ROME 2:14 - Hakcipta - Biatah Bidayuh

¹⁴ Daya adi dŭh bangsa Jahudi dŭh-i biyŭn Ukum-adat; pak tiap kari ngara ndai darŭm dŭh rada kayuh adi Ukum-adat pesan, anŭ mbŭh ukum-adat ngara, saja-i ngara dŭh biyŭn Ukum-adat.

ROME 2:14 ပူးပေါင်းရင်းမြစ်များ

PINGANDAI 10:35

Daya adi taru di Ayŭh ka ndai kayuh adi batur taŭn dog trima-I, dŭh kira ani bangsa-i.

PINGANDAI 14:16

Jah Ayŭh tandah sopŭrŭg daya manusia kadŭg aran adŭp-i.

PINGANDAI 17:30

Tapa mbŭh kambŭt tipuh tipuh adi mbŭh ripas adi ngga daya dŭh puan Ayŭh; pak madin Ayŭh mbŭh pesan di sopŭrŭg daya di barang yŭn da marik pimudip ngara pari ka Ayŭh.

ROME 1:32

Ngara puan ukum-adat Tapa nang daya adi udip mun anŭ patut dog ukum kabŭs. Gŭt-i ngara, dŭh-i babŭ ndai kayuh adi mun anŭ adŭ, pak mbŭh ngatat daya bŭkŭn ndai simŭnŭ.

ROME 2:12

Daya adi dŭh bangsa Jahudi dŭh-i biyŭn Ukum-adat Moses; ngara bidosa ka mbŭh manyap amai dŭh biyŭn Ukum-adat. Daya Jahudi biyŭn Ukum-adat; ngara bidosa ka dog nyarah Ukum-adat.

ROME 2:15

Pimudip ngara mbŭh kiren nang kayuh adi Ukum-adat pesan agi dog nuris darŭm atin ngara. Pikir-kira atin ngara kiren kayuh anŭ sawŭ, amai pikir-kira ngara agi andu-i nyarah ka agi andu-i nyibandar ngara.

ROME 2:27

Jadi angān daya Jahudi meh re dog nunggu daya adi dŭh bangsa Jahudi sabab angān miranggar Ukum-adat, saja-i angān biyŭn-i dog nuris ka mbŭh bisunat; pak ngara sita Ukum-adat saja-i ngara taŭn dŭh bisunat.

1 CORINTH 11:14

Amai mani, tibiat ong mbŭh ngajar angān nang dari ngga ubok ambu taŭn dŭh patut,

1 CORINTH 9:21

Simŭnŭ gŭh darŭm aku nyiraja di ruang daya adi dŭh bangsa Jahudi, aku bada adŭp ku mun daya adi dŭh bangsa Jahudi, di sapa Ukum-adat Jahudi, siŭn aku dapŭd nyiruton ngara da jadi pinunda Kristus. Ati, dŭh sirati-i aku dŭh sita ukum-adat Tapa; sibatur-i aku ati di ribo ukum-adat Kristus.

EPHESUS 2:12

Di tika anŭ angān jo so Tapa. Angān daya tami, dŭh so tibaran daya adi ko dog mien Tapa. Angān dŭh biyŭn utung di simanya anŭ, adi taŭn bisangan di janji Tapa ngga daya-I, ka darŭm angān rŭŭ di ong ati angān dŭh biyŭn pingarap buang dŭh biyŭn Tapa.

EPHESUS 2:3

Sibandar-i sopŭrŭg ata mbŭh mun ngara, udip nunda ka tibiat ta manusia, ndai barang masam kayuh nanyam ka pinyiraan pŭrŭng ngga pikir-kira ta. Nunda tibiat ong ta ati, mun barang naan daya bŭkŭn gŭh, ata mbŭh taŭn re kinyam baji Tapa.

DITRONOMI 4:7

“Mating bangsa bŭkŭn adi raru bās bait kani, biyŭn tapa adi raru sindŭk di tipuh ngara biguna dieh mun TUHAN adi Tapa ta ngga ata. Ayŭh nam ata kan ata mite turung.

PHILIPPI 4:8

Sikasŭn-i, bara dingan ku, ngisi pikir ngan ngga kayuh adi kana ka ngga kayuh adi patut dog muji: kayuh adi sawŭ, kayuh adi kana, kayuh adi batur, kayuh adi bisig, kayuh adi ramus, ka kayuh adi bisa dog stabi.