ROME 8:3 - Hakcipta - Biatah Bidayuh

³ Kayuh adi Ukum-adat dŭh tungang ndai, sabab manusia ramah darŭm tibiat-i, Tapa mbŭh ndai. Ayŭh nunggu dosa darŭm tibiat manusia darŭm-I pait Anak adŭp-I, adi mandŭg ngga tibiat adi brimun ngga tibiat ta adi bidosa, yŭn ngarah dosa.

ROME 8:3 ပူးပေါင်းရင်းမြစ်များ

PINYIKIANG 21:9

Jadi Moses ndai jippŭh so timaga ka na-i di tiang. Tadŭ daya adi mbŭh dog nyingŭt tingga jippŭh timaga anŭ ka rasu bua.

PINYIKIANG 28:22

Jugan gŭh 1 dari kambing ndu sadis taran dosa, ka simŭnŭ meh pimanu adat pibisig yŭn daya bagŭ.

MARK 15:27

Ngara gŭh masak duwŭh naan daya arap samah Jesus, ndi tura ka tauh ka ndi tura ka bait. [

JOHN 1:14

Pinganang jadi manusia ka, puno ngga pinyirasi-mandis ngga pinyawŭ, mbŭh rŭŭ di ruang ta. Ata mbŭh kiris bragah-I; bragah adi-I kambat jadi Anak tambŭ Sama-I.

JOHN 9:24

Ngara bagan dinge daya anŭ adi taŭn ko karak so-i dog biranak, ka nang di ayŭh, “Bipayu di sirung jawin Tapa kuu nang kayuh adi sawŭ! Kieh puan daya anŭ adi pibua kuu daya bidosa.”

ROME 3:20

Amai mating inŭh daya bamai ngga Tapa so ndai kayuh adi Ukum-adat bada; Ukum-adat batur-i bada ata puan kambŭi ata bidosa.

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

ROME 7:18

Aku puan nang pinyikana mating darŭm aku, anŭ inŭh di darŭm tibiat manusia ku. Amai sunggu pinyiraan an ndai kayuh kana agi darŭm aku, aku dŭh tungang ndai-i.

ROME 8:32

Tapa dŭh bitan Anak-I, pak mbŭh jugan Ayŭh yŭn sopŭrŭg ta. Kambŭi Tapa mbŭh ndai simŭnŭ, dŭh kah Ayŭh rabis an nggen di ata sopŭrŭg kayuh adi bŭkŭn?

ROME 9:3

yŭn daya ku, adi pŭrŭng ngga deya adŭp ku! Sitagar ngara aku mbŭh raan dŭ dog pangu Tapa ka dog nyidŭrŭ so Kristus.

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

GALATIA 3:21

Agi kah kayuh ati sirati-i Ukum-adat rawan janji Tapa? Taŭn-i dŭh! Amai kambŭi manusia kambat ukum-adat adi taban udip, barang naan daya dapŭd bamai ngga Tapa so ka pinyita-i.

PHILIPPI 2:7

Pak so pinyiraan adŭp-I Ayŭh pasan sopŭrŭg adi-I biyŭn, ka jadi nimun urun. Ayŭh mandŭg darŭm gayŭn manusia ka udip mun manusia.

HEBREW 10:12

Pak Kristus jugan ndi sadis ngga taran dosa, sadis anŭ ngasi ndŭg situi tui; komŭnŭ Ayŭh guru tura ka tauh Tapa.

HEBREW 10:14

Ngga ndi sadis meh, Ayŭh mbŭh bada sukup kana ndŭg situi tui sinadan daya adi dog pibisig so dosa.

HEBREW 2:14

Amai sabab ngara adi Ayŭh kadŭn anak taŭn-i daya adi biyŭn isin ngga deya, adŭp Jesus mbŭh jadi mun ngara ka udip di ong mun manusia. Ayŭh ndai simŭnŭ isa so pinyikabŭs-I Ayŭh bisa ngarah Siarap, adi biyŭn kuasa di tunduh pinyikabŭs;

HEBREW 2:17

Ka rati-i, Ayŭh dŭh siŭn dŭh an jadi mun bara daya-I darŭm sopŭrŭg kayuh siŭn-I jadi Imam Bās ngara adi tŭtŭd ka adi puno ngga masi, darŭm bituan di Tapa, isa dosa sopŭrŭg daya-I bisa dog apun.

HEBREW 4:15

Imam Bās ta ati, dŭh-I dŭh biyŭn pinyirasi di pinyiramah ta. Ayŭh inŭh Imam Bās ta, adi ko dog pinyisuba darŭm bagŭ masam kayuh mun adŭp ta, pak dŭh-I bidosa.

1 PETER 2:24

Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.