ROME 7:14 - Hakcipta - Biatah Bidayuh

¹⁴ Ata puan nang Ukum-adat kayuh roh; pak aku ati manusia, dog jua keya ka urun yŭn dosa.

ROME 7:14 ပူးပေါင်းရင်းမြစ်များ

TIBIRIK 37:27

Ja ata jua ayŭh ka daya daya Ishmael anŭ, ka dŭhsah na tangan di ayŭh; mŭnŭ jurud ta garang ayŭh nŭh, ka isin ngga deya adŭp ta gŭh.” Ngara samah situju.

TIBIRIK 37:36

Di tika anŭ, di Egypt, daya Midian mbŭh jua Joseph di Potiphar, ndi naan so bara pinurung Raja diginŭ, adi pingubak bara adi tukang jaga Istana.

TIBIRIK 40:15

Sibandar-i, aku dawŭ-i dog nakap so tarun tana daya Hebrew, ka digiti di Egypt aku mating ndai sarah adi yŭn aku patut dog na di ramin jer.”

1 RAJA 21:20

Kan Ahab kiris Elijah, ayŭh nang, “Madin kuu mbŭh dapŭd aku, pinganyu!” “Sawŭ,” Elijah nam. “Kuu mbŭh siraru ndai sarah di sirung jawin TUHAN.

1 RAJA 21:25

(Mating daya bŭkŭn mbŭh ndai sarah di sirung jawin TUHAN mun Ahab — sopŭrŭg anŭ mbŭh so ka pingasu sawŭn-i Jezebel.

2 RAJA 17:17

Ngara nyadis anak anak dari ngga anak anak dayung adŭp ngara ndu sadis badang ka tapa adat karŭm. Ngara bisiken ngga daya adi pandai minyu ngga simangi daya adi mbŭh kabŭs samŭn ngara adi pandai kidaan nasip. Ngara mbŭh bigŭtŭ ndai kayuh adi sarah di sirung jawin TUHAN, ka mbŭh kinuas Ayŭh.

JOB 42:6

Ngapŭi aku mangŭh ngarun sopŭrŭg kayuh adi aku mbŭh nang ka ngga atin nyesar aku ngabu dabu ngga apŭk di adŭp ku.

MAZMUR 119:25

Aku guring di tana amai mbŭh arah; pakat aku, nanyam ka janji Mai.

MAZMUR 51:6

Atin tŭnggŭn ngga pinyawŭ inŭh adi raan Mai kiris; ngisi pikir ku ngga pinyibijak Mai.

PITAS 30:2

Aku mbŭh keya ka dāng, dŭh manusia; aku dŭh biyŭn pikir-kira manusia adi aku patut biyŭn.

PITAS 30:5

“Tapa ingat sopŭrŭg janji adi muko-I ndai. Ayŭh inŭh keya ka pinangin yŭn sopŭrŭg adi jiroh pinyigrindung so Ayŭh.

ISAIAH 50:1

TUHAN nang, “Angān pikir Aku pibu daya Ku mun daya taran sawŭn-i? Diki meh garang surat sare anŭ? Angān pikir Aku jua angān mun daya jua anak anak-i bada jadi urun? Dŭh, angān bu jadi daya-takap sabab dosa ngan; angān dog taran sabab sarah adŭp ngan.

ISAIAH 52:3

TUHAN Raja nang di daya-I, “Di tika angān jadi urun, angān dŭh dog miris ngga duit; simŭnŭ gŭh di tika angān dog pirupas.

ISAIAH 6:5

Aku nang, “Mating pingarap ku tia! Mŭmbŭh inŭh aku ati, sabab barang bang piminyu adi ruah so baba ku inŭh bidosa, ka aku udip bigaur ngga daya adi barang bang piminyu-i bidosa. Pak ngga batŭh adŭp ku, aku mbŭh kiris Raja, adi TUHAN Bisa-pŭrŭg!”

