ROME 9:1 - Hakcipta - Biatah Bidayuh

¹ Aku minyu kayuh adi sawŭ; aku mbŭh tung Kristus ka aku dŭh kadong. Pikir-kira atin ku, adi dog nguasa Roh Kudus, gŭh kiren nang aku dŭh kadong

ROME 9:1 ပူးပေါင်းရင်းမြစ်များ

ROME 1:9

Tapa inŭh saksi kayuh adi aku nang agi sawŭ; darŭm aku nyuse Agah Kana pasar Anak-I aku bituan di Ayŭh adi Tapa ngga siabo atin ku. Tapa puan aku ingat angān

ROME 2:15

Pimudip ngara mbŭh kiren nang kayuh adi Ukum-adat pesan agi dog nuris darŭm atin ngara. Pikir-kira atin ngara kiren kayuh anŭ sawŭ, amai pikir-kira ngara agi andu-i nyarah ka agi andu-i nyibandar ngara.

ROME 8:16

Roh Tapa tubu adŭp-I ngga roh ta ngga kiren ata mbŭh bara anak Tapa.

ROME 9:2

kan aku nang munki masam bat-i pinyusah ku, munki masam ibŭn-i atin ku

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

2 CORINTH 1:23

Tapa inŭh saksi ku; Ayŭh puan atin ku! Aku dŭh jadi di ka Corinth sabab aku dŭh an nyusah angān.

2 CORINTH 11:10

Ngga ajar pasar Jesus adi taŭn sawŭ ka adi agi di aku, aku bipayu mating daya di ndi tarun tana Achaia re tungang pirŭŭ aku mingangŭn.

2 CORINTH 11:31

Tapa adi Sama Tuhan ta Jesus; biberkat inŭh adŭn-I ndŭg situi tui! Ayŭh puan aku dŭh kadong.

2 CORINTH 12:19

Kadŭ-i angān pikir kieh tian ti suba an nyibandar adŭp ami di sirung jawin ngan. Dŭh! Kieh minyu nanyam ka pinyibada Kristus di sirung jawin Tapa, ka sopŭrŭg kayuh adi kieh ndai mbŭh taŭn ngga ami pijog angān.

GALATIA 1:20

Kayuh adi aku nuris inŭh kayuh adi sawŭ. Tapa puan aku dŭh kadong!

PHILIPPI 1:8

Tapa puan pinganang ku sawŭ kan aku nang pinyirindu ku di angān agi mandŭg so atin adŭp Kristus Jesus.

1 THESSALONICA 2:5

Angān puan kieh dŭh mandŭg ka yŭn ngan taban piminyu adi muji, dŭh gŭh ngga pinŭtŭn an dapŭd utung so angān. Tapa inŭh saksi ami!

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

1 TIMOTHY 2:7

ka anŭ inŭh sabab aku mbŭh dog pait jadi pinyuruh ka gurū yŭn daya adi dŭh bangsa Jahudi, an piagah di ngara agah pasar pinyabah adi sawŭ. Aku dŭh kadong; aku kidaan kayuh adi sawŭ!

1 TIMOTHY 5:21

Di sirung jawin Tapa ka di sirung jawin Kristus Jesus ka di sirung jawin bara malaikat kudus aku mite kuu tunda pinyitayan ati ngga atin kana adi dŭh mien daya darŭm sopŭrŭg pingandai mu.