ROME 1:30 - Hakcipta - Biatah Bidayuh

³⁰ ka kinarap dingan; ngara tiru di Tapa, ka an bakit daya, sambuh, miruap; ngara jiroh bagŭ masam aran ngga ndai arap; ngara nyibireu pinganang pimas-i;

ROME 1:30 ပူးပေါင်းရင်းမြစ်များ

1 RAJA 20:11

Raja Ahab nam, “Kidaan di Raja Benhadad nang soldadu adi sawŭ, minyu gambung ripas biperang, dŭh sibayuh biperang.”

2 KRONIKEL 19:2

Ndi naan nabi, Jehu anak Hanani, di ka yŭn raja ka nang di ayŭh, “Patut kah kuu turung daya adi ginaka ka tambit parad ngara adi tiru di TUHAN? Kayuh adi kuu mbŭh ndai mbŭh bada TUHAN baji di kuu.

2 KRONIKEL 25:19

Amaziah, kuu mingangŭn adŭp mu mbŭh ngarah daya Edom, pak aku pitayan kuu bada rŭŭ di arŭn mu. Mani sah ndai pito adi re taban pinyirusag di adŭp mu ka di daya mu?”

MAZMUR 10:3

Daya ginaka mingangŭn di pinyiraan arap ngara; daya adi raka mangu ka tirawan TUHAN.

MAZMUR 106:39

Ngara kinais adŭp ngara ngga pingandai ngara buang dŭh tŭtŭd di Tapa.

MAZMUR 49:6

ka ngara adi sabah di pinyikaya ngara ka mingangŭn di buat-rata bās ngara.

MAZMUR 5:5

Kaam dŭh tan kiris daya adi sambuh; Kaam tiru sopŭrŭg daya adi ginaka.

MAZMUR 52:1

Mani kuu mingangŭn, kuu adi bās, di arap mu? Pinyitŭtŭd Tapa inŭh tan adu adu.

MAZMUR 81:15

Ngara adi tiru di Aku re mutu ubak ngara ka Aku darŭm taru; ukum ngara re dŭh biyŭn pinŭbŭn.

MAZMUR 94:4

Ndŭg sinde daya sarah sambuh ka mingangŭn pasar pingandai sarah ngara?

MAZMUR 97:7

Barang naan adi nyambah tibudo dog pimangŭh; sopŭrŭg tapa mutu ubak ngara di sirung jawin TUHAN.

MAZMUR 99:8

O TUHAN, adi Tapa ami, Kaam nam daya Mai; Kaam kiren adŭp Mai Tapa adi an apun daya, sunggu Kaam ngukum ngara amai dosa ngara.

PITAS 24:8

Kambŭi kuu ari bisatur an ndai kayuh adi arap, kuu re trima dŭn arap daya adi pimito.

PITAS 25:23

Ngitong daya bisa nimbur baji keya ka sabak utara taban ujen.

PITAS 30:17

Daya adi ida ida ngga sama-i bait ngamun sindŭ-i adi mbŭh minyamba patut dog man manuk volcha, bait kah batŭh-i dog nukuk manuk kak.

PITAS 8:36

Ngara adi dŭh dapŭd aku kandam adŭp-i; daya adi tiru di aku rindu di pinyikabŭs.”

EKLISIASTIS 7:29

Kaŭs ati adŭ kayuh adi aku mbŭh birajar: Tapa napa ata bada tŭnggŭn, pak ata bada adŭp ta bidikok.

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

EZEKIEL 22:7

Angān daya adi darŭm kupo dŭh stabi di pimas ngan. Angān nipu daya tami ka nyibudo dayung uban ngga anak tumang.

PINYIKIANG 10:35

Niap saba Pati Simanya dog pakat ngga panu, Moses nang, “Makat TUHAN; mesak pinganyu Mai ka bada ngara adi tiru di Kaam babak bu!”

MATTHEW 15:4

Tapa nang, ‘Stabi di sindŭ sama ngan,’ ka ‘Daya adi mangu sindŭ sama-i dŭh siŭn dŭh dog ukum kabŭs.’

MATTHEW 16:21

So andu anŭ meh Jesus piguru kidaan ngga tarang di bara murid-I, “Aku dŭh siŭn dŭh di ka Jerusalem ka kinyam pinyusah bās so bara nyamba bangsa Jahudi, pingubak imam, ka bara gurū Ukum-adat Jahudi. Aku re dog ukum kabŭs, pak taruh andu ripas anŭ Aku re dog pakat udip bauh.”

