RUTH 4:15 - Hakcipta - Biatah Bidayuh

¹⁵ Iban dayung mu rindu kuu, ka mbŭh kana ngga kuu rabis so ju naan anak dari. Madin ayŭh mbŭh nggen di kuu ndi sukuh dari adi re taban pimudip bauh yŭn mu ka re kingat jaga kuu kan kuu mbŭh minyamba.”

RUTH 4:15 ပူးပေါင်းရင်းမြစ်များ

TIBIRIK 45:11

Kambŭi angān rŭŭ di Goshen, aku bisa jaga angān. Apag ati dŭm rimŭh sawa; ka aku dŭh raan angān ngga rawang ngan ka dāng ngan sikirau.’ ”

TIBIRIK 47:12

Joseph nggen pinguman di sama-i, bara jurud-i ka sopŭrŭg adi bŭkŭn adi darŭm rawang sama-i, samŭn adi siabo mara.

MAZMUR 55:22

Pasan pinyusah mu di TUHAN, ka Ayŭh re ngibān kuu; Ayŭh dŭh re bada daya adi jujur dog ngarah.

PITAS 18:24

Agi jerā adi dŭh tan tui, pak agi jerā adi tŭtŭd dŭ so jurud.

ISAIAH 46:4

Aku ati Tapa ngan ka Aku re nyiran angān ndŭg ka angān mbŭh minyamba ka ubok ngan mbŭh buda. Aku napa angān ka re kingat angān; Aku re turung angān ka nyiramat angān.

RUTH 4:16

Naomi tambit anak anŭ, dakŭp-i, ka nakit kingat jaga ayŭh.

1 SAMUEL 1:8

Banŭh-i Elkanah siken ayŭh, “Hannah, mani kuu sien? Mani kuu abah man? Mani kuu ari susah? Dŭh kah aku ati mbŭh nyam ka adi rabis so simŭng anak dari di kuu?”

1 SAMUEL 2:5

Daya adi muko ari bisoh man madin mbŭh bikuri jiroh man, pak adi sibŭrŭk mbŭh dŭh tia sibŭrŭk, dayung adi aboh mbŭh biranak ju madis anak, pak sindŭ adi biyŭn bagŭ anak mbŭh piasi adŭp-i sadi, dŭh biyŭn anak.