ROME 8:34 - Hakcipta - Biatah Bidayuh

³⁴ Asi garang, re nunggu ngara? Dŭh-i Kristus Jesus, adi kabŭs, ka sibandar-i adi dog pakat udip bauh ka adi mbŭh tura ka tauh Tapa, bidua yŭn ta ka Tapa!

ROME 8:34 ပူးပေါင်းရင်းမြစ်များ

JOB 33:24

Ngga masi malaikat re nang, “Pirupas ngara! Ngara dŭh re di ka ong daya adi mbŭh kabŭs. Ati inŭh tubos ngga pirupas ngara.”

JOB 34:29

Kambŭi Tapa natu re dŭh ndai ani ani, mating daya dapŭd ngamun Ayŭh. Kambŭi Ayŭh sukan jawin-I, ata re dŭh bigaya.

MAZMUR 109:31

sabab Ayŭh ngibān daya sirata ka nyiramat ngara so tibaran adi nggen ukum kabŭs di ngara.

MAZMUR 37:33

pak TUHAN dŭh re tagan ngara ka darŭm tangan pinganyu ngara puan kah bada ngara dog nunggu kan ngara dog taban ngga bisara.

ISAIAH 50:8

amai Tapa agi ngga aku, ka Ayŭh re kiren nang aku dŭh sarah. Asi meh re birani nyarah aku? Ja ata samah di ka yŭn bisara! Isa ayŭh nyarah aku!

ISAIAH 53:12

Ngapŭi Aku re nggen di ayŭh yŭn guru adi bibragah, pinyiguru di dupan daya bās ngga adi bikuasa. Ayŭh re jugan asŭng adŭp-i ka sua kinyam nasip daya adi arap. Ayŭh gŭrŭng dosa daya bagŭ ka bidua mite ngara dog apun.”

JEREMIAH 50:20

Di tika anŭ, dosa re mating tia dog dapŭd di Israel, ka mating tia udip ginaka di Judah, sabab Aku re apun ngara adi Aku mbŭh nyiramat. Aku, adi TUHAN, mbŭh minyu.”

MATTHEW 20:28

Mun Anak Manusia, adi dŭh mandŭg an jadi tuan, pak di bituan ka nggen asŭng-I ngga nubos bagŭ daya.”

MARK 16:19

Kan Tuhan Jesus ko minyu ngga ngara, Ayŭh dog paad ka shorga ka guru tura ka tauh Tapa.

JOHN 14:19

Dŭm dŭh tui daya di ong ati re dŭh tungang kiris Aku tia, pak angān re kiris Aku; ka sabab Aku udip, angān re udip gŭh.

JOHN 16:23

“Kan andu anŭ mandŭg, angān dŭh re siken kayuh di Aku. Aku kidaan di angān kayuh adi sawŭ: Sama re nggen di angān tadŭ kayuh adi angān mite ngga adŭn Ku.

PINGANDAI 2:24

Pak Tapa mbŭh pakat Ayŭh so kabŭs, anŭ inŭh pirupas Ayŭh so kuasa pinyikabŭs, sabab pinyikabŭs dŭh bisa muak Ayŭh.

ROME 14:13

Ngapŭi meh, ja ata dŭh tia nyarah dingan ta. Sipatut-i angān natu adŭp ngan dŭh ndai kayuh adi bada dingan ngan sikak puan kah rabu darŭm dosa.

ROME 14:9

Amai Kristus kabŭs ka mbŭh makat udip bauh siŭn-I jadi Tuhan daya adi udip ngga adi kabŭs.

ROME 4:25

Sabab dosa ta ayŭh dog nggen ukum kabŭs, ka dog pakat udip bauh siŭn ata dapŭd bamai ngga Tapa.

ROME 8:1

Madin daya adi udip ndi ngga Kristus Jesus dŭh re dog nunggu.

ROME 8:27

Ka Tapa meh, adi puan isi atin manusia, puan ani adi nang Roh anŭ; sabab Roh anŭ bidua ka Tapa ngarun daya-I buang nanyam ka pinyiraan-I.

COLOSSAE 3:1

Angān mbŭh dog pakat udip bauh ngga Kristus, jadi na meh atin ngan di kayuh adi di shorga, di yŭn Kristus agi guru di takta-I tura ka tauh Tapa.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

HEBREW 7:25

Ka sawŭ Ayŭh tungang, madin ngga siraru, nyiramat daya adi mandŭg ka Tapa so ka adŭp-I, sabab Ayŭh udip adu adu an bidua ka Tapa yŭn ngara.

HEBREW 9:24

Amai Kristus mating-I mŭrŭt ka darŭm Yŭn Kudus adi dog ndai manusia, adi gambar anŭ adi sawŭ. Ayŭh di mŭrŭt shorga, di yŭn-I madin mijog ngarun ata di sirung jawin Tapa.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 PETER 3:22

adi mbŭh di ka shorga ka mbŭh tura ka tauh Tapa, mritah sopŭrŭg malaikat, pinguasa ka pinyibake di rangit.

PINANDŬNG 1:18

Aku ati adi udip! Aku ko kabŭs, pak madin aku ati udip adu adu. Aku biyŭn kuasa di tunduh pinyikabŭs ka di tunduh ong daya adi mbŭh kabŭs.