ROME 12:1 - Hakcipta - Biatah Bidayuh

¹ Bara dingan ku, sabab masi bās Tapa aku mite angān jugan adŭp ngan ka Tapa nimun sadis adi udip, bisig buang munos-I kiris. Anŭ inŭh aran adi batur ngga ta bituan di Ayŭh.

ROME 12:1 ပူးပေါင်းရင်းမြစ်များ

MAZMUR 116:12

Ani bisa aku jugan ka TUHAN amai sopŭrŭg pinyikana-I di aku?

MAZMUR 19:14

Isa-i pinganang ku, ka pikir-kira ku dog trima Mai. O TUHAN, pinyigrindung ku ngga pinubos ku!

ISAIAH 56:7

“Aku re taban angān ka Zion, sandah kudus Ku, nggen di angān pinyigaŭn darŭm ramin simayang Ku, ka trima sadis adi angān jugan di tunduh mija-sambah Ku. Ramin Ku re dog kadŭn ramin simayang yŭn sopŭrŭg bangsa.”

JEREMIAH 6:20

Re Ku ngga mani kimanyan adi ngara taban so Sheba, bait rapah rapah so tarun tana adi jo? Aku dŭh re trima pinganggen ngara bait re munos asŭng di sadis ngara.

HOSEA 14:2

Pari ka TUHAN, ka bada dua ati jadi sadis ngan ka Ayŭh: “Apun sopŭrŭg dosa ami, ka kambat dua ami, ka kieh re muji Kaam nimun adi ko ami janji.

LUKE 7:47

Aku nang di kuu, pinyirindu bās adi-i kiren mbŭh kiren dosa-i adi bagŭ mbŭh dog apun. Pak asi asi adi dog apun nisŭ taŭn-i kiren nisŭ pinyirindu.”

ROME 12:2

Dŭhnyah bada adŭp ngan mun daya di ong ati, pak bada Tapa ngubah aran pikir ngan. Mun anŭ angān re tungang puan pinyiraan Tapa, anŭ inŭh kayuh adi kana, adi sukup batur ka adi pimunos asŭng-I.

ROME 15:16

an bada aku jadi urun Kristus Jesus yŭn daya adi dŭh bangsa Jahudi. Aku kraja keya ka imam nyuse Agah Kana so Tapa, siŭn Roh Kudus bisa bada daya adi dŭh bangsa Jahudi jadi keya ka pinganggen adi tungang dog trima Tapa.

ROME 15:30

Aku ngasu angān, adi bara dingan ku, sabab Tuhan ta Jesus Kristus ka sabab pinyirindu adi Roh Kudus nggen: sua ngga aku bidua ka Tapa yŭn ku.

ROME 2:4

Puan kah nyamtadar-i, angān ngamun atin mandis-I adi raru bās, atin duduh-I, ka atin sabar-I. Tatu angān mbŭh puan Tapa taŭn-I mandis, sabab Ayŭh raan bada angān marik pimudip ngan pari ka adŭp-I.

ROME 6:13

Dŭh gŭh angān siŭn bada tadŭ sakap pŭrŭng ngan bidosa ngga ndai tadŭ mun pingandai ginaka. Pak, nggen adŭp ngan di Tapa, nimun daya adi mbŭh dog pakat so kabŭs, ka nyerah abo abo adŭp ngan di Ayŭh yŭn pingandai tŭnggŭn.

ROME 6:16

Tatu angān puan nang kambŭi angān bituan di daya, angān mbŭh jadi urun-i; kambŭi angān bituan di dosa, angān mbŭh urun-i ka angān re kabŭs; kambŭi angān bituan di Tapa, angān re bamai ngga Tapa.

ROME 6:19

(Aku minyu pakai piminyu adi biasa sabab angān kurang mirati.) Dawŭ-i angān ko nyerah adŭp ngan abo abo jadi urun pimudip adi kais ngga pinŭtŭn adi ginaka. Ka simŭnŭ gŭh angān dŭh siŭn dŭh an nyerah adŭp ngan abo abo jadi urun pinŭnggŭn yŭn pinŭtŭn adi kudus.

ROME 9:23

Ka Ayŭh raan gŭh kiren kaya bragah-I, adi dog ren di tunduh ta adi mbŭh tibaran yŭn-I masi, sinadan ata adi-I mbŭh sidia da kambat bragah-I.

1 CORINTH 1:10

Ngga kuasa Tuhan ta Jesus Kristus aku mite sopŭrŭg ngan, adi bara dingan ku, situju di ani ani adi angān nang, isa angān dŭh bikaii dupan adŭp ngan ka pape. Angān an ndi atin darŭm pikir-kira ka darŭm pinŭtŭn.

2 CORINTH 10:1

Aku, Paul, mite angān nyiringa aku. Sak adi nang daya, aku tŭkŭn buang dŭdŭt atin kan aku agi ngga angān, pak mangah kan aku jo so angān. Ngga pinyiduduh ka mandis Kristus

2 CORINTH 4:1

Ngga pinyirasi-I Tapa mbŭh nggen di kieh kraja ati, ngapŭi kieh dŭh re jimŭ.

