ROME 5:10 - Hakcipta - Biatah Bidayuh

¹⁰ Ata ko jadi pinganyu Tapa, pak Ayŭh mbŭh ndai ata da jadi dingan-I so ka pinyikabŭs Anak-I. Amai madin ata mbŭh dingan Tapa, jung rabis-i meh ata re dog nyiramat amai Jesus ko kabŭs yŭn ta!

ROME 5:10 ပူးပေါင်းရင်းမြစ်များ

2 KRONIKEL 29:24

Komŭnŭ bara imam siŭ kambing anŭ ka ren deya-i di tunduh mija-sambah ndu sadis taran dosa yŭn sopŭrŭg daya, amai raja mbŭh pesan bada sadis badang ngga sadis taran dosa dog ndai yŭn sopŭrŭg daya Israel.

EZEKIEL 45:20

Di andu adi ju darŭm buran anŭ angān an ndai simŭnŭ ngga ngarun daya adi ndai dosa ngga dŭh singaja puan kah sabab dŭh puan. Simŭnŭ inŭh angān re sita pinyikudus Ramin Ku.

DANIEL 9:24

“Ju kari ju puru sawa inŭh ambu tipuh adi Tapa mbŭh miratak yŭn-I re pirupas daya mu ngga kupo kudus mu so dosa ngga arap. Dosa re dog apun ka pinyitŭnggŭn adi tan adu adu re dog pijog, isa kayuh adi dog kiris keya ka darŭm pŭmŭh ngga pinganang-binabi anŭ jadi bitŭtŭk, ka Ramin TUHAN adi kudus re pari dog nitah.

LEVITICUS 6:30

Pak kambŭi deya dāng anŭ agi dog taban ka darŭm Bari TUHAN, ka dog pakai di adat taran dosa, dāng anŭ dŭh siŭn dog man, ka-i dŭh siŭn dŭh dog badang bada rŭpŭg.

JOHN 14:19

Dŭm dŭh tui daya di ong ati re dŭh tungang kiris Aku tia, pak angān re kiris Aku; ka sabab Aku udip, angān re udip gŭh.

JOHN 5:26

Nimun Sama mbŭh adŭp-I atak udip, simŭnŭ gŭh Ayŭh mbŭh bada Anak-I jadi atak udip.

JOHN 6:40

Amai pinyiraan Sama Ku inŭh ngara adi kiris Anak ka sabah di Ayŭh patut dapŭd udip adi sawŭ adi tan adu adu. Ka Aku re pakat ngara di andu sikasŭn.”

JOHN 6:57

Sama adi udip mbŭh pait Aku, ka sabab Ayŭh aku udip gŭh. Simŭnŭ gŭh daya adi man Aku re udip sabab Aku.

ROME 11:28

Sabab daya Jahudi tirawan Agah Kana, ngara mbŭh jadi pinganyu Tapa yŭn kana ngan daya adi dŭh bangsa Jahudi. Pak sabab-i mbŭh pimien Tapa, ngara mbŭh dingan-I sitagar tayung-babuk ngara.

ROME 5:11

Pak dŭh-i anŭ adŭ; ata gaŭn sabab kayuh adi Tapa mbŭh ndai so Tuhan ta Jesus Kristus, adi madin mbŭh ndai ata da jadi dingan Tapa.

ROME 5:6

Amai di tika ata dŭh dapŭd ndai ani ani, Kristus kabŭs yŭn bara adi ginaka di tika adi adŭp Tapa mbŭh mien.

ROME 8:32

Tapa dŭh bitan Anak-I, pak mbŭh jugan Ayŭh yŭn sopŭrŭg ta. Kambŭi Tapa mbŭh ndai simŭnŭ, dŭh kah Ayŭh rabis an nggen di ata sopŭrŭg kayuh adi bŭkŭn?

ROME 8:34

Asi garang, re nunggu ngara? Dŭh-i Kristus Jesus, adi kabŭs, ka sibandar-i adi dog pakat udip bauh ka adi mbŭh tura ka tauh Tapa, bidua yŭn ta ka Tapa!

ROME 8:7

Jadi daya jadi pinganyu Tapa kan ngara dog nguasa tibiat manusia; amai ngara dŭh sita ukum-adat Tapa, buang sibandar-i ngara dŭh tungang sita-i.

2 CORINTH 5:20

Kieh ati meh garang, minyu yŭn Kristus, keya ka adŭp Tapa ndai pimite-I so baba ami. Kieh mite ngga ngarun Kristus: bada Tapa ngubah angān so jadi pinganyu da jadi bara dingan-I!

2 CORINTH 5:21

Kristus bŭn ndai sarah, pak sitagar ata Tapa mbŭh bada Ayŭh gŭrŭng dosa ta siŭn ata darŭm udip ndi ngga Ayŭh bisa dapŭd pinŭnggŭn Tapa.

EPHESUS 2:16

Ngga pinyikabŭs-I di atuh rigang Kristus mbŭh bada ngara bidamai; ngga rigang anŭ Ayŭh bada duwŭh bangsa anŭ jadi ndi ka taban ngara pari ka Tapa.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

HEBREW 2:17

Ka rati-i, Ayŭh dŭh siŭn dŭh an jadi mun bara daya-I darŭm sopŭrŭg kayuh siŭn-I jadi Imam Bās ngara adi tŭtŭd ka adi puno ngga masi, darŭm bituan di Tapa, isa dosa sopŭrŭg daya-I bisa dog apun.

HEBREW 7:25

Ka sawŭ Ayŭh tungang, madin ngga siraru, nyiramat daya adi mandŭg ka Tapa so ka adŭp-I, sabab Ayŭh udip adu adu an bidua ka Tapa yŭn ngara.

1 JOHN 2:1

Aku nuris ati ka angān, bara anak ku, isa angān dŭh ndai dosa; pak kambŭi tadŭ so angān agi ndai dosa, ata biyŭn pingarun, Jesus Kristus adi tŭnggŭn, adi ngarun ata di sirung jawin Sama.

1 JOHN 4:10

Ati inŭh pinyirindu: dŭh-i ata mbŭh rindu Tapa, pak Ayŭh mbŭh rindu ata, ka mbŭh pait Anak-I da jadi aran adi ngga dosa ta bisa dog apun.

PINANDŬNG 1:18

Aku ati adi udip! Aku ko kabŭs, pak madin aku ati udip adu adu. Aku biyŭn kuasa di tunduh pinyikabŭs ka di tunduh ong daya adi mbŭh kabŭs.