ROME 2:10 - Hakcipta - Biatah Bidayuh

¹⁰ Pak Tapa re nggen bragah, stabi, ka damai di sopŭrŭg adi ndai kayuh adi kana, diŭ di daya Jahudi, komŭnŭ di daya adi dŭh bangsa Jahudi.

ROME 2:10 ပူးပေါင်းရင်းမြစ်များ

JOB 22:21

Madin, Job, bidamai meh ngga Tapa ka dŭh tia bada Ayŭh jadi keya ka pinganyu mu; kambŭi kuu dŭh tia, Ayŭh re nyiberkat kuu.

MAZMUR 15:2

Ngara adi tunda pinganang Tapa darŭm sopŭrŭg kayuh ka ari ndai kayuh adi batur; pinganang ngara agi batur ngga sawŭ,

MAZMUR 29:11

TUHAN nggen pinyibake di daya-I ka nyiberkat ngara ngga pimudip sanang.

MAZMUR 37:37

Nyibatŭh daya adi kana, ka ngatin daya tŭnggŭn; daya pinyidamai biyŭn sesang,

PITAS 11:18

Daya ginaka sibatur-i dŭh dapŭd ani ani, pak kambŭi kuu ndai kayuh adi batur, kuu tatu re dog ngupah.

PITAS 8:18

Aku dapŭd nggen pinyikaya ngga stabi, udip kaya ngga udip mujur.

ISAIAH 26:12

Kaam re bada kieh mujur, TUHAN; sopŭrŭg kayuh adi kieh dapŭd jadi so pingandai Mai.

ISAIAH 32:17

Sabab barang naan daya re ndai kayuh adi batur, re agi udip darŭm damai ka ngga siramat ndŭg situi tui.

ISAIAH 48:18

“Nyamtadar kambŭi angān dingah pesan Ku, tatu angān adu adu trima berkat keya ka sungi adi bŭn badŭh! Pimanang ari tudu angān keya ka girumbang adi maad ka tabing.

ISAIAH 48:22

“Daya bidosa dŭh re siramat,” nang TUHAN.

ISAIAH 55:12

“Angān re bu tingge Babylon ngga gaŭn; angān re dog nguru ruah so kupo ngga damai. Darŭd ngga sandah re biragu ngga gaŭn, ka tŭngŭn tŭngŭn kayuh re nyirais ngga gaŭn.

ISAIAH 57:19

Aku nggen damai di sopŭrŭg daya, adi sindŭk ngga adi jo! Aku re pibua daya Ku.

JEREMIAH 33:6

Pak Aku re pari pijog kupo ati samŭn bara daya-i ka bada ngara bua sanang. Aku re bada ngara udip sukup pagŭng buang siramat.

PINYIKIANG 6:26

Isa-i TUHAN kana ngga angān ka nggen di angān damai.

MATTHEW 10:13

Kambŭi daya di ramin anŭ kambat angān, isa-i tabi damai ngan rŭŭ ngga ngara; pak kambŭi ngara dŭh kambat angān, angān bisa pari tabi ngan.

LUKE 1:79

Ayŭh nggen jawa-I di sopŭrŭg daya adi udip darŭm karŭm buang di ribo singangi pinyikabŭs, ka jaga kaja ta panu mŭrŭt aran damai.”

LUKE 12:37

Ruai nang utung-i bara daya-gaji anŭ kan tuan ngara dapŭd ngara bijaga buang sidia di jam ayŭh maad! Aku kidaan di angān, ayŭh re kadi jipo tabar-i, bada ngara guru, ka rasu ngidang ngara.

LUKE 19:42

buang nang, “Kasi kah kambŭi kuu puan kayuh adi taban damai! Pak madin kuu dŭh tungang kiris-i!

LUKE 22:14

Kan tika-i mbŭh mandŭg yŭn man gawai Paska, Jesus guru, samah ngga bara pinyuruh-I.

LUKE 9:48

ka nang di ngara, “Asi asi adi kambat anak ati ngga adŭn Ku, kambat Aku; ka asi asi adi kambat Aku, kambat Ayŭh adi bada Aku mandŭg. Amai sianŭ adi siabo sŭ dupan sopŭrŭg ngan inŭh adi siabo bās.”

JOHN 12:26

Asi asi adi an bituan di Aku dŭh siŭn dŭh an tunda Aku, isa daya-gaji Ku siraru agi ngga Aku di tadŭ yŭn Ku. Ka Sama Ku re kibās barang naan daya adi bituan di Aku.

JOHN 14:27

“Damai inŭh adi Aku tingge di angān; damai adŭp Ku Aku nggen di angān. Dŭh mun damai adi ong nggen di angān. Dŭhnyah atin ngan susah ka taru.

JOHN 16:33

Aku nang sopŭrŭg ati isa angān biyŭn damai darŭm Aku. Ong re bada angān jera. Pak pagan meh! Aku mbŭh ngarah ong!”