2 CORINTH 4:16

Sabab anŭ inŭh kieh bŭn re jimŭ. Sunggu pŭrŭng ami ati mbŭh makin madam, darŭm roh kieh dog pibauh barang andu.

2 CORINTH 5:20

Kieh ati meh garang, minyu yŭn Kristus, keya ka adŭp Tapa ndai pimite-I so baba ami. Kieh mite ngga ngarun Kristus: bada Tapa ngubah angān so jadi pinganyu da jadi bara dingan-I!

2 CORINTH 6:1

Darŭm kraja ami samah ngga Tapa, meh, kieh mite angān dŭhnyah bada pinyirasi-mandis adi angān kambat so Tapa jadi au-tarun.

EPHESUS 4:1

Aku adi mbŭh dog jer sabab aku bituan di Tuhan, mite angān udip nanyam ka atur aran pimudip adi Tapa mbŭh nggen di angān di andu Ayŭh bagan angān.

EPHESUS 5:10

Ka suba birajar ani anŭ adi pimunos asŭng Tuhan.

DITRONOMI 14:2

Angān dog dapu TUHAN adi Tapa ngan; Ayŭh mbŭh mien angān bada jadi daya adŭp-I so dudu bangsa daya adi udip di ong.

PHILIPPI 1:20

Kayuh adi ruai ku raan buang harap inŭh aku dŭh re ramah darŭm kraja ku, pak di barang tipuh-i, rabis-i madin, aku re biyŭn atin pagan, isa ngga pimudip ku ati aku bisa taban stabi ka Kristus, bait-i aku udip puan kah kabŭs.

PHILIPPI 2:17

Kadŭ aku re dog siŭ ka deya ku re dog ren mun pinganggen di tunduh sadis adi angān jugan ka Tapa ngga kiren angān mbŭh sawŭ sabah di Ayŭh. Kambŭi anŭ sawŭ, sanang asŭng ku isa angān sua gaŭn ngga aku.

PHILIPPI 4:18

Aku ngaku agi trima sopŭrŭg kayuh adi angān nggen, adi mbŭh rabis so sadang! Aku mbŭh trima sopŭrŭg pinganggen ngan so tangan Epaphroditus, ka madin aku mbŭh biyŭn sopŭrŭg-i adi aku biguna. Pinganggen ngan anŭ mbŭh keya ka pinganggen adi buuh ramak adi dog jugan ka Tapa, sadis adi tibirang buang pimunos asŭng-I.

1 THESSALONICA 4:1

Sikasŭn-i, bara dingan, angān muko birajar so kieh simuki patut udip ngga pimunos asŭng Tapa. Sawŭ, anŭ taŭn mbŭh aran pimudip ngan. Ka madin kieh mite buang ngatat angān, ngga adŭn Tuhan Jesus, ndai rabis so adi mbŭh.

1 THESSALONICA 4:10

Sibandar-i, angān taŭn mbŭh mun anŭ di sopŭrŭg dingan ta di ndi tarun tana Macedonia. Jadi kieh mite angān, adi bara dingan ami, ndai rabis so adi mbŭh.

1 THESSALONICA 5:12

Kieh mite angān, bara dingan, stabi di ngara adi nyiraja di dupan ngan, adi nyiruton ka ngajar angān darŭm aran pimudip Kristen.

1 TIMOTHY 2:3

Ati kana buang pimunos asŭng Tapa adi Pinyikudip ta;

1 TIMOTHY 5:4

Pak kambŭi dayung uban biyŭn bara anak puan kah bara sukuh, ngara patut diŭ so kayuh bŭkŭn birajar ndai kayuh adi patut ngara ndai yŭn rawang ngara nanyam ka adat. Ka darŭm ndai simŭnŭ ngara maras budi pimas, simbuk ka babai ngara. Pingandai adi mun ati pimunos asŭng Tapa.

PHILEMON 1:10

Jadi aku ndai pimite ku di kuu ngga ngarun Onesimus, adi anak ku darŭm Kristus; amai sitadŭn darŭm jer aku mbŭh jadi sama di ayŭh darŭm roh.

PHILEMON 1:9

Pak sabab aku rindu kuu, aku ndai pimite adŭ. Aku ndai simŭnŭ sunggu aku ati Paul, pinyisung Kristus Jesus, ka madin gŭh mbŭh dog jer amai Ayŭh.

HEBREW 13:22

Aku mite angān, bara dingan ku, dingah ngga atin sabar ajar adi ngga ku ngatat angān; amai surat ku ati adi nuris ku ka angān dŭh-i ambu.

1 PETER 2:20

Amai ani utung-i kambŭi angān nyijŭn pukong adi angān patut trima sitagar pingandai sarah? Pak kambŭi angān nyijŭn sangsara adi angān trima, pŭn-i pingandai ngan batur, Tapa re nyiberkat angān.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.