ROME 4:10 - Hakcipta - Biatah Bidayuh

¹⁰ Sinde kayuh anŭ jadi? Agi kah-i diŭ so Abraham bisunat puan kah sundis? Ayŭh diŭ, dŭh ripas Abraham bisunat.

ROME 4:10 ပူးပေါင်းရင်းမြစ်များ

TIBIRIK 15:16

Ripas pat turap udip di tarun tana daya, nŭ ka sesang mu re pari mari kamati, amai Aku dŭh re pibu daya Amor ndŭg ka ngara mbŭh jadi ruai arap adi ngga ngara dŭh siŭn dŭh dog ukum.”

TIBIRIK 17:1

Kan Abram mbŭh prii puru-prii sawa umbur-i, TUHAN pinandŭng adŭp-i di ayŭh ka nang, “Aku ati Tapa Bisa-pŭrŭg. Nundok di Aku ka ndai kayuh adi batur.

TIBIRIK 17:10

Kuu ngga sesang mu dŭh siŭn dŭh gŭh an situju nyunat barang naan anak dari ngan.

ROME 4:11

Sundis ayŭh bisunat, buang sunat-i anŭ batur tandā ngga kiren nang sabab pinyabah-i Tapa mbŭh ngitong ayŭh tŭnggŭn diŭ so-i bisunat. Ngapŭi Abraham inŭh sama darŭm roh yŭn sopŭrŭg daya adi sabah di Tapa adi-I mbŭh ngitong tŭnggŭn, sunggu ngara dŭh bisunat.

ROME 4:9

Agi kah pinyigaŭn anŭ adi David nyabŭt, tung ngara adi mbŭh bisunat adŭ? Manŭn dŭh! Pinyigaŭn anŭ mbŭh tung ngara adi dŭh bisunat ani. Amai ata mbŭh ngagit pinganang Surat-kudus, “Abraham sabah Tapa, ka sabab pinyabah-i Tapa mbŭh ngitong ayŭh tŭnggŭn.”

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

GALATIA 6:15

Dŭh-i mani, bait bisunat puan kah dŭh bisunat; kayuh adi biguna inŭh ata jadi manusia adi bauh.