ROME 3:5 - Hakcipta - Biatah Bidayuh

⁵ Pak munki kambŭi pingandai sarah ta granan kiren nang Tapa agi batur? Bisa kah ata nang Tapa sarah kan Ayŭh ngukum ata? (Ati taŭn mbŭh biasa daya nang.)

ROME 3:5 ပူးပေါင်းရင်းမြစ်များ

TIBIRIK 18:25

Tatu Kaam dŭh re siŭ ngara adi dŭh sarah samah ngga ngara adi sarah. Dŭh-i bisa jadi simŭnŭ! Kaam dŭh bisa ndai simŭnŭ. Kambŭi Kaam sawŭ ndai simŭnŭ, gŭt-i daya adi dŭh sarah sua dog pirabur samah ngga daya adi sarah. Dŭh-i bisa jadi simŭnŭ. Arang ong ati an miratak ukum ngga tŭnggŭn.”

JOB 8:3

Tapa bŭn pirusak pinyitŭnggŭn; Ayŭh bŭn re dŭh ndai kayuh adi batur.

NAHUM 1:2

TUHAN dŭh tandah ani ani adi sitama ngga adŭp-I; Ayŭh ngukum daya adi nyakar adŭp-I. Darŭm baji-I Ayŭh maras dendam di pinganyu-I.

ROME 12:19

Dŭhnyah maras dendam, bara dingan ku, pak nyerah-i ka darŭm tangan Tapa. Amai Surat-kudus nang, “Aku re maras arap ngara, Aku re ngukum arap ngara, Tuhan nang.”

ROME 2:5

Pak atin ngan karas buang baking, ngapŭi angān mbŭh ndai ukum ngan rabis bat-i di Andu baji Tapa ngga ukum-i adi tŭnggŭn dog pinandŭng.

ROME 3:19

Madin ata puan nang sopŭrŭg kayuh darŭm Ukum-adat taŭn mbŭh yŭn daya adi udip di ribo Ukum-adat, siŭn sopŭrŭg daya dŭh bisa nang ani ani ngga nutu sarah-i, ka yŭn sopŭrŭg daya dog taban bisara di sirung jawin Tapa.

ROME 3:7

Pak kambŭi sabab pingandai kadong, kayuh adi sawŭ pasar Tapa jadi granan tatŭng ndŭg ka dog muji, mani meh garang aku dog nunggu mun daya bidosa?

ROME 4:1

Ani meh re ta nang, pasar Abraham, adi sama bangsa ta? Ani ko-i so?

ROME 5:8

Pak Tapa mbŭh kiren munki masam bās pinyirindu-I di ata, ka sitadŭn ata gibabŭ bidosa Kristus mbŭh kabŭs yŭn ta.

ROME 6:1

Ani re ta nang, garang? Patut kah ata pijuu udip darŭm dosa isa pinyirasi-mandis Tapa bitambah?

ROME 6:19

(Aku minyu pakai piminyu adi biasa sabab angān kurang mirati.) Dawŭ-i angān ko nyerah adŭp ngan abo abo jadi urun pimudip adi kais ngga pinŭtŭn adi ginaka. Ka simŭnŭ gŭh angān dŭh siŭn dŭh an nyerah adŭp ngan abo abo jadi urun pinŭnggŭn yŭn pinŭtŭn adi kudus.

ROME 7:7

Bisa kah ata nang garang, Ukum-adat kayuh adi bidosa? Manŭn dŭh! Pak Ukum-adat inŭh adi bada aku puan ani dosa. Kambŭi Ukum-adat mating nang, “Dŭhnyah ripong di kayuh adi daya dapu,” aku taŭn dŭh re puan pinyiripong adi mun anŭ.

ROME 8:31

Darŭm ko dingah sopŭrŭg anŭ, ani re ta bisa nang? Kambŭi Tapa agi ngga ata, asi re tungang rawan ata?

ROME 9:30

Jadi ata nang daya adi dŭh bangsa Jahudi, adi dŭh suba bada adŭp ngara bamai ngga Tapa, mbŭh bamai ngga Ayŭh so ka pinyabah;

1 CORINTH 15:32

Kambŭi aku birawan ngga “dāng dāng ganas” di Ephesus batur so ka pinyiraan manusia, ani utung-i di aku? Pak kambŭi daya adi mbŭh kabŭs dŭh dog pakat udip bauh, agi garang pinganang sakati, “Ja ata man nok, amai sipagi ata re kabŭs.”

1 CORINTH 9:8

Aku dŭh re ngŭtŭ adŭp ku darŭm suto suto adi mun anŭ, sabab Ukum-adat nang sakanŭ gŭh.

2 CORINTH 6:4

Darŭm sopŭrŭg kayuh adi kieh ndai, kieh kiren adŭp ami urun Tapa darŭm nyijŭn ngga atin tŭtŭd bagŭ masam pito, jera, ka pinyusah.

2 CORINTH 7:11

Angān bisa tingga kayuh adi Tapa ndai ngga atin mandam ngan! Angān mbŭh batur batur raan kiren adŭp ngan dŭh sarah! Angān mbŭh bangok, mbŭh gŭgŭh, ka mbŭh gruwŭn an ngukum pingandai sarah! Angān mbŭh kiren adŭp ngan dŭh sarah di sopŭrŭg kayuh anŭ.

GALATIA 2:18

Kambŭi aku pari pijog Ukum-adat adi aku ko nyirubuh, aku kiren adŭp ku mbŭh daya adi miranggar Ukum-adat.

GALATIA 3:15

Bara dingan, aku an mbit suto danding so kayuh adi jadi barang andu: kan duwŭh naan daya situju di kayuh ka mbŭh na tandā-tangan ngara di surat janji anŭ, mating daya bisa kinating bait ngubah-i.

PINANDŬNG 15:3

ka biragu ragu Moses, adi urun Tapa, ngga ragu Anak Biri: “Tuhan Tapa Bisa-pŭrŭg, munki masam bās ka grua inŭh pingandai Mai! Raja barang bangsa, munki masam batur ka sawŭ inŭh pingatur Mai!

PINANDŬNG 18:20

Gaŭn meh, shorga, sabab pinyirubuh-i! Gaŭn meh, bara daya adi Tapa mbŭh mien ngga bara pinyuruh ka bara nabi, amai Tapa mbŭh nunggu ayŭh sabab kayuh adi-i ko ndai di angān!