ROME 2:5 - Hakcipta - Biatah Bidayuh

⁵ Pak atin ngan karas buang baking, ngapŭi angān mbŭh ndai ukum ngan rabis bat-i di Andu baji Tapa ngga ukum-i adi tŭnggŭn dog pinandŭng.

ROME 2:5 ပူးပေါင်းရင်းမြစ်များ

2 KRONIKEL 30:8

Dŭhnyah karas tangek mun ngara, pak nundok di TUHAN. Mandŭg ka Ramin TUHAN di Jerusalem, adi TUHAN Tapa ngan mbŭh bada adu adu kudus, ka nyambah Ayŭh isa Ayŭh dŭh tia baji di angān.

2 KRONIKEL 36:13

Zedekiah rawan Raja Nebuchadnezzar, adi ko takan ayŭh bada bipayu ngga adŭn Tapa ayŭh re nundok di Raja Nebuchadnezzar. Ayŭh bagŭg abah marik pimudip-i pari ka TUHAN, adi Tapa Israel.

JOB 21:30

Di andu Tapa baji ka ngukum daya, sŭn daya nang daya adi ginaka inŭh adi ari dog murau.

MAZMUR 110:5

TUHAN agi di tura ka tauh mai; kan Ayŭh baji, Ayŭh re ngarah bara raja.

MAZMUR 95:8

“Dŭhnyah baking, mun tayung-babuk ngan di Meribah, mun ngara andu anŭ di tarun tana-pajam di Massah.

PINYIRUAH 14:17

Aku re bada bara daya Egypt anŭ raru baking ndŭg ka ngara re tadak ngara mŭrŭt rawŭt, ka Aku re dapŭd bragah so pimanang Ku ngarah raja, bara soldadu-i, bara krita kuda-i, ka ngara adi pimanu krita krita kuda-i.

PINYIRUAH 32:34

Panu madin, di nguru bara daya anŭ ka tarun adi muko Aku kidaan di kuu. Ingat malaikat Ku re agi nguru angān, pak tipuh re mandŭg kan Aku re ngukum ngara amai dosa ngara.”

PINYIRUAH 8:15

Kan raja kiris dudu tigarag mbŭh abo kabŭs ayŭh pari baking dinge ka, sak adi TUHAN ko nang, ayŭh dŭh an dingah pinganang Moses ngga Aaron.

PITAS 1:18

pak daya adi mun anŭ taŭn mbŭh tŭŭn jarat ngga kudog ka siŭ adŭp-i.

PITAS 11:4

Pinyikaya dŭh biyŭn guna-i di andu kuu nura pinyikabŭs, pak atin jujur dapŭd nyiramat kuu.

PITAS 28:14

Tunda pinganang TUHAN ka kuu re sanang. Kambŭi kuu baking, kuu re binasa.

PITAS 29:1

Kambŭi kuu bitambah baking tiap kari kuu dog nyara, agi andu kuu re binasa ka re dŭh dapŭd makat.

EKLISIASTIS 12:14

Tapa re tingga arap kana sopŭrŭg pingandai ta, ndŭg ka anŭ adi ata ndai darŭm bisukan ani.

ISAIAH 48:4

Aku puan angān taŭn baking, bagŭg mun basi ka riyat mun timaga.

JEREMIAH 40:3

ka madin Ayŭh mbŭh ndai anŭ adi-I nang adŭp-I an ndai. Sopŭrŭg kayuh anŭ jadi sabab daya mu bidosa rawan TUHAN ka dŭh tunda pinganang-I.

EZEKIEL 11:19

Aku re nggen di ngara atin adi bauh ka pikir adi bauh. Aku re gati atin ngara adi baking mun batuh ngga atin adi nundok.

EZEKIEL 3:7

Pak ndi naan daya Israel mating re an dingah; ngara dŭh gŭh an dingah Aku. Sopŭrŭg ngara inŭh baking ka an birawan.

DANIEL 5:20

Pak sabab ayŭh jadi sambuh, baking, ka gaok, ayŭh dog kadi so takta-i, ka dog kadi so bragah-i.

HOSEA 13:12

“Dosa Israel ngga sarah-i agi dog nuris, ka rekod anŭ mbŭh nakit dog nyikŭn.

AMOS 3:10

TUHAN nang, “Ngara anŭ ngisi ramin bās-i ngga kayuh kayuh adi tambit-i pakai aran adi sarah ka ganas. Ngara taŭn dŭh adŭ puan munki re bada adŭp-i jujur.

ROME 1:18

Baji Tapa dog pinandŭng so shorga rawan sopŭrŭg dosa ngga arap manusia, pingandai ginaka adi matŭn manusia puan ajar adi sawŭ pasar Tapa.

