ROME 8:8 - Hakcipta - Biatah Bidayuh

⁸ Daya adi tunda pinyiraan tibiat manusia dŭh tungang pimunos asŭng Tapa.

ROME 8:8 ပူးပေါင်းရင်းမြစ်များ

MATTHEW 3:17

Komŭnŭ agi dog dingah sirŭŭn Tapa minyu, nang, “Ati inŭh Anak nyirot Ku, di Ayŭh asŭng Ku munos.”

JOHN 3:3

Jesus nam, “Aku kidaan di kuu kayuh adi sawŭ: mating daya tungang kinyam Pinyipritah Tapa, kambŭi ayŭh dŭh dog biranak bauh.”

JOHN 8:29

Ka Ayŭh adi bada Aku mandŭg agi ngga Aku; Ayŭh dŭh tingge Aku sadi, sabab Aku siraru ndai anŭ adi pimunos asŭng-I.”

ROME 1:21

Ngara nang adŭp-i puan Tapa, pak ngara dŭh nggen stabi di Ayŭh; dŭh gŭh ngara nggen trima kaseh di Ayŭh. Pak gŭt-i pikir-kira ngara mbŭh jadi au-tarun, ka pikir ngara adi mapung mbŭh jadi karŭm pipet.

ROME 7:5

Amai kan ata udip nimun ka tibiat adŭp ta manusia, Ukum-adat mirasang pinyiripong adi sarah darŭm pŭrŭng ta, ka pinŭbŭn sopŭrŭg kayuh adi ata ndai inŭh pinyikabŭs.

ROME 8:9

Pak angān dŭh udip tunda pinyiraan tibiat manusia, pak udip tunda pinyiraan Roh Kudus, kambŭi Roh Tapa sawŭ agi darŭm angān. Asi asi adi dŭh biyŭn Roh Kristus dŭh dog dapu Kristus.

1 CORINTH 7:32

Aku raan dŭ angān dŭh gapang. Dari adi dŭh sawan, pikir-i re di kraja Tuhan, sabab ayŭh suba an pimunos asŭng Tuhan.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 3:20

Angān adi bara anak, darŭm sopŭrŭg kayuh stabi di pimas ngan, amai simŭnŭ inŭh angān pimunos asŭng Tapa.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

HEBREW 13:16

Dŭhnyah kambŭt ndai pingandai kana ka turung dingan ngan, sabab anŭ inŭh sadis adi pimunos asŭng Tapa.

1 JOHN 3:22

Ata kambat so Ayŭh tadŭ tadŭ kayuh adi ata mite, sabab ata sita pinyipesan-I ka ndai kayuh adi pimunos asŭng-I.