ROME 5:2 - Hakcipta - Biatah Bidayuh

² Ayŭh mbŭh taban ata so ka pinyabah da kinyam pinyirasi-mandis Tapa, di yŭn ata madin udip. Ngapŭi ata mingangŭn di pingarap ta adi re samah dapu bragah Tapa!

ROME 5:2 ပူးပေါင်းရင်းမြစ်များ

MAZMUR 17:15

Pak aku re kiris Kaam, sabab aku mating ndai sarah; ka kan aku burah, Kaam agi ngga aku bada aku gaŭn.

MAZMUR 73:24

Kaam kayak aku ngga ajar Mai ka di pinŭbŭn-i Kaam re trima aku ngga stabi.

PITAS 14:32

Daya ginaka pirabu adŭp-i ngga pingandai arap, pak daya adi kana dog grindung sabab atin bisig ngara.

HABAKKUK 3:18

aku babŭ gŭh re gaŭn ka sanang asŭng, sabab TUHAN Tapa inŭh pinyikudip ku.

MATTHEW 25:21

‘Pandai kuu, kuu daya-gaji adi kana ka adi tŭtŭd!’ tuan-i nang. ‘Kuu tŭtŭd darŭm mu ngatur kiang adi siit, jadi aku re tijuan kuu da jaga kiang adi rabis bagŭ. Mŭrŭt kamati ka sua gaŭn ngga aku!’

JOHN 10:7

Jadi Jesus nang dinge, “Aku kidaan di angān kayuh adi sawŭ: Aku ati tiban yŭn kaban biri.

JOHN 10:9

Aku inŭh tiban. Sopŭrŭg adi mŭrŭt so Aku re dog nyiramat. So Aku ngara re ruah mŭrŭt jiroh pinguman.

JOHN 14:6

Jesus nam ayŭh, “Aku inŭh aran ngga ngan bisa puan Tapa ka ngga dapŭd udip; mating daya tungang di ka Sama adŭ-i so Aku.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

PINGANDAI 14:27

Kan ngara mbŭh ndŭg Antioch, ngara nguruk bara daya eklisia ka kidaan di ngara pasar sopŭrŭg kayuh adi Tapa mbŭh ndai ngga ngara ka munki Ayŭh mbŭh kuka aran isa daya adi dŭh bangsa Jahudi bisa sabah di Jesus.

ROME 11:20

Anŭ sawŭ. Daan daan anŭ dog kadi sabab ngara dŭh sabah, ka angān babŭ yŭn yŭn ngan sabab angān sabah. Pak dŭhnyah angān mingangŭn; taru kidŭ-i angān patut.

ROME 12:12

Bada pingarap ngan taban pinyigaŭn. Sabar di tika angān dog pinyusah ka ari simayang.

ROME 14:4

Asi meh kuu adi an nyarah daya-gaji adi daya bŭkŭn dapu? Adŭp Tuan ngara inŭh adi bisa natu batur bait dŭh pingandai ngara, ka Tuhan inŭh adi bada ngara ndai kayuh adi batur.

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

ROME 3:23

barang naan mbŭh bidosa ka mbŭh jo so Tapa adi nyiramat ngara.

ROME 5:5

Pingarap anŭ dŭh re bada ata asa, amai Tapa, ngga Roh Kudus adi pinganggen-I di ata, mbŭh ren darŭm atin ta pinyirindu-I.

ROME 8:1

Madin daya adi udip ndi ngga Kristus Jesus dŭh re dog nunggu.

ROME 8:24

Amai so ka pingarap inŭh ata dog nyiramat; pak kambŭi ata kiris kayuh adi ata harap, kayuh anŭ dŭh-i sawŭ pingarap. Amai asi so ata harap kayuh adi ata tungang kiris?

1 CORINTH 15:1

Ka madin aku raan angān ingat, bara dingan ku, Agah Kana anŭ adi aku ko nyuse di angān, adi angān kambat, adi yŭn pinyabah ngan bidigŭng tagap.

2 CORINTH 3:18

Sopŭrŭg ata meh, ngga jawin adi dŭh bitaŭb, kiren jawa bragah Tuhan; ka bragah anŭ, adi mandŭg so Tuhan adi Roh, bada ata bitukar jadi mun Ayŭh darŭm bragah adi rabis bās.

2 CORINTH 4:17

Ka pinyusah ami ati, adi siit buang adi dŭh tui kieh kinyam re taban bragah adi tan adu adu ka kieh, bās dŭ so pinyusah anŭ.

EPHESUS 2:18

Ka so Kristus inŭh sopŭrŭg ata adi bangsa Jahudi ngga adi dŭh bangsa Jahudi, mbŭh dapŭd mandŭg darŭm ndi Roh ka sirung jawin Sama.

EPHESUS 3:12

Darŭm udip ndi ngga Kristus buang so ka pinyabah ta di Ayŭh ata pus di ka sirung jawin Tapa ngga sukup atin-sabah.

EPHESUS 6:13

Jadi madin, kasŭk pimakai-basi Tapa, isa kan andu adi arap anŭ mandŭg, angān re tungang rawan serang pinganyu; ka kan ko birawan ndŭg pinŭbŭn-i, angān re babŭ tagap mijog.

2 THESSALONICA 2:16

Isa-i adŭp Tuhan ta Jesus Kristus ka Tapa adi Sama ta, adi rindu ata ka adi ngga pinyirasi mandis-I mbŭh nggen di ata pinyibirani ngga pingarap adi tan,

HEBREW 3:6

Pak Kristus agi tŭtŭd nimun Anak darŭm-I jaga daya Tapa. Ata inŭh daya-I kambŭi ata bijijŭ ngga atin pagan ka ngga atin-sabah di kayuh adi ata harap.

HEBREW 6:18

Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.

1 PETER 3:18

Amai Kristus kabŭs ndi sidah yŭn adu adu ngga ngarun daya adi bidosa. Ayŭh dŭh biyŭn sarah pak kabŭs yŭn daya adi sarah, siŭn-I dapŭd nguru angān ka Tapa. Ayŭh dog ukum kabŭs nunda ka gaya pŭrŭng, pak dog kudip nunda ka gaya roh;

PINANDŬNG 21:11

buang-i nyirinyak ngga bragah Tapa. Kupo anŭ nyirinyak mun batuh adi brega, mun batuh jasper adi tanis mun kristal.

PINANDŬNG 21:23

Kupo anŭ dŭh biguna di jawa batŭh andu puan kah jawa buran, sabab bragah Tapa nyirinyak dieh, ka Anak Biri mbŭh prita-i.

PINANDŬNG 21:3

Aku dingah sirŭŭn minyu so takta anŭ: “Madin Tapa rŭŭ ngga bara daya! Ayŭh re rŭŭ ngga ngara, ka ngara re jadi bara daya-I. Adŭp Tapa re agi ngga ngara, ka Ayŭh re jadi Tapa ngara.

PINANDŬNG 3:21

Di ngara adi mbŭh manang Aku re nggen hak da guru ngapid Aku di takta Ku, nimun Aku mbŭh manang ka madin mbŭh guru ngapid Sama Ku di takta-I.