ROME 2:9 - Hakcipta - Biatah Bidayuh

⁹ Re agi sangsara ngga jera-birasa yŭn sopŭrŭg ngara adi ndai kayuh adi arap; diŭ yŭn daya Jahudi ka komŭnŭ yŭn daya adi dŭh bangsa Jahudi.

ROME 2:9 ပူးပေါင်းရင်းမြစ်များ

2 KRONIKEL 6:23

O TUHAN, dingah so shorga ka natu aki ndi urun Mai adi sarah. Ngukum sianŭ adi sarah nanyam patut ka pirupas sianŭ adi dŭh sarah.

MAZMUR 32:10

Adi ginaka re sangsara, pak ngara adi sabah di TUHAN dog grindung pinyirindu-I adi dŭh bisa birubah.

PITAS 11:23

Kayuh adi daya kana raan, ari pijadi kayuh adi kana; kan daya ginaka dapŭd kayuh adi ngara raan, sopŭrŭg daya baji.

EZEKIEL 18:4

Asŭng barang naan daya Aku dapu, asŭng pimas samŭn asŭng anak daya. Daya adi bidosa inŭh adi re kabŭs.

EZEKIEL 22:31

Jadi Aku re ren baji Ku di ngara, ka mun apui Aku re pirabur ngara amai kayuh adi ngara mbŭh ndai.” TUHAN Raja mbŭh minyu.

AMOS 3:2

“So dupan sopŭrŭg bangsa di ong, angān adŭ adi Aku puan ka sita. Anŭ inŭh adi bada dosa ngan raru sipŭ, ka sabab anŭ inŭh Aku dŭh siŭn dŭh ngukum angān.”

MATTHEW 16:26

Re agi kah utung ngan kambŭi angān dapu ndi ong ong pak kinanyap udip adi sawŭ adi tan adu adu? Manŭn dŭh! Mating kayuh bisa ngan ngga nyambi udip adi sawŭ anŭ.

LUKE 24:47

Ka ngga adŭn-I, agah pasar daya patut marik pimudip-i pari ka Tapa siŭn dapŭd pingapun dosa, dŭh siŭn dŭh dog nyuse di sopŭrŭg bangsa, piguru so Jerusalem.

PINGANDAI 11:18

Kan ngara dingah sakanŭ, ngara pajam. Ka ngara muji Tapa, “Di daya adi dŭh bangsa Jahudi gŭh Tapa mbŭh nggen aran ngga marik pimudip-i pari ka adŭp-I, siŭn dapŭd udip adi sawŭ adi tan adu adu!”

PINGANDAI 13:26

“Bara dingan ku daya Israel, adi bara sesang Abraham, ka sopŭrŭg adi dŭh bangsa Jahudi digiti adi nyambah Tapa: yŭn ata inŭh Tapa mbŭh pait agah pinyiramat anŭ.

PINGANDAI 20:21

Di daya Jahudi, simŭnŭ gŭh di daya adi dŭh bangsa Jahudi, aku agi bakan ngara da marik pimudip ngara pari ka Tapa, ka sabah di Tuhan Jesus.

PINGANDAI 26:20

Sibungas-i di Damascus ka di Jerusalem ka komŭnŭ di ndi tarun tana rais Israel samŭn di dupan daya adi dŭh bangsa Jahudi, aku ngajar siŭn daya dŭh tia bidosa pak marik pimudip ngara pari ka Tapa, ka ndai anŭ adi kiren adŭp-i mbŭh udip nanyam ka pinyiraan Tapa.

PINGANDAI 28:17

Taruh andu ripas anŭ, Paul bagan bara pingibās bangsa Jahudi adi agi diginŭ ngga ngudung. Kan ngara mbŭh tikuruk, ayŭh nang di ngara, “Bara dingan ku daya Israel, sunggu aku mating ndai ani ani ngga rawan bangsa ta puan kah rawan adat adi ata trima so tayung-babuk ta, aku dog nakap di Jerusalem ka dog nyerah ka tangan daya Rome.

PINGANDAI 28:28

Ka ngga kubo pinganang-i, Paul nang: “Angān dŭh siŭn dŭh an puan nang agah pasar pinyiramat adi Tapa mbŭh nggen, madin mbŭh dog piagah di dupan daya adi dŭh bangsa Jahudi. Ngara re kambat-i.” [

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

ROME 1:16

Aku mingangŭn di Agah Kana anŭ; Agah kana anŭ inŭh kuasa Tapa ngga nyiramat sopŭrŭg adi sabah, daya Jahudi diŭ, komŭnŭ daya adi dŭh bangsa Jahudi.

ROME 10:12

Pinganang anŭ yŭn sopŭrŭg daya, adi bangsa Jahudi ngga adi dŭh bangsa Jahudi, sabab sopŭrŭg ngara brimun; Tapa inŭh ndi Tuhan yŭn sopŭrŭg daya ka nyiberkat sopŭrŭg daya adi mite turung so Ayŭh.

ROME 2:10

Pak Tapa re nggen bragah, stabi, ka damai di sopŭrŭg adi ndai kayuh adi kana, diŭ di daya Jahudi, komŭnŭ di daya adi dŭh bangsa Jahudi.

ROME 8:35

Asi garang, tungang nyibarai ata so pinyirindu Kristus? Tungang kah pito nyibarai ata, puan kah pimudip jera, puan kah pinyikisiis, puan kah sikirau, puan kah sirata, puan kah pinyusah, puan kah pinyikabŭs?

ROME 9:24

Amai ata inŭh daya adi-I bagan, dŭh daya Jahudi adŭ, pak daya adi dŭh bangsa Jahudi ani.

GALATIA 3:28

Mbŭh mating katŭn-i daya bangsa Jahudi ngga daya adi dŭh bangsa Jahudi, urun bait adi dŭh urun, dari bait dayung; sopŭrŭg ngan mbŭh ndi amai Kristus Jesus.

COLOSSAE 3:11

Ka darŭm-i mun anŭ, re mating katŭn daya bangsa Greek ngga daya bangsa Jahudi, bisunat ngga adi dŭh bisunat, bangsa tami, bangsa daya adi babŭ amba aran pimudip-i, daya urun bait adi dŭh urun, pak Kristus mbŭh sopŭrŭg-i ka mbŭh agi darŭm sopŭrŭg.

2 THESSALONICA 1:6

Tapa re ndai kayuh adi batur: Ayŭh re pijera ngara adi pijera angān.

1 PETER 4:17

Tipuh-i mbŭh mandŭg yŭn bisara re piguru, ka adŭp daya Tapa inŭh adi re diŭ bisara. Kambŭi-i piguru ngga ata, simuki pinŭbŭn-i re ngga ngara adi dŭh sabah di Agah Kana so Tapa?