ROME 12:9 - Hakcipta - Biatah Bidayuh

⁹ Pinyirindu dŭh siŭn dŭh an so atin tŭnggŭn. Tiru di kayuh adi arap, ka bidigŭng tagap di kayuh adi kana.

ROME 12:9 ပူးပေါင်းရင်းမြစ်များ

MAZMUR 101:3

ka dŭh re nurut arap. Aku tiru urah ngara adi bu so Tapa; Aku dŭh re bigaur ngga ngara.

MAZMUR 119:104

Aku dapŭd pinyibijak so ukum-adat Mai, ngapŭi aku dŭh suka urah-rakah adi arap.

MAZMUR 119:163

Aku tiru di pinganang kadong, pak aku rindu di ukum-adat Mai.

MAZMUR 34:14

Pijo adŭp ngan so arap ka ndai kayuh kana; jiroh damai ngga sipuno atin ngan.

MAZMUR 36:4

Ngara bisatur kayuh adi arap di tika ngara guring di ambok; mating pingandai ngara kana, ka ngara bŭn taran tadŭ kayuh adi arap.

MAZMUR 45:7

kaam rindu kayuh adi batur ka tiru kayuh adi arap. Sabab anŭ Tapa, Tapa mai, mbŭh mien kaam ka mbŭh bada kaam sanang dŭ so tadŭ tadŭ raja adi bŭkŭn.

MAZMUR 55:21

Pinganang-i ruai nang nyibanyis, pak atin-i puno ngga tiru; pinganang-i nyarap keya ka inyo, pak-i kapŭg mun pedang adi reja.

MAZMUR 97:10

TUHAN rindu ngara adi tiru di arap; Ayŭh grindung pimudip daya-I; Ayŭh pirupas ngara so kuasa daya ginaka.

PITAS 26:25

Sak adi yŭh, pak dŭhnyah sabah ayŭh, sabab atin-i puno ngga pinyitiru.

PITAS 8:13

Stabi di TUHAN inŭh tiru di kayuh arap; Aku tiru di udip sambuh ka udip gambung, udip adi arap ka pinganang tipu.

EZEKIEL 33:31

Jadi daya Ku tikuruk an dingah kayuh adi kuu nang, pak ngara dŭh ndai kayuh adi kuu bada ngara ndai. Pinganang adi kana ruah so baba ngara, pak ngara babŭ udip tama.

AMOS 5:15

Tiru di kayuh adi arap, rindu di kayuh adi batur, ka bada pinyitŭnggŭn mujur di tarun yŭn bisara. Kadŭ TUHAN re masi di daya Israel adi gibabŭ udip.

MATTHEW 26:49

Judas rikas tudu Jesus ka nang, “Tabi Gurū,” ka sium Ayŭh.

JOHN 12:6

Ayŭh nang sakanŭ, dŭh sabab-i sawŭ masi di daya sirata, pak sabab-i daya pinaku. Ayŭh daya adi tukang digŭng kandi duit ka mbŭh agi tambit so dieh.

PINGANDAI 11:23

Kan ayŭh mbŭh ndŭg ka kiris munki masam Tapa mbŭh nyiberkat ngara, ayŭh mbŭh raru gaŭn ka ngatat sopŭrŭg ngara da tŭtŭd di Tuhan ngga siabo atin ngara.

2 CORINTH 6:6

Ngga pimudip bisig ami, ngga pinyipuan, ngga atin sabar, ka ngga atin mandis kieh mbŭh kiren adŭp ami urun Tapa. Roh Kudus agi ngga kieh, ka pinyirindu ami taŭn sawŭ.

2 CORINTH 8:8

Aku nang sakanŭ dŭh-i ngga ku mritah angān. Pak darŭm kiren munki masam daya bŭkŭn graŭh an turung, aku suba an puan sawŭ kah dŭh pinyirindu ngan.

1 THESSALONICA 2:3

Pimite ami di angān dŭh-i bisangan di kayuh adi sarah puan kah pinŭtŭn adi aset, dŭh gŭh ngga suba an nipu asi asi.

1 THESSALONICA 5:15

Dŭhnyah angān maras arap ngga arap, pak isa-i barang naan angān gruwŭn ndai kana di dingan ngan ka di sopŭrŭg daya.

1 THESSALONICA 5:21

Suba sopŭrŭg kayuh: bidigŭng di kayuh adi kana

1 TIMOTHY 1:5

Pinŭtŭn pritah ati inŭh ngga kies pinyirindu adi mandŭg so atin bisig, pikir-kira atin adi bisig, ka pinyabah adi sawŭ batur.

HEBREW 1:9

Kuu rindu kayuh adi batur ka tiru di kayuh adi sarah. Ngapŭi Tapa, adi Tapa Mu, mbŭh mien Kuu ka mbŭh nggen di Kuu pinyigaŭn stabi adi rabis bās so adi-I mbŭh nggen di bara dingan Mu.”

HEBREW 12:14

Gruwŭn adŭp ngan udip darŭm damai ngga sopŭrŭg daya, ka gruwŭn pimudip adi kudus; amai kambŭi dŭh simŭnŭ nŭŭh dŭh re tungang kiris Tuhan.

JAMES 3:17

Pak pinyibijak adi so sambu, inŭh bisig, pinyidamai, duduh, ka pinyijerā; ayŭh puno ngga pinyirasi ka pijadi pingandai kana; dŭh-i napŭ daya, dŭh-i nyibudo daya.

1 PETER 1:22

Amai madin so ka adŭp ngan adi dingah ka nurut ajar adi sawŭ pasar Tapa, angān mbŭh pibisig adŭp ngan ka mbŭh biyŭn pinyirindu ngga atin tŭnggŭn yŭn bara adi bŭkŭn adi samah sabah di Jesus; rindu dingan ngan ngga siabo atin ngan.

1 PETER 4:8

Rabis-i, rindu dingan ngan ngga siabo atin ngan, sabab pinyirindu ngarah bagŭ dosa.