ROME 8:16 - Hakcipta - Biatah Bidayuh

¹⁶ Roh Tapa tubu adŭp-I ngga roh ta ngga kiren ata mbŭh bara anak Tapa.

ROME 8:16 ပူးပေါင်းရင်းမြစ်များ

HOSEA 1:10

Daya Israel re mun sumat di rawŭt, rabis so tungang dog mirang bait dog ngŭkŭd. Madin Tapa nang di ngara, “Angān dŭh daya Ku,” pak andu-i re mandŭg adi ngga Ayŭh re nang di ngara, “Angān inŭh bara anak Tapa adi udip!”

MATTHEW 5:9

Sanang inŭh ngara adi taban damai di dupan daya; Tapa re kadŭn ngara bara anak-I!

LUKE 20:36

Ngara re mun malaikat ka dŭh bisa kabŭs. Ngara mbŭh bara anak Tapa, sabab ngara mbŭh makat so kabŭs.

JOHN 1:12

Pak di sopŭrŭg ngara adi trima ka sabah di Ayŭh, Ayŭh nggen hak da jadi bara anak Tapa.

PINGANDAI 5:32

Kieh ati inŭh saksi di kayuh ati, simŭnŭ gŭh Roh Kudus, adi pinganggen Tapa di tadŭ daya adi tunda pinganang Tapa.”

ROME 8:14

Ngara adi dog kayak Roh Tapa inŭh bara anak Tapa.

ROME 8:19

Sopŭrŭg kayuh adi ko dog napa mbŭh graŭh kajŭn Tapa kiren asi bara anak-I.

ROME 8:23

Pak dŭh-i kayuh adi ko dog napa adŭ adi nyidaing; ata adi biyŭn Roh Kudus adi sibungas pinganggen Tapa nyidaing gŭh darŭm asŭng ta darŭm ata kajŭn Tapa ndai ata da jadi bara anak-I ka pirupas ata so pŭrŭng ta adi pandai kabŭs ani.

ROME 8:26

Simŭnŭ gŭh Roh Kudus agi digiti turung ata adi ramah. Amai ata dŭh puan munki ata patut simayang; adŭp Roh Kudus bidua yŭn ta ka Tapa ngga sidaing adi dŭh manusia tungang kira.

ROME 9:26

Ka di tarun yŭn ngara dog kidaan, ‘Angān dŭh daya Ku,’ diginŭ ngara re dog kadŭn bara anak Tapa adi udip.”

ROME 9:8

Sirati-i bara anak adi dog biranak so ka gaya adi biasa dŭh-i bara anak Tapa; pak bara anak adi dog biranak so janji Tapa dog nyirundeng bara sesang adi sawŭ.

2 CORINTH 1:12

Kieh ngangŭn pikir-kira atin ami mbŭh kiren nang pimudip ami di ong ati, ka rabis-i gaya pimudip ami ngga angān, mbŭh dog nguasa atin adi dŭh an miman kayuh ngga atin bisig so Tapa buang ngga atin tŭnggŭn, so ka kuasa pinyirasi-mandis Tapa ka dŭh so ka pinyibijak manusia.

2 CORINTH 1:22

adi ko na tandā adŭp-I di ata yŭn adŭp-I dapu, ka mbŭh ngisi atin ta ngga Roh Kudus da jadi jamen sopŭrŭg anŭ adi-I mbŭh sidia yŭn ta.

2 CORINTH 5:5

Tapa inŭh adi bada sopŭrŭg anŭ bisa jadi. Ayŭh mbŭh nggen di ata Roh-I isa ata tatu puan Ayŭh re ndai-i.

2 CORINTH 6:18

Aku re jadi Sama ngan, ka angān re jadi bara anak Ku, dari dayung, nang Tuhan adi Bisa-pŭrŭg.”

GALATIA 3:26

So ka pinyabah inŭh sopŭrŭg ngan mbŭh bara anak Tapa darŭm angān mbŭh ndi ngga Kristus Jesus.

GALATIA 4:6

Ngga kiren adŭp ngan mbŭh bara anak-I, Tapa mbŭh pait Roh Anak-I ka darŭm atin ta, adi bagan, “Sama, Sama ku.”

EPHESUS 1:13

Ka angān gŭh jadi bara daya adi Tapa mbŭh mien kan angān mbŭh dingah agah pasar ajar adi sawŭ, anŭ inŭh Agah Kana adi taban pinyiramat ka angān. Angān sabah di Kristus, ka Tapa, ngga-I kiren angān mbŭh tung adŭp-I, mbŭh nandā angān ngga Roh Kudus adi-I ko bijanji an nggen.

EPHESUS 4:30

Ka dŭhnyah bada Roh Kudus susah; amai Roh Kudus inŭh tandā angān mbŭh daya Tapa, adi jamen Andu re mandŭg adi ngga Tapa re nggen pinyirupas di angān.

DITRONOMI 14:1

“Angān inŭh daya TUHAN adi Tapa ngan. Jadi kan angān ngurid daya kabŭs, dŭhnyah nidi ganan ngan puan kah nundo bangap ngan, mun anŭ adi daya bŭkŭn ndai.

1 JOHN 3:1

Tingga, munki masam bās-i pinyirindu Tapa di ata! Pinyirindu-I raru bās ndŭg ka ata mbŭh dog kadŭn anak Tapa. Anŭ taŭn-i sawŭ, ngapŭi ong dŭh puan ata, sabab-i dŭh puan Tapa.

1 JOHN 3:10

Simuti inŭh angān bisa ngatŭn aki ndi anak Tapa ka aki ndi anak Siarap: ngara adi dŭh puan kayuh adi batur, puan kah adi dŭh rindu dingan-i dŭh-i anak Tapa.

1 JOHN 3:2

Angān adi aku rindu, madin ata mbŭh bara anak Tapa, pak gibayuh ata puan ani re ta jadi. Pak ata puan nang kan Kristus nandŭng, ata re mun Ayŭh, sabab ata re kiris munki Ayŭh sibandar-i.

1 JOHN 4:13

Ata puan nang adŭp ta udip ndi ngga Tapa ka Ayŭh udip ndi ngga ata, sabab Ayŭh mbŭh nggen di ata Roh-I.

1 JOHN 5:10

Jadi ngara adi sabah di Anak Tapa, biyŭn taksi anŭ darŭm atin ngara; pak ngara adi dŭh sabah Tapa, mbŭh bada Ayŭh jadi pingadong, sabab ngara dŭh sabah kayuh adi Tapa ko nang pasar Anak-I.

PINANDŬNG 21:7

Ngara adi manang re dapŭd ati so Aku: Aku re jadi Tapa ngara, ka ngara re jadi bara anak Ku.