ROME 3:12 - Hakcipta - Biatah Bidayuh

¹² Sopŭrŭg ngara mbŭh bu mangān Tapa; sopŭrŭg ngara mbŭh sarah; mating daya ndai kayuh adi batur, ndi naan mating gŭh.

ROME 3:12 ပူးပေါင်းရင်းမြစ်များ

TIBIRIK 1:31

Ka Tapa kiris barang masam kayuh adi-I mbŭh napa, ka asŭng-I mbŭh raru munos. Singumi andu ripuan, ka isan isan nusak. Anŭ inŭh andu adi nŭm.

MAZMUR 14:3

Pak sopŭrŭg ngara mbŭh sarah; sopŭrŭg ngara mbŭh brimun arap. Mating adŭ adi ndai kayuh batur, Ndi naan mating gŭh.

MAZMUR 53:1

Sibudo nang di adŭp ngara, “Mating Tapa.” Sopŭrŭg ngara mbŭh madam di pikir-kira ngara, ka ngara mbŭh ndai kayuh adi sipŭ; mating inŭh daya adi ndai kayuh adi batur.

MAZMUR 53:3

Pak ngara sopŭrŭg mbŭh miriseu buang manyap; sopŭrŭg ngara mbŭh samah arap. Mating inŭh ngara adi ndai kayuh adi batur, ndi naan mating gŭh.

PINYIRUAH 32:8

Ngara mbŭh tingge atur atur adi Aku muko bada ngara tunda; ngara mbŭh ndai sapi so mas adi dog piriris ka nyambah-i, ka jugan sadis dieh. Ngara mbŭh nang anŭ inŭh tapa ngara adi mbŭh taban ngara ngga ruah so Egypt.

EKLISIASTIS 7:20

Mating daya di ong adi ari ndai kayuh adi batur ka bŭn ndai sarah.

EKLISIASTIS 7:29

Kaŭs ati adŭ kayuh adi aku mbŭh birajar: Tapa napa ata bada tŭnggŭn, pak ata bada adŭp ta bidikok.

ISAIAH 53:6

Sopŭrŭg ata muko keya ka biri adi mbŭh manyap, barang naan ata panu kadŭg aran adŭp ta. Pak TUHAN bada ukum anŭ nyatŭk ayŭh, ukum adi sopŭrŭg ata patut trima.

ISAIAH 59:8

ka mating daya siramat di yŭn angān agi. Sopŭrŭg pingandai ngan dŭh patut. Angān panu kadŭg aran adi bidikok, ka mating daya adi panu kadŭg aran anŭ re siramat.

ISAIAH 64:6

Sopŭrŭg kieh taŭn mbŭh bidosa; ndŭg ka urah rakah ami adi siabo kana babŭ gŭh kais ka sembar. Sabab dosa ami kieh mbŭh keya ka dawŭn kayuh adi rayu adi mikabur dog poh sabak.

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

MATTHEW 25:30

Mun siati, daya-gaji adi dŭh biguna; taran ayŭh ka yŭn karŭm di sapa; diginŭ ayŭh re sien buang sangsara.’

ROME 3:11

mating daya adi sawŭ bijak puan kah adi nyambah Tapa.

ROME 3:13

Pinganang ngara mbŭh keya ka puno ngga rubang pinyikabŭs; ngara mbŭh raru pandai kadong, Bang piminyu ngara mbŭh keya ka rasun jippŭh ruah so baba ngara;

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

PHILEMON 1:11

Ayŭh ko dŭh biguna yŭn mu, pak madin ayŭh mbŭh biguna yŭn ata duwŭh.

1 PETER 2:25

Angān ko keya ka biri adi manyap, pak madin angān mbŭh dog taban pari isa angān tunda Pingingat adi Tukang Kingat simangi ngan.