ROME 8:7 - Hakcipta - Biatah Bidayuh

⁷ Jadi daya jadi pinganyu Tapa kan ngara dog nguasa tibiat manusia; amai ngara dŭh sita ukum-adat Tapa, buang sibandar-i ngara dŭh tungang sita-i.

ROME 8:7 ပူးပေါင်းရင်းမြစ်များ

2 KRONIKEL 19:2

Ndi naan nabi, Jehu anak Hanani, di ka yŭn raja ka nang di ayŭh, “Patut kah kuu turung daya adi ginaka ka tambit parad ngara adi tiru di TUHAN? Kayuh adi kuu mbŭh ndai mbŭh bada TUHAN baji di kuu.

JOB 15:13

Kuu baji di Tapa ka piruah pinganang adi sakanŭ rawan Ayŭh.

MAZMUR 53:1

Sibudo nang di adŭp ngara, “Mating Tapa.” Sopŭrŭg ngara mbŭh madam di pikir-kira ngara, ka ngara mbŭh ndai kayuh adi sipŭ; mating inŭh daya adi ndai kayuh adi batur.

PINYIRUAH 20:5

Dŭhnyah mutu ubak ngan ka tadŭ tadŭ tibudo puan kah nyambah-i, sabab Aku ati TUHAN adi Tapa ngan, ka Aku dŭh raan dog nyambah samah ngga tapa bŭkŭn. Aku ngukum sinadan daya adi tiru di Aku samŭn sesang sesang ngara ndŭg turap adi taruh ngga turap adi pat.

JEREMIAH 13:23

Dapŭd kah daya singŭt nukar kala kurit-i, bait busing tarun kadi biritik-i? Kambŭi dapŭd, kuu adi ari ndai arap dapŭd gŭh birajar ndai kayuh adi batur.

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

MATTHEW 12:34

Angān jippŭh. Simuki angān bisa minyu kayuh kana kan adŭp ngan arap? Amai baba piruah anŭ adi so atin.

MATTHEW 5:19

Jadi meh, asi asi adi nyibireu sirabi ka Pinyipesan adi siabo kurang biguna ka ngajar daya bŭkŭn da ndai simŭnŭ, re jadi siabo kurang biguna di dupan ngara adi kinyam Pinyipritah Tapa. Pak ngara adi sita Ukum-adat ka ngajar daya bŭkŭn da ndai simŭnŭ, re jadi bās di dupan ngara adi kinyam Pinyipritah Tapa.

JOHN 7:7

Ong dŭh bisa tiru di angān, pak-i tiru di Aku, sabab Aku siraru nyarah pingandai arap-i.

ROME 1:28

Sabab ngara abah ngaku Tapa, Tapa mbŭh tandah ngara ka darŭm pikir adi arap, isa ngara ndai kayuh adi ngara dŭh patut ndai.

ROME 1:30

ka kinarap dingan; ngara tiru di Tapa, ka an bakit daya, sambuh, miruap; ngara jiroh bagŭ masam aran ngga ndai arap; ngara nyibireu pinganang pimas-i;

ROME 3:31

Agi kah sirati-i ngga pinyabah ati ata mbŭh kinating Ukum-adat? Dŭh, manŭn dŭh; ata bidigŭng tagap dieh kidŭ-i.

ROME 5:10

Ata ko jadi pinganyu Tapa, pak Ayŭh mbŭh ndai ata da jadi dingan-I so ka pinyikabŭs Anak-I. Amai madin ata mbŭh dingan Tapa, jung rabis-i meh ata re dog nyiramat amai Jesus ko kabŭs yŭn ta!

ROME 7:22

Ngga siabo asŭng ku aku situju di ukum-adat Tapa.

ROME 8:4

Tapa ndai simŭnŭ isa ata ndai kayuh adi Ukum-adat pesan ata ndai darŭm ata nurut pinyiraan Roh Kudus, ka dŭh nurut tibiat manusia.

1 CORINTH 2:14

Asi asi adi dŭh biyŭn Roh Kudus dŭh bisa kambat pinganggen adi mandŭg so Roh Tapa. Daya adi mun anŭ dŭh-i mirati pinganggen anŭ, ka taŭn re nang-i kayuh au-tarun, sabab guna pinganggen anŭ adŭ-i dog puan so ka gaya roh.

1 CORINTH 9:21

Simŭnŭ gŭh darŭm aku nyiraja di ruang daya adi dŭh bangsa Jahudi, aku bada adŭp ku mun daya adi dŭh bangsa Jahudi, di sapa Ukum-adat Jahudi, siŭn aku dapŭd nyiruton ngara da jadi pinunda Kristus. Ati, dŭh sirati-i aku dŭh sita ukum-adat Tapa; sibatur-i aku ati di ribo ukum-adat Kristus.

COLOSSAE 1:21

Dawŭ-i angān jo so Tapa buang mbŭh pinganyu-I sabab pingandai ngga pikir-kira ngan arap.

COLOSSAE 2:18

Dŭhnyah tandah adŭp ngan dog nyarah tadŭ daya adi nang adŭp-i bās dŭ so angān sabab-i mbŭh kiris kayuh saruh, ka adi ngajar pasar atin tŭkŭn adi dŭh batur ka pasar nyambah malaikat. Amai ngga mating sabab-i, daya adi mun anŭ mbŭh sambuh da aran pikir-kira manusia,

2 TIMOTHY 3:4

Ngara gagā muker, bŭn nakit bipikir sibayuh ndai kayuh, rawā. Ngara re awang pinyirami ong so-i rindu di Tapa;

HEBREW 8:10

Pak madin, ati inŭh simanya adi re Ku ndai ngga daya Israel di tipuh adi re mandŭg, nang Tuhan: Aku re na ukum-adat Ku di pikir ngara ka nuris-i darŭm atin ngara. Aku re jadi Tapa ngara, ka ngara re jadi daya Ku.

JAMES 4:4

Angān daya adi dŭh tŭtŭd di Tapa! Dŭh kah angān puan nang bidingan ngga ong sirati-i jadi pinganyu Tapa? Kambŭi angān raan bidingan ngga ong, angān mbŭh bada adŭp ngan jadi pinganyu Tapa.

2 PETER 2:14

Kayuh adi ngara jiroh inŭh pluang yŭn tanggah; pinyiripong ngara di dosa taŭn dŭh pandai ko. Ngara kudog daya adi ramah, ka atin ngara taŭn mbŭh kanyet tama. Ngara mbŭh di ribo pangu Tapa!