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 9:22

Ka sawŭ mun anŭ gŭh Tapa ngga kayuh adi-I ko ndai. Ayŭh raan kiren baji-I ka raan kuasa-I dog puan. Pak Ayŭh ruai nang sabar ngga ngara adi yŭn-I baji, ngara adi taŭn mbŭh re dog pirabur.

2 CORINTH 5:10

Amai sopŭrŭg ta dŭh siŭn dŭh mijog bisara di sirung jawin Kristus. Barang naan re trima baras-i nanyam pingandai-i sitadŭn-i udip darŭm pŭrŭng, bait-i kana, bait-i arap.

DITRONOMI 2:30

“Pak Raja Sihon abah bada ata mutas rais-i. TUHAN adi Tapa ngan mbŭh bada ayŭh baking buang abah dingah pinganang, isa ata tungang ngarah ayŭh ka tambit tarun tana-i, adi ata taŭn babŭ ngisi.

DITRONOMI 32:34

“TUHAN ingat kayuh adi pinganyu ngara mbŭh ndai; Ayŭh kajŭn tipuh adi batur ngga-I ngukum ngara.

2 THESSALONICA 1:5

Sopŭrŭg anŭ kiren ukum Tapa agi tŭnggŭn, buang-i sabab anŭ meh angān re tibirang kinyam Ong Bauh Tapa, amai yŭn anŭ inŭh angān sangsara.

HEBREW 3:13

Pak, siŭn mating so angān jadi tibudō da dosa ka jadi baking, angān dŭh siŭn dŭh an turung dingan ngan barang andu siragi ata udip di jaman adi dog kadŭn di Surat-kudus “Andu Ati.”

HEBREW 3:15

Ati inŭh kayuh adi Surat-kudus nang: “Kambŭi angān dingah sirŭŭn Tapa andu ati, dŭhnyah bada adŭp ngan baking mun tayung-babuk ngan, di andu ngara rawan Tapa.”

HEBREW 4:7

Ati mbŭh taŭn tatŭng sawŭ amai Tapa mbŭh sidia andu adi bŭkŭn, adi dog kadŭn “Andu Ati.” Kudu kudu sawa ripas anŭ Ayŭh minyu pasar-i so baba David di Surat-kudus nimun adi ko dog nang tejah: “Kambŭi angān dingah sirŭŭn Tapa andu ati, dŭhnyah bada adŭp ngan baking.”

JAMES 5:3

Mas pirak ngan mbŭh bitagar, ka tagar anŭ re jadi saksi rawan angān ka re man isin ngan mun apui. Angān mbŭh nguruk pinyikaya di sikasŭn tipuh ati.

JOSHUA 11:20

TUHAN mbŭh bada ngara bigŭtŭ an biperang ngga daya Israel, isa ngara rarap ka dog siŭ dŭh ngga masi. Anŭ inŭh kayuh adi TUHAN mbŭh pesan di Moses.

2 PETER 2:9

Ngapŭi Tuhan puan munki Ayŭh re nyiramat daya adi nurut pinyiraan Tapa so pisuba ngara ka munki re nguruk bara adi ginaka di ribo ukum yŭn Andu Bisara,

2 PETER 3:7

Pak rangit ngga ong adi agi madin babŭ dog digŭng pinganang Tapa anŭ gŭh, siŭn-i dog pirabur ngga apui. Rangit ngga ong babŭ yŭn andu adi ngga daya adi dŭh stabi di Tapa dog ukum ka dog pirabur.

JUDE 1:6

Ingat bara malaikat adi dŭh bijijŭ darŭm kuasa ngara, ndŭg ka tagan yŭn pinyirŭŭ ngara: ngara dog muak darŭm karŭm di rasan ong ngga parik basi ruro, di yŭn Tapa kurung ngara yŭn dog nunggu di Andu Bisara.

PINANDŬNG 2:21

Aku mbŭh nggen di ayŭh tipuh yŭn-i ngubah adŭp-i ka dŭh tia bidosa, pak ayŭh abah pasan kraja pingandai kais-i anŭ.

PINANDŬNG 6:17

Andu adi raru sipŭ mbŭh mandŭg. Tapa ngga Anak Biri re kiren baji-I, ka asi meh re tungang nura-i?”

1 SAMUEL 6:6

Mani angān sah paŭh baking mun raja Egypt ngga bara daya-i? Dŭhnyah kambŭt munki Tapa nyibudo ngara ndŭg ka ngara mbŭh nyibandar daya Israel bu so Egypt.