ROME 5:1 - Hakcipta - Biatah Bidayuh

¹ Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 5:1 ပူးပေါင်းရင်းမြစ်များ

JOB 21:21

Kan ata kabŭs, babŭ kah ata piduri sanang kah dŭh rawang ta?

MAZMUR 122:6

Bidua mite udip bamai yŭn Jerusalem: “Isa-i ngara adi rindu kuu mujur.

ISAIAH 27:5

Pak kambŭi pinganyu daya Ku raan pinyigrindung so Aku, isa-i ngara bidamai ngga Aku. Sawŭ, isa-i ngara bidamai ngga Aku.”

ISAIAH 32:17

Sabab barang naan daya re ndai kayuh adi batur, re agi udip darŭm damai ka ngga siramat ndŭg situi tui.

ISAIAH 54:13

“Adŭp Ku re ngajar daya mu, ka nggen di ngara udip mujur ngga damai.

ISAIAH 55:12

“Angān re bu tingge Babylon ngga gaŭn; angān re dog nguru ruah so kupo ngga damai. Darŭd ngga sandah re biragu ngga gaŭn, ka tŭngŭn tŭngŭn kayuh re nyirais ngga gaŭn.

HABAKKUK 2:4

Ka ati inŭh pinganang anŭ: ‘Ngara adi arap re binasa, pak ngara adi tŭnggŭn re udip sabab ngara tŭtŭd di Tapa.’ ”

ZECHARIAH 6:13

Ayŭh inŭh sianŭ adi re pari pijog-i ka re kambat stabi adi dog nggen di raja, ka ayŭh re mritah daya-i. Ndi naan imam re mijog ngapid takta-i, ka ngara re samah nyiraja darŭm damai ka bamai.’

LUKE 19:38

“Tapa nyiberkat raja adi mandŭg ngga adŭn Tuhan! Damai di shorga ngga bragah ka Tapa!”

LUKE 19:42

buang nang, “Kasi kah kambŭi kuu puan kayuh adi taban damai! Pak madin kuu dŭh tungang kiris-i!

LUKE 2:14

“Bragah ka Tapa di rangit siabo bigatung ka damai di ong yŭn ngara adi pimunos asŭng-I!”

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

JOHN 16:33

Aku nang sopŭrŭg ati isa angān biyŭn damai darŭm Aku. Ong re bada angān jera. Pak pagan meh! Aku mbŭh ngarah ong!”

JOHN 20:31

Pak sopŭrŭg ati dog nuris siŭn angān bisa sabah Jesus ati sawŭ Kristus, Anak Tapa, ka so ka pinyabah ngan angān bisa dapŭd udip adi sawŭ.

JOHN 5:24

“Aku kidaan di angān kayuh adi sawŭ: daya adi dingah pinganang Ku ka sabah di Ayŭh adi pait Aku biyŭn udip adi sawŭ adi tan adu adu. Ngara dŭh re dog ukum, pak mbŭh ruah so pinyikabŭs nuju udip anŭ.

PINGANDAI 10:36

Angān puan agah adi-I pait ka daya Israel, Agah Kana pasar damai so ka Jesus Kristus, adi Tuhan sopŭrŭg.

ROME 1:17

Amai Agah Kana anŭ kiren munki Tapa bada daya bamai ngga adŭp-I: anŭ inŭh so ka pinyabah so sibungas-i ndŭg sikasŭn-i. Sak adi nang Surat-kudus, “Daya adi mbŭh bamai ngga Tapa so ka pinyabah re udip.”

ROME 1:7

Ngapŭi madin aku nuris ka angān adi di Rome, adi Tapa rindu ka mbŭh bagan da jadi daya-I: Isa-i Tapa Sama ta ngga Tuhan ta Jesus Kristus nggen di angān pinyirasi-mandis ngga damai.

ROME 10:10

Amai so ka pinyabah ta inŭh ata dapŭd bamai ngga Tapa; darŭm ata ngaku ka kidaan di daya bŭkŭn ata mbŭh dog nyiramat.

ROME 10:15

Ka simuki agah dog piagah kambŭi daya tukang piagah mating dog pait? Sak adi nang Surat-kudus, “Munki masam sangŭn-i pimandŭg ngara adi taban Agah Kana!”

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

ROME 15:33

Isa-i Tapa, adi atak damai, agi ngga sopŭrŭg ngan. Amen.

