ROME 7:4 - Hakcipta - Biatah Bidayuh

⁴ Simŭnŭ inŭh-i di angān, bara dingan ku. Kambŭi tura ka Ukum-adat, angān gŭh mbŭh kabŭs sabab angān mbŭh ndi so pŭrŭng Kristus; ka madin angān dog dapu-I adi mbŭh dog pakat so kabŭs siŭn ata bisa jadi biguna yŭn ndai kraja Tapa.

ROME 7:4 ပူးပေါင်းရင်းမြစ်များ

ISAIAH 54:5

Pinapa mu re keya ka banŭh di kuu; TUHAN Bisa-pŭrŭg inŭh adŭn-I. Tapa kudus Israel re nyiramat kuu; Ayŭh inŭh pimritah di ndi ong ong.

ISAIAH 62:5

Keya ka dari adi mara tambit dayung tibŭn ndu sawŭn, Ayŭh adi napa kuu re sawŭn kuu. Keya ka pingaten dari angan pingaten dayung-i, simŭnŭ gŭh Tapa re angan kuu.

MATTHEW 26:26

Darŭm ngara man, Jesus tambit ndi kiping ruti, nang dua trima kaseh, mire-i, ka nggen-i di bara murid-I. “Mbit ka man-i,” Ayŭh nang; “ati inŭh pŭrŭng Ku.”

MARK 4:20

Pak adi bŭkŭn mbŭh keya ka bine adi dog nabur di tana adi mandis. Ngara dingah agah anŭ, trima-i, ka buān bagŭ buwa: agi taruh puru rupet, agi nŭm puru, ka agi adi siratus.”

JOHN 15:8

Bragah Sama Ku tatŭng kan angān buān bagŭ buwa; ka simŭnŭ inŭh angān bisa jadi murid Ku.

JOHN 3:29

Pingaten dari inŭh adi dapu pingaten dayung; pak jerā pingaten dari, mijog nguan ka dingah, adi gaŭn kan-i dingah sirŭŭn pingaten dari. Simŭnŭ inŭh pinyigaŭn ku jadi gŭgŭp.

JOHN 6:51

Aku ati ruti adi nggen udip adi mūn so shorga. Kambŭi angān man ruti ati, angān re udip adu adu. Ruti adi Aku nggen di angān inŭh pŭrŭng adŭp Ku; Aku nggen-i isa sopŭrŭg daya di ong dapŭd udip.”

ROME 6:11

Simŭnŭ gŭh angān patut kira adŭp ngan mbŭh kabŭs, kambŭi jeja ka dosa, pak mbŭh udip yŭn Tapa darŭm Kristus Jesus.

ROME 6:14

Dosa dŭh siŭn jadi tuan ngan; amai angān dŭh udip di ribo ukum-adat pak di ribo pinyirasi-mandis Tapa.

ROME 6:2

Manŭn dŭh! Ata mbŭh kabŭs yŭn dosa, ka simuki ata re babŭ udip darŭm dosa?

ROME 6:22

Pak madin angān mbŭh dog pirupas so dosa ka mbŭh jadi urun Tapa. Utung ngan inŭh pimudip adi dog jugan ka Tapa, ka pinŭbŭn-i inŭh udip adi sawŭ adi tan adu adu.

ROME 7:3

Ngapŭi meh, kambŭi ayŭh nyiramin ngga dari bŭkŭn darŭm banŭh-i babŭ udip, ayŭh tanggah; pak kambŭi banŭh-i kabŭs, ayŭh dŭh dog ngabŭt tia ka dŭh-i tanggah kambŭi ayŭh banan bauh.

ROME 7:6

Madin ata mbŭh rupas so Ukum-adat, sabab ata mbŭh kabŭs yŭn kayuh adi ko nguasa ata. Ata mbŭh dŭh tia bituan pakai aran adi amba, anŭ inŭh aran ukum-adat adi dog nuris, pak pakai aran adi bauh so Roh Kudus.

ROME 8:2

Amai ukum-adat Roh Kudus, adi bada ata udip ndi ngga Kristus Jesus, inŭh adi pirupas aku so ukum-adat dosa ngga pinyikabŭs.

