ROME 2:6 - Hakcipta - Biatah Bidayuh

⁶ Amai Tapa re maras barang naan ata nanyam pingandai ta.

ROME 2:6 ပူးပေါင်းရင်းမြစ်များ

JOB 34:11

Ayŭh ngupah daya yŭn kayuh adi ngara ndai ka ndai di ngara nanyam patut ngara trima.

MAZMUR 62:12

ka pinyirindu-I dŭh bisa birubah. Adŭp Mai, O TUHAN, ngupah barang naan daya nanyam ka kayuh adi mbŭh-i ndai.

PINYIRUAH 32:34

Panu madin, di nguru bara daya anŭ ka tarun adi muko Aku kidaan di kuu. Ingat malaikat Ku re agi nguru angān, pak tipuh re mandŭg kan Aku re ngukum ngara amai dosa ngara.”

PITAS 24:12

Kuu bisa nang anŭ dŭh har mu, pak Tapa puan ka kiris isi atin mu. Ayŭh nyibatŭh kuu; Ayŭh puan. Ka Ayŭh re maras kuu nanyam kraja pingandai mu.

PITAS 24:2

Ngara kaŭs-i bipikir an nyusah daya; tiap kari ngara kuka baba-i marar agi adŭ daya adi kinaman.

PITAS 26:10

Asi asi adi ngupah daya budo inŭh nyusah sopŭrŭg daya.

EKLISIASTIS 3:17

Aku nang darŭm asŭng ku, “Tapa re nggen bisara di daya adi kana ngga daya adi arap, sabab sopŭrŭg kayuh, sopŭrŭg urah, re jadi di tika adi mbŭh dog natu.”

JEREMIAH 17:10

Aku, adi TUHAN, kāp pikir manusia ka suba atin manusia. Aku nggen di barang naan daya nanyam ka gaya pimudip-i, nanyam ka kayuh adi-i ndai.”

JEREMIAH 32:19

Kaam ndai atur adi bijak ka ndai kayuh kayuh adi bās; Kaam kiris sopŭrŭg pingandai daya, ka Kaam ngupah ngara nanyam ka pingandai ngara.

EZEKIEL 18:20

Sianŭ adi bidosa inŭh adi re kabŭs. Anak dŭhsah dapu tanggong dosa sama-i, ka sama-i dŭhsah dapu tanggong dosa anak-i. Daya adi kana re dog ngupah amai pingandai kana, ka daya adi arap re dapu tanggong pingandai arap-i.

EZEKIEL 18:30

“Madin Aku, adi TUHAN Raja, kidaan di angān daya Israel nang Aku re tingga arap kana barang naan ngan ngga kayuh adi angān mbŭh ndai. Marik pimudip ngan so sopŭrŭg kayuh arap adi angān mbŭh ndai, ka dŭhnyah bada dosa ngan pirabur angān.

EZEKIEL 36:19

Aku ngukum ngara amai aran pimudip ngara, ka Aku bada ngara papar sasah di rais rais tami.

MATTHEW 16:27

Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i.

ROME 14:22

Anŭ adi kuu sabah pasar kayuh anŭ, isa-i kuu ngga Tapa adŭ puan. Sanang inŭh ngara adi dŭh kinyam sarah kan ngara ndai kayuh adi ngara puan nang batur!

1 CORINTH 3:8

Mating bŭkŭn-i daya adi purun ngga daya adi nyijuh; Tapa re ngupah so-duwŭh ngara nanyam kayuh adi ko ngara ndai.

1 CORINTH 4:5

Ngapŭi angān dŭh patut nang daya sarah bait dŭh sarah diŭ so tipuh-i. Itong dŭh siŭn patŭd sibayuh Tuhan mandŭg; Ayŭh re bada tatŭng sopŭrŭg rusia adi dog sukan darŭm karŭm samŭn pinŭtŭn atin manusia adi bisukan. Ka komŭnŭ barang naan daya re trima puji-i so Tapa nanyam patut.

2 CORINTH 11:15

Ngapŭi-i dŭh kayuh saruh kambŭi bara urun-i ndai adŭp ngara da mun bara urun pinŭnggŭn. Pinŭbŭn-i ngara re trima baras-i nanyam kraja pingandai ngara.

2 CORINTH 5:10

Amai sopŭrŭg ta dŭh siŭn dŭh mijog bisara di sirung jawin Kristus. Barang naan re trima baras-i nanyam pingandai-i sitadŭn-i udip darŭm pŭrŭng, bait-i kana, bait-i arap.

2 TIMOTHY 4:14

Alexander adi tukang basi agi ndai pinyusah bās di tunduh aku. Tuhan re maras ayŭh nanyam pingandai-i.

PINANDŬNG 2:23

Aku re siŭ bara pinunda-i gŭh, ka komŭnŭ sopŭrŭg eklisia re puan nang Aku ati inŭh sianŭ adi puan sopŭrŭg pikir-kira ngga pinyiraan manusia. Aku re maras barang naan so bara mu nanyam ka pingandai adŭp ngara.

PINANDŬNG 20:12

Ka aku kiris bara adi mbŭh kabŭs, bās ngga adi sŭ, mijog nura takta. Surat surat dog kuka, ka agi dinge dog kuka gŭh, surat di yŭn dŭn bara daya adi Tapa mbŭh mien dog nuris. Bara adi mbŭh kabŭs dog bisara nanyam ka pingandai ngara, nimun adi mbŭh dog nuris di surat surat anŭ.

PINANDŬNG 22:12

“Dingah!” Jesus nang. “Aku re rikas mandŭg! Aku re taban upah, an Ku nggen di barang naan daya nanyam ka pingandai-i.