ROME 8:1 - Hakcipta - Biatah Bidayuh

¹ Madin daya adi udip ndi ngga Kristus Jesus dŭh re dog nunggu.

ROME 8:1 ပူးပေါင်းရင်းမြစ်များ

ISAIAH 54:17

Pak mating sinyata re dapŭd bada kuu kinaman; kuu re biyŭn pinyinam ngga nam daya adi nyarah kuu. Aku re ngibān urun urun Ku ka nggen pimanang di ngara.” TUHAN mbŭh minyu.

EZEKIEL 18:9

Daya adi mun anŭ tunda pesan Ku ka nakit sita ukum-adat Ku. Ayŭh tŭnggŭn, ka ayŭh re udip,” nang TUHAN Raja.

JOHN 14:20

Kan andu anŭ mbŭh mandŭg, angān re puan Aku agi darŭm Sama ka angān agi darŭm Aku, nimun Aku agi darŭm angān.

JOHN 15:4

Rŭŭ darŭm Aku, ka Aku rŭŭ darŭm angān. Daan anggor dŭh bisa buān sadi adŭp-i, kambŭi-i dŭh bikanjak so tŭngŭn-i. Simŭnŭ gŭh angān dŭh bisa buān, kambŭi angān dŭh rŭŭ darŭm Aku.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

ROME 16:3

Aku pait tabi ka Priscilla ngga Aquila, adi samah nyiraja yŭn Kristus Jesus ngga aku;

ROME 16:7

Tabi gŭh ka Andronicus ngga Junia, ngara adi samah daya Jahudi adi ko agi ngga aku darŭm jer; ngara mbŭh dog puan bara pinyuruh, ka mbŭh jadi Kristen diŭ so aku.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 5:16

Ka agi bŭkŭn-i pinganggen Tapa so dosa ndi naan daya anŭ. Ripas ndi naan anŭ ndai dosa, Tapa nang “Sarah”; pak ripas sopŭrŭg mbŭh bidosa, pinganggen adi raru kana-i mandŭg adi nang “Dŭh sarah!”

ROME 7:17

Jadi sibatur-i aku dŭh inŭh adi ndai kayuh anŭ; dosa adi rŭŭ darŭm aku inŭh adi ndai-i.

ROME 7:20

Kambŭi aku ndai kayuh adi aku dŭh raan ndai, sirati-i aku dŭh inŭh sianŭ adi ndai-i; dosa adi rŭŭ darŭm aku inŭh adi ndai-i.

ROME 8:11

Kambŭi Roh Kudus, adi pakat Jesus so kabŭs, agi darŭm angān, Ayŭh adi pakat Kristus so kabŭs gŭh re nggen udip di pŭrŭng ngan adi bisa kabŭs, da Roh Kudus adi agi darŭm angān.

ROME 8:14

Ngara adi dog kayak Roh Tapa inŭh bara anak Tapa.

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

ROME 8:34

Asi garang, re nunggu ngara? Dŭh-i Kristus Jesus, adi kabŭs, ka sibandar-i adi dog pakat udip bauh ka adi mbŭh tura ka tauh Tapa, bidua yŭn ta ka Tapa!

ROME 8:39

bait ong di sambu puan kah ong di sagān; so sinadan anŭ adi ko dog napa mating re tungang nyibarai ata so pinyirindu Tapa adi mbŭh jata darŭm Kristus Jesus Tuhan ta.

ROME 8:4

Tapa ndai simŭnŭ isa ata ndai kayuh adi Ukum-adat pesan ata ndai darŭm ata nurut pinyiraan Roh Kudus, ka dŭh nurut tibiat manusia.

ROME 8:9

Pak angān dŭh udip tunda pinyiraan tibiat manusia, pak udip tunda pinyiraan Roh Kudus, kambŭi Roh Tapa sawŭ agi darŭm angān. Asi asi adi dŭh biyŭn Roh Kristus dŭh dog dapu Kristus.

1 CORINTH 1:30

Pak Tapa mbŭh tambit angān bada udip ndi ngga Kristus Jesus; ka adŭp Kristus, Tapa mbŭh bada jadi pinyibijak ta. So Ayŭh ata mbŭh dapŭd bamai ngga Tapa; ata jadi daya Tapa adi kudus adi mbŭh dog pirupas.

1 CORINTH 15:22

Amai nimun sopŭrŭg daya kabŭs sabab ngara ndi ngga Adam, simŭnŭ gŭh sopŭrŭg daya re dog pakat udip bauh sabab ngara mbŭh ndi ngga Kristus.

2 CORINTH 12:2

Aku puan ndi naan daya Kristen, simŭng-pat sawa adi mbŭh ripas, dog paad ka shorga adi siabo bigatung (aku dŭh puan sawŭ ngga dŭh-i kayuh ati; bait-i ayŭh kiris kayuh keya ka di darŭm pŭmŭh. Kayuh ati, Tapa adŭ puan).

2 CORINTH 5:17

Daya adi udip darŭm Kristus mbŭh daya bauh; adi amba mbŭh mating, adi bauh mbŭh mandŭg.

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

GALATIA 3:26

So ka pinyabah inŭh sopŭrŭg ngan mbŭh bara anak Tapa darŭm angān mbŭh ndi ngga Kristus Jesus.

GALATIA 3:28

Mbŭh mating katŭn-i daya bangsa Jahudi ngga daya adi dŭh bangsa Jahudi, urun bait adi dŭh urun, dari bait dayung; sopŭrŭg ngan mbŭh ndi amai Kristus Jesus.

GALATIA 5:16

Kayuh adi an ku nang inŭh sakati: bada Roh Kudus ngatur pimudip ngan, siŭn angān dŭh nurut pinyiripong tibiat pŭrŭng.

GALATIA 5:25

Roh Kudus mbŭh nggen di ata udip bauh; Ayŭh dŭh siŭn dŭh an nguasa pimudip ta.

EPHESUS 1:1

So Paul, adi pinyuruh Kristus Jesus so ka pinyiraan Tapa, nuju bara daya adi Tapa mbŭh mien di Ephesus, adi tŭtŭd darŭm pimudip ngara adi ndi ngga Kristus.

PHILIPPI 3:9

ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.