ROME 11:12 - Hakcipta - Biatah Bidayuh

¹² Dosa daya Jahudi mbŭh taban bagŭ berkat ka ong, ka pimudip sirata daya Jahudi darŭm roh mbŭh taban bagŭ berkat ka daya adi dŭh bangsa Jahudi. Ngapŭi meh, jung rabis bās berkat anŭ re kambŭi sopŭrŭg daya Jahudi dog nyiramat!

ROME 11:12 ပူးပေါင်းရင်းမြစ်များ

ISAIAH 11:11

Kan andu anŭ mandŭg, TUHAN re pakai dinge kuasa-I ngga taban pari daya-I adi dŭm di Assyria ngga Egypt, di tarun tana Pathros, Ethiopia, Elam, Babylonia, ngga Hamath, ka di tarun tana di bŭngŭn rawŭt ngga di purau purau di rawŭt.

MICAH 5:7

Daya Israel adi babŭ udip re keya ka sipot-abun adi piranyah, adi dog pait TUHAN yŭn bagŭ bangsa, mun ujen adi misa anak tŭngŭn kayuh-udip. Ngara re bisangan di Tapa, dŭh di manusia.

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

PINGANDAI 3:21

Ayŭh dŭh siŭn dŭh an babŭ di shorga ndŭg andu anŭ adi ngga sopŭrŭg kayuh dog ndai da jadi bauh, nimun adi Tapa ko kidaan so baba bara nabi kudus-I ndun jah.

ROME 11:15

Amai kan ngara dog tirawan, daya bangsa bŭkŭn birubah jadi dingan Tapa ka dŭh tia jadi pinganyu-I. Munki meh-i re garang, kan ngara mbŭh dog trima? Anŭ re keya ka pakat daya kabŭs da pari udip!

ROME 11:25

Agi kayuh adi sawŭ adi dog sukan, bara dingan ku, adi aku raan angān puan, amai-i re bada angān dŭh pikir adŭp ngan bijak. Anŭ inŭh pinyibaking daya Israel dŭh-i re tan adu adu, pak kaŭs-i re tan ndŭg andu adi ngga sukup kiang daya adi dŭh bangsa Jahudi mandŭg ka Tapa.

ROME 11:33

Munki masam bās-i kaya Tapa! Munki masam tŭrŭp-i pinyibijak-I ngga pinyipuan-I! Asi tungang kidaan rati pinyiraan-I? Asi tungang mirati pingandai-I?

ROME 9:23

Ka Ayŭh raan gŭh kiren kaya bragah-I, adi dog ren di tunduh ta adi mbŭh tibaran yŭn-I masi, sinadan ata adi-I mbŭh sidia da kambat bragah-I.

EPHESUS 3:8

Aku agi siabo sŭ so sianŭ adi sŭ dupan bara daya adi Tapa mbŭh mien; pak Tapa mbŭh raru kana an bada aku taban ka daya adi dŭh bangsa Jahudi Agah Kana pasar berkat Kristus adi raru tŭrŭp-i,

COLOSSAE 1:27

Tapa ndai simŭnŭ isa daya-I puan rusia-I, rusia adi bās ka bragah adi-I mbŭh sidia yŭn sopŭrŭg manusia. Ka rusia anŭ inŭh adŭp Kristus agi darŭm angān; sirati-i angān re sua dapŭd utung darŭm bragah Tapa.