ROME 5:18 - Hakcipta - Biatah Bidayuh

¹⁸ Ngapŭi, darŭm ndi naan bidosa sopŭrŭg daya dog nunggu, simŭnŭ gŭh pingandai tŭnggŭn so ndi naan daya pirupas ka nggen udip di sopŭrŭg daya.

ROME 5:18 ပူးပေါင်းရင်းမြစ်များ

ISAIAH 53:11

Ripas pimudip sangsara, ayŭh re pari gaŭn; ayŭh re puan nang sangsara-i dŭh kayuh adi dŭh biyŭn rati. Urun Ku adi tŭtŭd, adi yŭn asŭng Ku munos, re gŭrŭng ukum daya bagŭ sabab ayŭh Aku re apun ngara.

JOHN 1:7

da kidaan di sopŭrŭg daya pasar jawa anŭ, isa sopŭrŭg daya dingah ka sabah.

JOHN 12:32

Kan Aku mbŭh dog katuh di tunduh ong, Aku re tambit sopŭrŭg daya yŭn adŭp Ku.” (

JOHN 3:26

Komŭnŭ ngara di ka John ka nang di ayŭh, “Gurū, ingat mai kah daya adi agi ngga kaam di pah mandi tura ka timor Yang Jordan? Agi kaam minyu pasar Ayŭh. Ayŭh baptisa daya madin, ka sopŭrŭg daya mandŭg tudu Ayŭh!”

ROME 3:25

Tapa mbŭh jugan Ayŭh, isa ngga deya-I Ayŭh jadi aran adi ngga dosa daya dog apun so ka pinyabah ngara di Ayŭh. Tapa ndai simŭnŭ ngga kiren pinŭnggŭn-I. Jah-i Ayŭh sabar ka kambŭt dosa ngara; pak di jaman ati Ayŭh nura dosa ngara, ngga kiren pinyitŭnggŭn-I. Simŭnŭ Tapa kiren adŭp-I tŭnggŭn, buang-I bada bamai barang naan daya adi sabah di Jesus.

ROME 4:25

Sabab dosa ta ayŭh dog nggen ukum kabŭs, ka dog pakat udip bauh siŭn ata dapŭd bamai ngga Tapa.

ROME 5:12

Dosa mandŭg ka ong so ka ndi naan daya, ka dosa-i taban pinyikabŭs. Sitagar anŭ, pinyikabŭs mbŭh sawit ka sopŭrŭg bangsa manusia sabab barang naan daya mbŭh bidosa.

ROME 5:15

Pak ngara duwŭh dŭh samah, sabab pinganggen bās Tapa agi bŭkŭn so dosa Adam. Mbŭh sawŭ inŭh daya bagŭ kabŭs sabab dosa ndi naan daya anŭ. Pak pinyirasi-mandis Tapa agi rabis bās, ka mbŭh pinganggen bās-I di bara daya so ka pinyirasi-mandis ndi naan Daya, Jesus Kristus.

ROME 5:19

Ka nimun sopŭrŭg daya jadi daya bidosa so ndi naan daya adi tirawan pinganang Tapa, simŭnŭ gŭh sopŭrŭg daya re bamai ngga Tapa sabab ndi naan daya tunda pinganang Tapa.

ROME 6:14

Dosa dŭh siŭn jadi tuan ngan; amai angān dŭh udip di ribo ukum-adat pak di ribo pinyirasi-mandis Tapa.

1 CORINTH 15:22

Amai nimun sopŭrŭg daya kabŭs sabab ngara ndi ngga Adam, simŭnŭ gŭh sopŭrŭg daya re dog pakat udip bauh sabab ngara mbŭh ndi ngga Kristus.

HEBREW 2:9

Pak ata mbŭh kiris Jesus, adi ko nyitiro dog bada rapat so bara malaikat, isa so pinyirasi-mandis Tapa Ayŭh patut kabŭs yŭn sopŭrŭg daya. Madin ata kiris Ayŭh dog nggen makota bragah ngga stabi sabab jera-birasa pinyikabŭs adi-I ko kinyam.

2 PETER 1:1

So Simon Peter, urun ka pinyuruh Jesus Kristus, nuju sinadan daya adi mbŭh sabah mun kieh, so pinŭnggŭn Tapa ngga Pinyikudip ta Jesus Kristus.

1 JOHN 2:20

Pak angān mbŭh trima Roh Kudus adi Kristus ko ren di tunduh ngan; ngapŭi sopŭrŭg ngan puan ajar adi sawŭ.