ROME 12:3 - Hakcipta - Biatah Bidayuh

³ Ka sabab pinganggen-I adi sukup mandis di aku, aku nang di barang naan angān: Dŭhnyah nyikatuh adŭp ngan. Bada adŭp ngan sadang sadang di aran pikir-kira ngan, ka pirasa adŭp ngan nanyam ka pinyabah adi Tapa mbŭh nggen di angān.

ROME 12:3 ပူးပေါင်းရင်းမြစ်များ

PITAS 25:27

Paŭh bagŭ ju banyis dŭh inŭh kana di kuu, ka simŭnŭ gŭh suba jiroh raru bagŭ puji dŭh gŭh kana.

PITAS 26:12

Daya adi siabo budo inŭh kana dŭ so daya adi pikir adŭp-i bijak pak sibatur-i dŭh.

EKLISIASTIS 7:16

Ngapŭi dŭhnyah paŭh kana bait paŭh bijak; mani siŭ adŭp nŭh?

MICAH 6:8

Dŭh, TUHAN mbŭh kidaan di ata kayuh adi kana. Kayuh adi-I mite ata ndai inŭh ati: ndai kayuh adi batur, kiren pinyirindu adi dŭh bisa birubah, ka pirapat adŭp buang udip ndi ngga Tapa.

LUKE 18:11

Daya Pharisee anŭ mijog sadi-i ka bidua, ‘Aku nggen trima kaseh di Kaam, Tapa, sabab aku dŭh tama, dŭh pinipu, puan kah pinanggah, mun daya bŭkŭn. Aku nggen trima kaseh di Kaam amai aku dŭh mun daya pinsuke ajeh.

JOHN 3:34

Ayŭh adi Tapa pait minyu pinganang so Tapa, sabab Tapa mbŭh nggen Roh-I di Ayŭh ngga sipuno-i.

ROME 1:5

So Ayŭh Tapa mbŭh nggen di aku utung da jadi pinyuruh yŭn adŭn Kristus, siŭn bisa taban daya so barang bangsa da sabah ka tunda pinganang-I.

ROME 11:20

Anŭ sawŭ. Daan daan anŭ dog kadi sabab ngara dŭh sabah, ka angān babŭ yŭn yŭn ngan sabab angān sabah. Pak dŭhnyah angān mingangŭn; taru kidŭ-i angān patut.

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 12:16

Udip darŭm ndi itong dupan adŭp ngan. Dŭhnyah sambuh, pak pirapat adŭp ngan ndai kraja adi biasa. Dŭhnyah pikir adŭp ngan bijak.

1 CORINTH 15:10

Pak so ka pinyirasi-mandis Tapa aku mbŭh jadi adŭp ku adi madin, ka pinyirasi-mandis adi-I mbŭh nggen di aku dŭh-i jadi au-tarun. Pak gŭt-i aku adi rabis dŭ bandar nyiraja so bara pinyuruh adi bŭkŭn, sunggu-i dŭh inŭh pingandai adŭp ku, pak pinyirasi-mandis Tapa adi nyiraja ngga aku.

1 CORINTH 3:10

Pakai pinganggen adi Tapa mbŭh nggen di aku, aku jadi tukang ramin adi raru pandai ka mbŭh na pinagap-rasan, ka daya bŭkŭn inŭh adi pijog ramin di tunduh-i. Pak barang naan angān an nakit, munki angān pijog ramin.

1 CORINTH 7:17

Barang naan angān patut udip nanyam ka pinganggen Tuhan di angān, ka nimun adi mbŭh di andu Tapa bagan angān. Ati inŭh atur adi aku ngajar di sopŭrŭg eklisia.

2 CORINTH 10:13

Mun kieh, kambŭi kieh mingangŭn kieh dŭh bada-i rabis so patut. Kieh dŭh re bada-i rabis so patut darŭm kraja adi Tapa mbŭh nggen di kieh, simŭnŭ gŭh darŭm kraja ami di ruang ngan.

2 CORINTH 12:13

Di ani meh angān kurang dog kingat so bara eklisia adi bŭkŭn, adŭ-i aku bŭn nyusah angān da batu adŭp ku ngga duit? Apun aku kambŭi aku agi ndai sarah di angān!

2 CORINTH 12:7

Pak isa aku dŭh jadi raru sambuh ngga bagŭ pinandŭng mbŭh ku kiris, aku mbŭh dog ndi masam andam pŭrŭng adi raru mandam, adi keya ka pinyisung Shetan adi pijera aku da aku dŭh jadi sambuh.

GALATIA 6:3

Kambŭi angān pikir adŭp ngan kana, darŭm sibandar-i angān dŭh, angān kadong adŭp ngan.

EPHESUS 3:2

Angān tatu muko dingah Tapa, darŭm pinyirasi mandis-I, mbŭh nggen di aku kraja ati yŭn kana adŭp ngan.

EPHESUS 3:4

ka kambŭi angān basa kayuh adi ko ku nuris, angān dapŭd birajar pasar kayuh adi aku mirati pasar rusia Kristus.)

