ROME 5:8 - Hakcipta - Biatah Bidayuh

⁸ Pak Tapa mbŭh kiren munki masam bās pinyirindu-I di ata, ka sitadŭn ata gibabŭ bidosa Kristus mbŭh kabŭs yŭn ta.

ROME 5:8 ပူးပေါင်းရင်းမြစ်များ

ISAIAH 53:6

Sopŭrŭg ata muko keya ka biri adi mbŭh manyap, barang naan ata panu kadŭg aran adŭp ta. Pak TUHAN bada ukum anŭ nyatŭk ayŭh, ukum adi sopŭrŭg ata patut trima.

JOHN 15:13

Pinyirindu adi bās dŭ adi daya biyŭn yŭn bara dingan-i inŭh taran asŭng adŭp-i yŭn bara dingan-i anŭ.

JOHN 3:16

Tapa ruai rindu ong ndŭg ka mbŭh nggen Anak tambŭ-I, isa barang naan adi sabah di Ayŭh dŭh re kabŭs pak dapŭd udip adi sawŭ adi tan adu adu.

ROME 3:5

Pak munki kambŭi pingandai sarah ta granan kiren nang Tapa agi batur? Bisa kah ata nang Tapa sarah kan Ayŭh ngukum ata? (Ati taŭn mbŭh biasa daya nang.)

ROME 4:25

Sabab dosa ta ayŭh dog nggen ukum kabŭs, ka dog pakat udip bauh siŭn ata dapŭd bamai ngga Tapa.

ROME 5:20

Ukum-adat dog nggen siŭn-i nambah kraja sarah; pak di yŭn dosa bitambah, pinyirasi-mandis Tapa rabis bitambah.

ROME 5:6

Amai di tika ata dŭh dapŭd ndai ani ani, Kristus kabŭs yŭn bara adi ginaka di tika adi adŭp Tapa mbŭh mien.

ROME 5:7

Dŭh-i udah daya re kabŭs yŭn daya adi tŭnggŭn, sunggu agi daya birani kabŭs yŭn daya adi kana.

ROME 8:32

Tapa dŭh bitan Anak-I, pak mbŭh jugan Ayŭh yŭn sopŭrŭg ta. Kambŭi Tapa mbŭh ndai simŭnŭ, dŭh kah Ayŭh rabis an nggen di ata sopŭrŭg kayuh adi bŭkŭn?

ROME 8:39

bait ong di sambu puan kah ong di sagān; so sinadan anŭ adi ko dog napa mating re tungang nyibarai ata so pinyirindu Tapa adi mbŭh jata darŭm Kristus Jesus Tuhan ta.

GALATIA 2:20

isa-i dŭh tia aku adi udip, pak adŭp Kristus udip darŭm aku. Pimudip ku madin inŭh so ka pinyabah ku di Anak Tapa, adi rindu aku ka adi mbŭh kabŭs yŭn ku.

EPHESUS 2:7

Ayŭh ndai anŭ ngga-I kiren yŭn adu adu pinyirasi mandis-I adi raru bās darŭm pinyirindu-I adi-I kiren di ata darŭm Kristus Jesus.

EPHESUS 5:2

Pimudip ngan dŭh siŭn dŭh dog nguasa pinyirindu, nimun Kristus mbŭh rindu ata ka mbŭh nggen asŭng-I yŭn ta adi keya ka pinganggen adi buuh ramak ngga sadis adi pimunos asŭng Tapa.

1 TIMOTHY 1:16

pak Tapa mbŭh raru masi di aku siŭn Kristus Jesus bisa sukup sabar darŭm-I ngatur aku, adi siabo bidosa, yŭn suto danding di sopŭrŭg ngara adi re sabah di Ayŭh ka adi re dapŭd udip adi sawŭ adi tan adu adu.

HEBREW 8:3

Barang naan Imam Bās mbŭh dog tijuan da jugan pinganggen ngga sadis dāng ka Tapa, ka mun anŭ gŭh Imam Bās ta dŭh siŭn dŭh an biyŭn kayuh dog jugan.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

1 JOHN 3:16

Simuti ata puan ani sibandar-i pinyirindu: Kristus ko nggen asŭng-I yŭn ta. Ata gŭh, patut nggen asŭng ta yŭn dingan ta!