1 CORINTH 10:16

Makuk adi ata pakai di tika Biruman Tuhan ka adi ata nggen trima kaseh di Tapa yŭn-i: kan ata nok so dieh, ata mbŭh jadi ndi ngga Kristus darŭm pinyikabŭs-I. Ka ruti adi ata mire: kan ata man-i, ata mbŭh jadi ndi ngga pŭrŭng Kristus.

2 CORINTH 11:2

Aku mbit bat di angān nimun Tapa mbit bat di angān; angān agi keya ka dayung tibŭn adi aku mbŭh nunang ngga ndi naan daya adŭ, adŭp Kristus.

GALATIA 3:13

Pak darŭm-I kambat pangu yŭn ta Kristus mbŭh nubos ata so pangu adi mandŭg so Ukum-adat; amai Surat-kudus nang, “Asi asi adi dog ukum kabŭs di atuh rigang inŭh di ribo pangu Tapa.”

GALATIA 5:18

Kambŭi Roh Kudus nyiruton angān, angān dŭh di ribo Ukum-adat.

EPHESUS 2:15

Ayŭh mbŭh taran Ukum-adat Jahudi samŭn sopŭrŭg pinyipesan ngga atur atur-i, siŭn-I pijadi ndi bangsa adi bauh so so-duwŭh bangsa anŭ darŭm udip ndi ngga Ayŭh; ka darŭm ndai simŭnŭ pijadi damai.

PHILIPPI 1:11

Pimudip ngan re brisi ngga pingandai kana adi Jesus Kristus sadi adŭ bisa nggen, yŭn bragah ngga puji ka Tapa.

PHILIPPI 4:17

Dŭh-i aku gruwŭn pinganggen; sibandar-i, aku raan kiris berkat so pingandai kana ngan dŭ dŭ bitambah yŭn guna adŭp ngan.

COLOSSAE 1:10

Amai simŭnŭ inŭh meh, angān re bisa udip nanyam ka pinyiraan Tuhan, siraru ndai kayuh adi pimunos asŭng-I. Angān re buān buwa darŭm sopŭrŭg pingandai kana, buang bitambah darŭm pinyipuan ngan pasar Tapa.

COLOSSAE 1:22

Pak madin, ngga pinyikabŭs pŭrŭng Anak-I, Tapa mbŭh ndai angān da jadi dingan-I, siŭn-I taban angān, kudus, bisig, ka mating takar sarah, ka sirung jawin-I.

COLOSSAE 1:6

Agah Kana anŭ babŭ taban berkat buang mbŭh kambang ka barang yŭn di ong, nimun-i mbŭh kambang di dupan angān piguru so andu angān muran dingah pasar pinyirasi-mandis Tapa ka puan ani sibandar-i.

COLOSSAE 2:14

Ayŭh mbŭh kinating ukum adi mandŭg so dŭh sita Ukum-adat ngga atur atur-i adi mbŭh ngabŭt buang nanuh ata, ka mbŭh masak-i di atuh rigang.

COLOSSAE 2:20

Angān mbŭh kabŭs ngga Kristus ka mbŭh dog pirupas so roh roh adi nguasa rangit ngga ong. Mani meh garang angān udip mun daya adi tung ong ati? Mani angān tunda atur, mun

HEBREW 10:10

Sabab Jesus Kristus ndai kayuh adi Tapa raan Ayŭh ndai, ata sopŭrŭg mbŭh dog pibisig so dosa da sadis pŭrŭng adŭp-I adi dog jugan ndi sidah yŭn adu adu.

1 PETER 2:24

Adŭp Kristus kabis dosa ta di pŭrŭng adŭp-I di atuh rigang, isa ata rupas so kuasa dosa, ka udip nanyam pinyiraan Tapa. Da tawan-I angān mbŭh dog pibua.

PINANDŬNG 19:7

Ja ata pawŭn ka gaŭn; ja ata muji Ayŭh, amai tika-i mbŭh mandŭg yŭn gawai sawan Anak Biri, ka pingaten dayung gŭh mbŭh sidia adŭp-i.

PINANDŬNG 21:9

Ndi so malaikat anŭ adi ju naan adi biyŭn ju makuk brisi ngga ju masam sikasŭn susah-bās mandŭg ka aku ka nang, “Kamati, aku re kiren di kuu Pingaten Dayung, adi sawŭn Anak Biri.”