ROME 3:22

Tapa bada daya bamai ngga adŭp-I so ka pinyabah ngara di Jesus Kristus. Tapa ndai simŭnŭ di sopŭrŭg daya adi sabah di Kristus, sabab sopŭrŭg mbŭh brimun di batŭh Tapa:

ROME 3:30

Tapa inŭh ndi, ka Ayŭh bada daya Jahudi bamai ngga adŭp-I sabab pinyabah ngara, ka re bada daya adi dŭh bangsa Jahudi bamai ngga adŭp-I so ka pinyabah ngara.

ROME 4:5

Pak ngara adi bisangan di pinyabah, dŭh di kraja pingandai, ka adi sabah di Tapa anŭ adi bisa nang daya adi sarah dŭh sarah, pinyabah anŭ inŭh adi Tapa pakai ngga bada ngara bamai ngga adŭp-I.

ROME 5:11

Pak dŭh-i anŭ adŭ; ata gaŭn sabab kayuh adi Tapa mbŭh ndai so Tuhan ta Jesus Kristus, adi madin mbŭh ndai ata da jadi dingan Tapa.

ROME 5:18

Ngapŭi, darŭm ndi naan bidosa sopŭrŭg daya dog nunggu, simŭnŭ gŭh pingandai tŭnggŭn so ndi naan daya pirupas ka nggen udip di sopŭrŭg daya.

ROME 6:23

Dosa nggen pinyikabŭs ndu upah; pak pinganggen bās Tapa inŭh udip adi sawŭ adi tan adu adu ngga Kristus Jesus Tuhan ta.

ROME 9:30

Jadi ata nang daya adi dŭh bangsa Jahudi, adi dŭh suba bada adŭp ngara bamai ngga Tapa, mbŭh bamai ngga Ayŭh so ka pinyabah;

GALATIA 2:16

Pak kieh puan daya dapŭd bamai ngga Tapa adŭ-i so ka pinyabah-i di Jesus Kristus, dŭh so pinyita Ukum-adat. Kieh mŭnŭ gŭh, mbŭh sabah di Kristus Jesus siŭn dapŭd bamai ngga Tapa so ka pinyabah ami di Kristus, ka dŭh so pinyita Ukum-adat. Amai mating daya dapŭd bamai ngga Tapa so pinyita Ukum-adat.

GALATIA 3:25

Amai madin daya mbŭh udip ngga pinyabah di Kristus, Ukum-adat mbŭh dŭh tia nguasa ata.

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

EPHESUS 2:7

Ayŭh ndai anŭ ngga-I kiren yŭn adu adu pinyirasi mandis-I adi raru bās darŭm pinyirindu-I adi-I kiren di ata darŭm Kristus Jesus.

PHILIPPI 3:9

ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.

COLOSSAE 1:20

So ka anak meh, Tapa mbŭh natu an taban sopŭrŭg kayuh, bait di ong puan kah di shorga, pari ka adŭp-I. Tapa ndai damai so ka pinyikabŭs Anak-I di atuh rigang ka taban pari ka adŭp-I sopŭrŭg kayuh, di ong ngga di shorga.

COLOSSAE 3:15

Damai adi Kristus nggen inŭh ngga turung angān ndai pikir-kira ngan adi patut; amai nuju damai anŭ inŭh Tapa mbŭh bagan angān da tikuruk darŭm ndi pŭrŭng. Angān patut nggen trima kaseh.

1 THESSALONICA 5:23

Isa-i Tapa adi nggen damai di ata bada angān sukup kudus. Isa-i Tapa jaga asŭng ngan, simangi ngan, ka pŭrŭng ngan so sopŭrŭg sarah, di andu pimandŭg Tuhan ta Jesus Kristus.

2 THESSALONICA 3:16

Isa-i adŭp Tuhan, adi atak damai yŭn ta, nggen di angān damai di tadŭ nga-i ka darŭm tadŭ mun gaya-i. Tuhan agi ngga sopŭrŭg ngan.

HEBREW 13:20

Tapa mbŭh pakat Tuhan ta Jesus so kabŭs, adi Pingingat-Biri adi bās sabab deya-I, adi ngga simanya adi tan adu adu dog natu. Isa-i Tapa damai nggen di angān sopŭrŭg kayuh kana adi angān biguna ngga ndai pinyiraan-I, ka isa Ayŭh, so Jesus Kristus, ndai darŭm ata kayuh adi pimunos asŭng-I. Ka di Kristus bragah ndŭg situi tui! Amen.