ROME 5:9 - Hakcipta - Biatah Bidayuh

⁹ Ngga deya-I ata madin mbŭh bamai ngga Tapa; jung rabis-i meh ngga adŭp-I ata re dog nyiramat so baji Tapa!

ROME 5:9 ပူးပေါင်းရင်းမြစ်များ

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

ROME 1:18

Baji Tapa dog pinandŭng so shorga rawan sopŭrŭg dosa ngga arap manusia, pingandai ginaka adi matŭn manusia puan ajar adi sawŭ pasar Tapa.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 5:10

Ata ko jadi pinganyu Tapa, pak Ayŭh mbŭh ndai ata da jadi dingan-I so ka pinyikabŭs Anak-I. Amai madin ata mbŭh dingan Tapa, jung rabis-i meh ata re dog nyiramat amai Jesus ko kabŭs yŭn ta!

ROME 8:1

Madin daya adi udip ndi ngga Kristus Jesus dŭh re dog nunggu.

ROME 8:30

Ka ngara adi Tapa ko nyidŭrŭ, Ayŭh bagan; ka ngara adi-I bagan, Ayŭh bada bamai ngga adŭp-I, ka samah bragah-I ngga ngara.

EPHESUS 2:13

Pak madin, darŭm udip ndi ngga Kristus, angān adi ko jo so Tapa, mbŭh sindŭk da pinyikabŭs Kristus adi sadis.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

1 THESSALONICA 1:10

Ngara gŭh nang angān mbŭh kajŭn Anak-I, Jesus, mandŭg so shorga, adi-I mbŭh pakat so kabŭs ka adi pirupas ata so baji Tapa adi re mandŭg.

HEBREW 9:14

Kambŭi daya dapŭd dog pibisig ngga adat anŭ, jung rabis deya adŭp Kristus dapŭd pibisig daya! So ka Roh adi udip adu adu Ayŭh jugan adŭp-I jadi sadis adi sukup kana ka Tapa. Deya-I re pibisig pikir-kira atin ta so pingandai adat adi dŭh biguna, isa ata bisa bituan di Tapa adi udip.

HEBREW 9:22

Sawŭ, nanyam ka Ukum-adat batang an sopŭrŭg kayuh an dog pibisig ngga deya, ka dosa dog apun adŭ-i kambŭi deya agi dog piruah.

1 JOHN 1:7

Pak kambŭi ata udip darŭm jawa, nimun Ayŭh adi taŭn darŭm jawa, ata manŭn mbŭh udip ndi samah ngga dingan ta; ka deya Jesus, Anak-I, pibisig ata so barang masam dosa.