’ ”

ISAIAH 65:17

TUHAN nang, “Aku napa ong bauh ngga rangit bauh. Kayuh adi mbŭh ripas re abo dog kambŭt.

JEREMIAH 10:12

TUHAN ndai ong so kuasa adŭp-I; so pinyibijak-I Ayŭh napa ong ka mamad rangit.

JEREMIAH 32:17

“TUHAN Raja, Kaam napa ong ngga rangit pakai kuasa bās ngga pinyibake Mai; mating kayuh adi raru mbar re Mai ndai.

JEREMIAH 51:15

TUHAN ndai ong ngga kuasa adŭp-I; ngga pinyibijak-I Ayŭh natu ong di yŭn adŭp-i ka mamad rangit so ka pinyimirati-I.

ZECHARIAH 12:1

Pinganang ati so TUHAN pasar Israel. TUHAN adi mamad rangit, napa ong, ka nggen udip di manusia nang,

MATTHEW 11:25

Di tika anŭ Jesus nang, “Sama, Kaam adi nguasa rangit ngga ong! Aku nggen trima kaseh di Kaam sabab Kaam mbŭh kiren di ngara adi dŭh pitar-pandai kayuh adi Kaam sukan so ngara adi bijak buang pitar-pandai.

MARK 13:19

Amai pinyusah di tipuh anŭ re rabis arap so adi ong ko kinyam, ngitong so sibungas Tapa napa ong ndŭg andu ati. Ka re mating tia mun anŭ.

PINGANDAI 14:15

“Mani angān ndai kayuh ati? Kieh ati daya manusia mun angān! Kieh digiti kidaan Agah Kana, isa angān pasan kayuh ati adi dŭh biguna ka pari ka Tapa adi udip, adi napa rangit, ong, rawŭt, ka sopŭrŭg kayuh adi di darŭm-i.

PINGANDAI 17:24

Tapa, adi napa ong ngga sopŭrŭg kayuh adi agi dieh, inŭh adi nguasa rangit ngga ong. Ayŭh dŭh rŭŭ darŭm bari bari-sambah adi manusia ndai.

PINGANDAI 4:24

Kan bara adi sabah di Jesus dingah kayuh anŭ, ngara samah bidua ka Tapa: “Tuhan, Kaam mbŭh napa rangit, ong, ka rawŭt, ka sopŭrŭg kayuh adi agi dieh!

ROME 11:36

Amai sopŭrŭg kayuh mbŭh-I napa, ka sopŭrŭg kayuh adi agi jadi so ka Ayŭh ka yŭn Ayŭh. Bragah ka Tapa ndŭg situi tui! Amen.

1 CORINTH 8:6

ata biyŭn ndi adŭ Tapa, adi Sama, adi pinapa sopŭrŭg kayuh, ka ata udip yŭn-I; ka mbŭh agi ndi Tuhan adŭ, Jesus Kristus, so ka Ayŭh sopŭrŭg kayuh dog napa ka so Ayŭh ata udip.

EPHESUS 3:9

ka bada sopŭrŭg daya kiris munki Tapa re pijadi atur pinyiraan-I, adi tian ti taŭn mbŭh rusia-I. Tapa, adi Pinapa sopŭrŭg kayuh, sukan rusia-I so sibungas ong,

HEBREW 1:10

Ayŭh gŭh mbŭh nang, “Kuu, Tuhan, di sibungas-i mbŭh napa ong, ka ngga tangan adŭp Mu Kuu mbŭh napa rangit.

HEBREW 1:2

pak di sikasŭn tipuh ati Ayŭh minyu di ata so Anak-I. Ngga Ayŭh inŭh Tapa napa rangit ngga ong, Ayŭh adi Tapa mbŭh mien da dapu sopŭrŭg kayuh di pinŭbŭn-i.

HEBREW 11:3

So pinyabah inŭh ata mirati nang rangit ngga ong dog napa ngga pinganang Tapa, ka ngga simŭnŭ meh kayuh adi tungang dog kiris mbŭh dog napa so kayuh adi dŭh tungang dog kiris.

HEBREW 3:4

Tiap ramin taŭn-i dog ndai daya, pak Tapa inŭh adi ndai sopŭrŭg kayuh.

2 PETER 3:5

Ngara saji-i miman Tapa ko jah-i napa rangit ngga ong ngga pinganang-I. Ong dog napa so piin ka ngga piin,

1 JOHN 1:1

Kieh nuris ka angān pasar Pinganang adi nggen udip, adi taŭn mbŭh agi so sibungas-i. Kieh mbŭh dingah pasar-I, ka mbŭh kiris-I ngga batŭh adŭp ami; sawŭ kieh mbŭh kiris-I, ka tangan adŭp ami mbŭh tama-I.

PINANDŬNG 10:6

ka bipayu ngga adŭn Tapa, adi udip adu adu, adi napa rangit, ong, ka rawŭt, samŭn sopŭrŭg kayuh adi agi dieh. Malaikat anŭ nang, “Dŭhsah tia kajŭn tipuh-i!

PINANDŬNG 14:7

Ayŭh nang ngga sirŭŭn bana, “Stabi di Tapa ka muji bragah-I! Amai tika-i mbŭh mandŭg adi ngga-I nggen bisara di sopŭrŭg daya. Nyambah Ayŭh adi napa rangit, ong, rawŭt, ka atak atak piin!”

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

PINANDŬNG 22:13

Aku ati adi sibungas ngga adi sikasŭn, adi puun ngga adi pimungan.”

PINANDŬNG 3:14

“Nuris ka malaikat eklisia di Laodicea: “Ati inŭh agah so Amen anŭ, saksi adi tŭtŭd ngga adi sawŭ, adi tibirik puun sopŭrŭg kayuh adi Tapa ko napa.

PINANDŬNG 4:11

“Tuhan ami ka Tapa ami! Kaam inŭh adi patut kambat bragah, stabi, ngga kuasa. Amai Kaam inŭh adi napa sopŭrŭg kayuh, ka ngga pinyiraan Mai ngara mbŭh agi, buang udip.”