4 Manŭn dŭh! Tapa kidaan kayuh adi sawŭ, sunggu sopŭrŭg manusia pingadong. Sak adi nang Surat-kudus, “Kaam dŭh bisa dŭh batur kan Kaam minyu; Kaam dŭh bisa dŭh manang kan Kaam bisara.”
Aku nura Ramin Mai adi kudus, mutu ubak ku, ka muji adŭn Mai sabab pinyirindu Mai adi dŭh bisa birubah ngga pinyitŭtŭd Mai, sabab Kaam mbŭh kiren nang adŭn ngga pesan Mai siabo bās.
Aku mbŭh bidosa rawan Kaam — rawan Kaam adŭ — ka mbŭh ndai anŭ adi Kaam nang arap. Ngapŭi Kaam batur kan Kaam nyarah aku; Kaam inŭh tŭnggŭn darŭm Kaam ngukum aku.
Kaam re kiren pinyitŭtŭd ngga pinyirindu Mai adi dŭh bisa birubah di daya Mai, bara sesang Abraham ngga Jacob, nimun adi muko Mai janji di tayung-babuk ami jah.
Kan Anak Manusia mandŭg, Ayŭh man nok, ka sopŭrŭg daya nang, ‘Tingga daya ati! Ayŭh daya pirusong ka pimabuk, bidingan ngga daya pinsuke ka daya adi dog tirawan!’ Pinyibijak Tapa, sunggu mŭnŭ, taŭn tatŭng sawŭ darŭm kraja pingandai daya adi trima pinyibijak anŭ.”
Aku siken, garang: Kan daya Jahudi sikak, agi kah ngara rabu ndŭg ka dŭh tungang makat? Dŭh! Sabab daya Jahudi mbŭh bidosa, pinyiramat mbŭh mandŭg ka daya adi dŭh bangsa Jahudi, isa-i daya Jahudi sina di ngara.
Pak agi kah sirati-i kayuh adi kana mbŭh bada aku kabŭs? Dŭh! Dosa inŭh adi bada aku kabŭs; pakai kayuh adi kana, dosa taban pinyikabŭs ka aku, siŭn ani sibandar dosa bisa dog pinandŭng. Jadi meh, ngga Pinyipesan anŭ dosa dog kiren munki masam sipŭ-i.
Bisa kah ata nang garang, Ukum-adat kayuh adi bidosa? Manŭn dŭh! Pak Ukum-adat inŭh adi bada aku puan ani dosa. Kambŭi Ukum-adat mating nang, “Dŭhnyah ripong di kayuh adi daya dapu,” aku taŭn dŭh re puan pinyiripong adi mun anŭ.
Angān puan nang pŭrŭng ngan mbŭh bara sakap pŭrŭng Kristus. Bisa kah aku tambit ndi so sakap pŭrŭng Kristus ka bada-i jadi pŭrŭng dayung sundar? Manŭn dŭh bisa!
Jadi kambŭi, darŭm kieh suba an bamai ngga Tapa so ka udip ndi ami ngga Kristus, kieh dog dapŭd bidosa mun daya adi dŭh bangsa Jahudi, agi kah sirati-i Kristus adi bada kieh bidosa? Manŭn dŭh!
Ka aku ati, kaŭs aku an mingangŭn pasar rigang Tuhan ta Jesus Kristus; amai ngga pinyikabŭs Kristus di atuh rigang, ong ati mbŭh dŭh biyŭn rati di aku, ka aku gŭh mbŭh keya ka kabŭs di kayuh ong.
“TUHAN inŭh pingibān ngan adi bikuasa, sukup kana ka tŭnggŭn darŭm sopŭrŭg kayuh, Tapa ngan inŭh tŭtŭd ngga sawŭ, Ayŭh ndai kayuh adi batur ngga patut.
Mating daya tungang miman munki masam bās-i rusia adat ta: Ayŭh mandŭg darŭm gayŭn manusia, mbŭh Roh Kudus kiren nang pimunos asŭng Tapa, ka dog kiris bara malaikat. Ayŭh dog nyuse di barang bangsa, ka ndi ong ong mbŭh sabah di Ayŭh, ka Ayŭh mbŭh dog pakat ka shorga.
Duwŭh masam kayuh anŭ meh, adi dŭh bisa birubah ka pasar-i Tapa dŭh bisa kadong. Jadi ata adi mbŭh siramat darŭm Ayŭh mbŭh dog ngatat da bidigŭng tagap di pingarap anŭ adi mbŭh dog na di sirung jawin ta.
Jadi ngara adi sabah di Anak Tapa, biyŭn taksi anŭ darŭm atin ngara; pak ngara adi dŭh sabah Tapa, mbŭh bada Ayŭh jadi pingadong, sabab ngara dŭh sabah kayuh adi Tapa ko nang pasar Anak-I.
Ata puan Anak Tapa mbŭh mandŭg ka mbŭh nggen di ata pinyimirati, isa ata puan Tapa adi sawŭ. Ata udip ndi ngga Tapa adi sawŭ, amai ata udip ndi ngga Anak-I Jesus Kristus. Ati inŭh Tapa adi sawŭ, ka ati inŭh udip adi sawŭ adi tan adu adu.
“Nuris ka malaikat eklisia di Philadelphia: “Ati inŭh agah so sianŭ adi kudus ka adi sawŭ. Ayŭh biyŭn kusi adi dog dapu David, ka kan Ayŭh kuka tiban, mating daya dapŭd tŭŭp-i, ka kan Ayŭh tŭŭp-i, mating daya dapŭd kuka-i.