ROME 7:5 - Hakcipta - Biatah Bidayuh

⁵ Amai kan ata udip nimun ka tibiat adŭp ta manusia, Ukum-adat mirasang pinyiripong adi sarah darŭm pŭrŭng ta, ka pinŭbŭn sopŭrŭg kayuh adi ata ndai inŭh pinyikabŭs.

ROME 7:5 ပူးပေါင်းရင်းမြစ်များ

MATTHEW 15:19

Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya.

JOHN 3:6

Ayŭh adi dog biranak so isin taŭn-i isin, pak ayŭh adi dog biranak so Roh Kudus taŭn-i roh.

ROME 1:26

Sabab ngara ndai simŭnŭ, Tapa mbŭh tandah adŭ ngara ngga pingandai kais-i. Bara dayung ani mbŭh marik atur tibiat pŭrŭng ka pimunos adŭp-i di dayung dupan dayung.

ROME 3:20

Amai mating inŭh daya bamai ngga Tapa so ndai kayuh adi Ukum-adat bada; Ukum-adat batur-i bada ata puan kambŭi ata bidosa.

ROME 4:15

Ukum-adat taban baji Tapa; pak di yŭn ukum-adat mating, diginŭ daya mating nyibireu ukum-adat.

ROME 5:20

Ukum-adat dog nggen siŭn-i nambah kraja sarah; pak di yŭn dosa bitambah, pinyirasi-mandis Tapa rabis bitambah.

ROME 6:13

Dŭh gŭh angān siŭn bada tadŭ sakap pŭrŭng ngan bidosa ngga ndai tadŭ mun pingandai ginaka. Pak, nggen adŭp ngan di Tapa, nimun daya adi mbŭh dog pakat so kabŭs, ka nyerah abo abo adŭp ngan di Ayŭh yŭn pingandai tŭnggŭn.

ROME 6:19

(Aku minyu pakai piminyu adi biasa sabab angān kurang mirati.) Dawŭ-i angān ko nyerah adŭp ngan abo abo jadi urun pimudip adi kais ngga pinŭtŭn adi ginaka. Ka simŭnŭ gŭh angān dŭh siŭn dŭh an nyerah adŭp ngan abo abo jadi urun pinŭnggŭn yŭn pinŭtŭn adi kudus.

ROME 6:21

Ani utung ngan so pingandai ngan anŭ adi angān mangŭh ngarun madin? Pinŭbŭn kayuh adi mun anŭ inŭh pinyikabŭs!

ROME 6:23

Dosa nggen pinyikabŭs ndu upah; pak pinganggen bās Tapa inŭh udip adi sawŭ adi tan adu adu ngga Kristus Jesus Tuhan ta.

ROME 7:23

Pak aku kinyam agi ukum-adat adi bŭkŭn darŭm pŭrŭng ku, adi birawan ngga ukum-adat adi aku situju; anŭ bada aku jadi urun ukum-adat dosa adi nguasa pŭrŭng ku.

1 CORINTH 15:56

Pinyikabŭs dapŭd kuasa-i ngga kandam so dosa, ka dosa dapŭd kuasa-i so ukum-adat.

2 CORINTH 10:3

Taŭn-i sawŭ kieh udip di ong, pak kieh dŭh birawan so ka pinyiraan ong.

GALATIA 3:10

Daya adi bisangan di ukum-adat mbŭh udip di ribo pangu. Amai Surat-kudus agi nang, “Asi asi adi dŭh tunda sopŭrŭg kayuh adi dog nuris darŭm surat Ukum-adat agi udip di ribo pangu Tapa!”

GALATIA 5:24

Ka sinadan daya adi mbŭh tung Kristus Jesus mbŭh siŭ tibiat pŭrŭng ngara samŭn sopŭrŭg pinyiripong ngga pinyiraan-i.

EPHESUS 2:11

Dŭh kambŭt angān dŭh bangsa Jahudi, ka daya Jahudi kadŭn angān “daya adi dŭh bisunat.” Ngara nang adŭp-i daya adi bisunat (sirati-i kayuh adi daya ndai di pŭrŭng ngara). Ingat nŭh munki pimudip ngan dawŭ-i.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

COLOSSAE 3:5

Angān patut siŭ pinyiraan ong adi nguasa angān, mun pingandai kais, pimudip adi dŭh tatu, pinyiripong ngga pinyiraan adi sarah, ka tama (amai tama inŭh nyambah tibudo).

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

JAMES 1:15

Komŭnŭ kan ata nurut pinyiripong ta adi arap anŭ, dosa timbur; ka dosa, kan-i mbŭh jadi bās, ayŭh taban pinyikabŭs.

JAMES 4:1

So ki puun tibirik kaii ngga karit timbur di dupan ngan? Ayŭh timbur so pinyiripong di pinyanang ong, adi adu adu birawan darŭm angān.

1 JOHN 3:4

Asi asi adi bidosa taŭn mbŭh miranggar ukum-adat Tapa, sabab dosa taŭn-i miranggar ukum-adat.