LUKE 21:16

Angān re dog jua pimas ngan, jurud ngan, madis ngan, ka dingan ngan; ka kada so angān re dog ukum kabŭs.

JOHN 7:7

Ong dŭh bisa tiru di angān, pak-i tiru di Aku, sabab Aku siraru nyarah pingandai arap-i.

PINGANDAI 5:36

Angān ingat Theudas, adi ko dawŭ-i timbur ka nang adŭp-i daya bās, ka agi pat ratus naan daya tunda ayŭh. Pak ayŭh dog siŭ, ka sopŭrŭg bara pinunda-i mbŭh pambar ka mbŭh mating tia.

ROME 2:17

Angān boh? Angān nang adŭp ngan daya Jahudi; angān bisangan di Ukum-adat ka nyambuh adŭp ngan pasar Tapa;

ROME 2:23

Angān mingangŭn adŭp ngan biyŭn ukum-adat Tapa, pak dŭh kah angān nggen mangŭh di Tapa darŭm angān miranggar ukum adat-I.

ROME 3:27

Ani meh garang bisa ta yŭn mingangŭn? Mating! Ka ani meh sitagar-i? Agi kah-i sabab ata sita Ukum-adat? Dŭh, pak sabab ata sabah.

2 CORINTH 10:15

Ngapŭi kieh dŭh mingangŭn di kraja pingandai adi daya ko ndai rabis so adi Tapa ko miratak yŭn ami. Pak kieh harap pinyabah ngan bisa bitambah, buang kieh tungang ndai rabis bās kraja di dupan ngan, di darŭm utung adi Tapa mbŭh miratak.

2 CORINTH 12:20

Aku taru sibia-i kan aku mbŭh mandŭg te, aku dapŭd angān dŭh mun adi aku raan, ka angān dapŭd aku dŭh mun adi angān raan. Aku taru te aku kiris kaii, sina, baji, sibut, paki-pangu ka ngitong daya, uap-sambuh ka pito.

DITRONOMI 27:16

“ ‘Pangu Tapa nyatŭk tadŭ tadŭ daya adi dŭh stabi di sindŭ sama-i.’ “Ka sopŭrŭg daya re nam, ‘Amen!’

DITRONOMI 7:10

pak Ayŭh dŭh re ngang ngukum sinadan daya adi tiru di Ayŭh.

2 THESSALONICA 2:4

Ayŭh re rawan sopŭrŭg anŭ adi daya kadŭn tapa. Ayŭh re bada adŭp-i bikuasa dŭ so sopŭrŭg anŭ adi manusia nyambah. Rabis so anŭ, Ayŭh re mŭrŭt ka guru darŭm Ramin Tapa, ka kadŭn adŭp-i Tapa.

2 TIMOTHY 3:2

Daya re sibut, tama, sambuh, gambung; ngara re ginaka, dŭh dingah pinganang sindŭ sama, dŭh biyŭn atin trima kaseh, ka dŭh raan puan Tapa;

TITUS 3:3

Amai adŭp ta ko gŭh budo, dŭh an dingah pinganang, buang sarah. Ata ko jadi urun bagŭ masam pinyiripong ka bagŭ masam pinyiraan. Pimudip ta ko puno ngga dendam ka sina; daya tiru di ata ka ata tiru di daya.

JAMES 3:5

Simŭnŭ gŭh ngga jura ta, sunggu-i siit, pak bisa nyambuh adŭp-i pasar kayuh adi bās. Suba kira munki masam bayah-i tuān pak tungang sau da ndi anak jireb apui!

JAMES 4:16

Pak madin angān gambung, ka minyu sambuh; sopŭrŭg piminyu sambuh taŭn-i sarah.

2 PETER 2:18

Ngara piruah piminyu sambuh ka sipadin, ka pakai pinyiripong pŭrŭng ngga kudog daya adi aŭn suba an pirupas adŭp-i so bara daya adi udip darŭm sarah.

JUDE 1:16

Ngara anŭ siraru mingungut buang nyarah daya; ngara tunda pinyiripong adŭp-i adi arap, muji adŭp-i ka nganju daya bŭkŭn yŭn dapŭd utung.