PINGANDAI 10:35

Daya adi taru di Ayŭh ka ndai kayuh adi batur taŭn dog trima-I, dŭh kira ani bangsa-i.

ROME 14:17

Amai Pinyipritah Tapa dŭh inŭh pasar kayuh adi ata man puan kah kayuh adi ata nok, pak pasar pinŭnggŭn, damai, ka pinyigaŭn so Roh Kudus.

ROME 15:13

Isa-i Tapa, adi nggen pingarap di angān, ngisi atin ngan ngga pinyigaŭn ka damai sabab angān sabah di Ayŭh, isa ngga kuasa Roh Kudus pingarap ngan rabis jadi.

ROME 2:7

Agi kada daya piguruh adŭp-i ndai kana, ka jiroh bragah, stabi, ka pimudip adi dŭh puan pinyikabŭs; di ngara Tapa re nggen udip adi sawŭ adi tan adu adu.

ROME 2:9

Re agi sangsara ngga jera-birasa yŭn sopŭrŭg ngara adi ndai kayuh adi arap; diŭ yŭn daya Jahudi ka komŭnŭ yŭn daya adi dŭh bangsa Jahudi.

ROME 5:1

Amai madin ata mbŭh bamai ngga Tapa so ka pinyabah, ata biyŭn damai ngga Tapa so ka Tuhan ta Jesus Kristus.

ROME 8:6

Dog nguasa tibiat manusia, pinŭbŭn-i inŭh pinyikabŭs; dog nguasa Roh Kudus, pinŭbŭn-i inŭh udip ngga damai.

ROME 9:21

Amai sawŭ, daya adi ndai priok biyŭn hak pakai tana-riyat nimun sŭn adŭp-i nang, ka ndai duwŭh priok so ndi takang tana-riyat anŭ, ndi yŭn guna di tipuh gawai ka anŭ ndi yŭn guna di tipuh biasa.

ROME 9:23

Ka Ayŭh raan gŭh kiren kaya bragah-I, adi dog ren di tunduh ta adi mbŭh tibaran yŭn-I masi, sinadan ata adi-I mbŭh sidia da kambat bragah-I.

GALATIA 5:22

Pak-i daya adi dog nyiruton Roh Kudus agi mun ati: ngara biyŭn pinyirindu, pinyigaŭn, damai, atin sabar, atin mandis, pinyikana, atin tŭtŭd,

GALATIA 5:6

Amai kan ata mbŭh ndi ngga Kristus Jesus, bisunat bait dŭh ata anŭ mbŭh dŭh biguna tia; adi biguna inŭh pinyabah adi taban pinyirindu.

PHILIPPI 4:7

Ka damai Tapa, adi rabis so tungang manusia mirati, re jaga atin ngga pikir ngan da pagŭng darŭm angān udip ndi ngga Kristus Jesus.

1 TIMOTHY 1:17

Di Raja adi udip adu adu ka adi dŭh bisa kabŭs buang adi dŭh tatŭng, Ayŭh adi ndi adŭ; di Ayŭh inŭh stabi ngga bragah ndŭg situi tui! Amen.

HEBREW 2:7

Kaam mbŭh bada ngara nyitiro rapat so bara malaikat; Kaam mbŭh nggen di ngara makota bragah ngga stabi,

JAMES 2:22

Dŭh kah angān kiris? Pinyabah-i ngga pingandai-i agi brinyam; pinyabah-i jadi sukup kana da pingandai-i.

JAMES 3:13

Agi kah di dupan ngan daya adi bijak buang mirati? Ayŭh an kiren-i ngga aran pimudip-i adi kana, ka ngga kraja pingandai-i adi kana adi dog ndai ngga atin tŭkŭn ka ngga pinyibijak.

1 PETER 1:7

Tujuan-i inŭh ngga tingga batur kah dŭh pinyabah ngan anŭ. Mas bina, adi bisa dog pirusak babŭ gŭh dog suba ngga apui; ngapŭi pinyabah ngan, adi brega dŭ so mas, dŭh siŭn dŭh gŭh dog suba, isa-i jadi tan. Komŭnŭ angān re trima puji ngga bragah ka stabi di Andu anŭ kan Jesus Kristus dog pinandŭng.

1 PETER 5:4

Jadi kan Pingubak Pingingat-biri nandŭng, angān re kambat makota bragah adi dŭh re asab jawa-i.

1 SAMUEL 2:30

Aku, adi TUHAN Tapa Israel, muko bijanji jah nang rawang mu ngga manak mu re adu adu jadi imam yŭn Ku. Pak madin Aku nang Aku dŭh tia raan-i simŭnŭ! Aku re stabi di sinadan daya adi stabi di Aku, ka ngara adi ngamun Aku re dog ngamun.