EPHESUS 4:16

Di ribo kuasa-I sopŭrŭg utung pŭrŭng adi dŭh brimun jadi birasŭk, ka ndi pŭrŭng pŭrŭng ganan mbŭh dog tubu ngga tiap tiap bukuh adi ko dog sidia. Jadi kan ndi sakap pŭrŭng nyiraja nanyam patut, ndi pŭrŭng pŭrŭng ganan anŭ dŭ dŭ masang buang kambang sabab pinyirindu.

PHILIPPI 2:13

sabab Tapa agi nyiraja di ruang ngan bada angān raan ka tungang tunda pinyiraan-I.

COLOSSAE 1:29

Ngga bada sopŭrŭg-i jadi aku mbŭh bandar bandar nyiraja pakai kuasa adi dog nggen Kristus, ka kuasa anŭ tatŭng darŭm kraja pingandai ku.

COLOSSAE 2:13

Angān ko dawŭ-i kabŭs darŭm roh sitagar dosa ngan ka sabab angān adi dŭh bangsa Jahudi dŭh biyŭn Ukum-adat. Pak Tapa mbŭh kudip angān samah ngga Kristus. Tapa mbŭh apun sopŭrŭg dosa ta;

1 TIMOTHY 1:14

Ka Tuhan ta ren pinyirasi mandis-I di tunduh ku ka nggen di aku pinyabah samŭn pinyirindu adi mbŭh tung jata darŭm ata udip ndi ngga Kristus Jesus.

1 TIMOTHY 2:15

Pak dayung re dog nyiramat darŭm-i mira, kambŭi ayŭh bijijŭ darŭm pinyabah, pinyirindu ka darŭm pimudip kudus, ngga atin tŭkŭn.

1 TIMOTHY 2:9

Aku raan gŭh bara dayung nakit ngga adŭp ngara buang dŭh sungak di piraka ngara; dŭh sungak di udat ubok, dŭh sungak di pimakai mas puan kah mutiara, puan kah sungak di piraka adi grua,

TITUS 2:12

Pinyirasi mandis-I anŭ ngajar ata da pasan pimudip adi dŭh nanyam ka pinyiraan Tapa, ka da ata dŭh nurut pinyiripong ong. Di ong ati ata patut pandai jaga adŭp ta so pinyiripong adi sarah, an jujur, ka udip nanyam ka pinyiraan Tapa,

TITUS 2:2

Ngajar bara dari adi tuuh da tuuh tuuh darŭm aran pimudip ngara, mirati, ka pandai jaga adŭp ngara so pinyiripong adi sarah. Ngara an adu adu sabah di Kristus, rindu dingan, ka an biyŭn pinyitŭtŭd atin.

TITUS 2:4

siŭn ngara bisa nyiruton bara dayung adi mara da rindu banŭh ngga anak ngara,

TITUS 2:6

Simŭnŭ gŭh ngasu bara dari adi mara da pandai jaga adŭp ngara so pinyiripong adi sarah.

JAMES 4:6

Pak pinyirasi-mandis adi Tapa nggen agi rabis bās. Sak adi nang Surat-kudus, “Tapa dŭh raan daya adi sambuh, pak nggen pinyirasi-mandis di ngara adi pirapat adŭp-i.”

1 PETER 1:13

Sabab anŭ meh, angān patut sidia. Bijaga buang na puno pingarap ngan di berkat anŭ adi re dog nggen di angān di andu Jesus Kristus dog pinandŭng.

1 PETER 4:11

Ngara adi jadi pinyuse dŭh siŭn dŭh an nyuse agah so Tapa; ngara adi turung dŭh siŭn dŭh an turung ngga pinyibake adi Tapa ko nggen di ngara, isa darŭm sopŭrŭg kayuh puji bisa dog jugan ka Tapa so Jesus Kristus, adi dapu bragah ngga kuasa ndŭg situi tui. Amen.

1 PETER 4:7

Pinŭbŭn sopŭrŭg kayuh mbŭh sindŭk. Angān dŭh siŭn dŭh an jaga adŭp ngan so pinyiripong adi sarah buang ari bijaga, siŭn angān tungang simayang.

1 PETER 5:5

Simŭnŭ gŭh angān daya adi babŭ mara, dŭh siŭn dŭh an nundok di daya adi tuuh. Ka sopŭrŭg ngan dŭh siŭn dŭh an taban atin tŭkŭn yŭn turung dingan ngan; amai Surat-kudus nang, “Tapa abah di daya adi sambuh, pak turung daya adi pirapat adŭp-i.”

1 PETER 5:8

An ari sidia, ka bijaga! Pinganyu ngan, Siarap, bijaruh mun singah ngŭr, jiroh daya an-i man.

3 JOHN 1:9

Aku agi nuris surat adi purok nuju eklisia; pak Diotrephes, adi gruwŭn adŭp-i jadi pinguru ngara, dŭh an piduri kayuh adi nang ku.