LEVITICUS 13:12

Kambŭi andam kurit anŭ papah ka raput pŭrŭng-i so ubak ndŭg kaja,

LEVITICUS 13:16

Pak kan bakang anŭ bua ka pari buda dinge, daya anŭ siŭn di ka yŭn imam,

LEVITICUS 19:18

Dŭhnyah maras dendam di tadŭ daya bait adu adu tiru di daya, pak rindu daya nimun angān rindu adŭp ngan. Aku ati TUHAN.

AMOS 2:6

TUHAN nang, “Daya Israel mbŭh pari pari bidosa, ka sabab anŭ Aku re sawŭ ngukum ngara. Ngara jua bada jadi urun daya adi jujur adi dŭh tungang bayar utang ngara, ka daya sirata adi dŭh tungang bayar ndŭg ka ndi pasang kasut.

MATTHEW 16:23

Jesus bigiring ka nang di Peter, “Bu so Aku, Shetan! Kuu ati baka di aran Ku, sabab pikir-kira mu anŭ dŭh-i mandŭg so Tapa, pak so tibiat manusia.”

MATTHEW 18:25

Daya-gaji anŭ dŭh biyŭn sukup duit re ngga bayar utang-i, jadi raja nggen ukum bada ayŭh dog jua nimun urun samŭn sawŭn-i ngga bara anak-i ka sopŭrŭg kayuh adi-i biyŭn, ngga bayar utang-i.

MATTHEW 5:22

Pak madin Aku kidaan di angān: kambŭi angān baji di jurud ngan, angān re dog bisara; kambŭi angān nang di jurud ngan ‘Kuu dŭh biguna!’ angān re dog taban ka Kunsil, ka kambŭi angān nang jurud ngan sibudo adi dŭh biguna, angān re dog taran ka apui neraka.

MATTHEW 5:28

Pak madin Aku kidaan di angān: daya adi tirek dayung ka ripong di ayŭh mbŭh tanggah ngga ayŭh darŭm asŭng-i.

LUKE 5:8

Kan Simon Peter kiris kayuh adi mbŭh jadi, ayŭh sidikang di kaja Jesus ka nang, “Bu so aku Tuhan! Aku ati daya bidosa!”

LUKE 7:6

Jadi Jesus tunda ngara. Kan Ayŭh mbŭh sindŭk ramin-i, pingubak soldadu anŭ pait bara dingan-i da kidaan di Ayŭh, “Tuan, dŭhnyah nyusah adŭp Mai. Aku ati dŭh sadang kana re bada Kaam mŭrŭt ramin ku,

ROME 3:9

Munki meh, agi kah ata daya Jahudi kana dŭ so daya adi dŭh bangsa Jahudi? Mating aran-i! Muko aku kiren nang daya Jahudi ngga daya adi dŭh bangsa Jahudi agi samah di ribo kuasa dosa.

ROME 6:6

Ka ata puan nang pimudip amba ta mbŭh dog siŭ ngga Kristus di atuh rigang, siŭn kuasa pŭrŭng adi bidosa bisa dog pirabur, isa ata dŭh tia jadi urun dosa.

ROME 7:18

Aku puan nang pinyikana mating darŭm aku, anŭ inŭh di darŭm tibiat manusia ku. Amai sunggu pinyiraan an ndai kayuh kana agi darŭm aku, aku dŭh tungang ndai-i.

GALATIA 4:3

Simŭnŭ gŭh ata, mbŭh urun bara roh adi nguasa rangit ngga ong sibayuh ata mbŭh sukup tuuh darŭm pimudip roh.

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

DITRONOMI 6:5

Rindu TUHAN adi Tapa ngan ngga siabo atin ngan, ngga siabo simangi ngan, ka ngga siabo tungang ngan.

HEBREW 4:12

Pinganang Tapa inŭh udip buang bikuasa, reja dŭ so pedang adi duwŭh siid-i. Pinganang anŭ tabŭk tambus di asah simangi ngga roh, di asah bukuh turang ngga isin turang. Pinganang anŭ jadi keya ka akim yŭn ta di pinyiripong ngga di pikir-kira ta.