ROME 10:6 - Hakcipta - Biatah Bidayuh

⁶ Pak kayuh adi Surat-kudus nang pasar daya jadi bamai ngga Tapa so ka pinyabah inŭh sakati: “Angān dŭh bisa siken, Asi re di ka shorga di bada Kristus mūn?”

ROME 10:6 ပူးပေါင်းရင်းမြစ်များ

PITAS 30:4

Asi adi mbŭh maad mūn shorga? Asi adi mbŭh ngagŭm sabak? Puan kah marut piin ngga banang? Puan kah natu baat baat ong? Asi dŭn-i, ka asi anak-i? Dŭh patut kuu dŭh puan!

JOHN 6:33

Amai ruti adi Tapa nggen inŭh sianŭ adi mūn so shorga adi nggen udip adi sawŭ di daya di ong.”

JOHN 6:38

Amai Aku mbŭh mandŭg so shorga dŭh sabab an ndai kayuh nanyam pinyiraan adŭp Ku, pak an ndai kayuh nanyam pinyiraan-I adi pait Aku.

JOHN 6:58

Ati inŭh ruti adi mūn so shorga; dŭh-i mun ruti anŭ adi tayung-babuk ngan man, ka ripas anŭ ngara kabŭs. Ayŭh adi man ruti ati re udip adu adu.”

ROME 3:22

Tapa bada daya bamai ngga adŭp-I so ka pinyabah ngara di Jesus Kristus. Tapa ndai simŭnŭ di sopŭrŭg daya adi sabah di Kristus, sabab sopŭrŭg mbŭh brimun di batŭh Tapa:

ROME 3:25

Tapa mbŭh jugan Ayŭh, isa ngga deya-I Ayŭh jadi aran adi ngga dosa daya dog apun so ka pinyabah ngara di Ayŭh. Tapa ndai simŭnŭ ngga kiren pinŭnggŭn-I. Jah-i Ayŭh sabar ka kambŭt dosa ngara; pak di jaman ati Ayŭh nura dosa ngara, ngga kiren pinyitŭnggŭn-I. Simŭnŭ Tapa kiren adŭp-I tŭnggŭn, buang-I bada bamai barang naan daya adi sabah di Jesus.

ROME 4:13

Di andu Tapa bijanji ngga Abraham ka ngga bara sesang-i nang ong re dog dapu-i, ayŭh sawŭ dapu, dŭh sabab Abraham sita Ukum-adat, pak sabab ayŭh sabah buang mbŭh Tapa ngitong tŭnggŭn.

PHILIPPI 3:9

ka jadi ndi ngga Ayŭh. Aku dŭh tia biyŭn pinŭnggŭn adi dog dapŭd so pinyita Ukum-adat. Aku madin biyŭn pinŭnggŭn anŭ adi dog nggen so ka pinyabah di Kristus, pinŭnggŭn adi mandŭg so Tapa sabab pinyabah.

HEBREW 1:3

Ayŭh nyekar jawa bragah Tapa ka raŭn gayŭn-I agi samah ngga raŭn gayŭn Tapa. Ngga pinganang-I adi bikuasa, Ayŭh digŭng rangit ngga ong. Ripas-I mbŭh dapŭd pingapun dosa yŭn sopŭrŭg manusia, Ayŭh guru di shorga tura ka tauh Tapa, adi siabo bikuasa.

HEBREW 11:7

Pinyabah inŭh adi bada Noah dingah pinyibakan Tapa pasar kayuh adi re jadi adi-i dŭh tungang kiris. Ayŭh tunda pinganang Tapa ka ndai batra adi yŭn-i ngga rawang-i siramat. Komŭnŭ meh Tapa ngukum ong, ka sabab pinyabah-i Noah mbŭh kambat so Tapa pinŭnggŭn adi jadi so pinyabah.