ROME 1:23 - Hakcipta - Biatah Bidayuh

²³ Ngara dŭh nyambah Tapa adi udip adu adu, pak nyambah gambar gambar kayuh adi mun manusia, mun manuk, mun dāng, puan kah mun anŭ adi bigawang.

ROME 1:23 ပူးပေါင်းရင်းမြစ်များ

MAZMUR 106:20

ngara nukar bragah Tapa ngga patong dāng adi man kupai.

ISAIAH 40:18

Asi dapŭd ata danding ngga Tapa? Dapŭd kah angān kidaan munki Ayŭh?

ISAIAH 40:26

Nyigura ka rangit! Asi napa bitang bitang adi angān kiris? Sianŭ adi taban ngara ngga ruah mun bara tibaran soldadu, Ayŭh puan kiang ngara ka bagan barang bitang ngga dŭn-i! Kuasa-I raru bās — ndi bitang bŭn gŭh manyap!

ISAIAH 44:13

Tukang kayuh ngŭkŭd apŭg kayuh. Ayŭh mutik gayŭn dieh, mŭŭt-i ngga pingakas-i bada mun gayŭn manusia adi ramus, ka rasu pijog-i di ramin-i.

JEREMIAH 2:11

Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.

EZEKIEL 8:10

Jadi aku mŭrŭt ka tingga. Sindung sindung dog nutu gambar gambar dudu jippŭh ka dāng dāng adi bŭkŭn adi kais, ka kayuh kayuh adi bŭkŭn adi daya Israel nyambah.

PINGANDAI 10:12

Di darŭm-i agi barang masam dāng, adi bigawang ngga adi mikabur.

PINGANDAI 17:29

Amai ata ati mbŭh bara anak Tapa, ata dŭh siŭn bada Ayŭh keya ka gambar dog ndai so mas puan kah pirak puan kah batuh, adi dog mŭŭt bait dog mutik so pimandai manusia.

ROME 1:25

Ngara nyambi ajar adi sawŭ pasar Tapa ngga pinyikadong; ngara nyambah ka bituan di kayuh adi Tapa ko napa, dŭh nyambah adŭp Tapa, adi patut dog muji ndŭg situi tui! Amen.

1 CORINTH 12:2

Angān puan nang di andu angān babŭ dŭh puan Tapa, angān mbŭh manyap darŭm barang ka mun aran pimudip adi nyambah tibudo.

DITRONOMI 5:8

“ ‘Dŭhnyah ndai tibudo yŭn adŭp ngan tunda gayŭn tadŭ tadŭ kayuh di rangit bait di ong, puan kah di piin di ribo tana.

1 PETER 4:3

Dawŭ-i angān mbŭh sadang tui-i ndai kayuh adi daya adi dŭh puan Tapa suka ndai. Pimudip ngan taŭn-i mbŭh puno ngga kayuh adi dŭh tatu, mun pinyiripong pŭrŭng, pimabuk, bigawai ndŭg ka ndai rubi kais, nok kayuh adi bisā ndŭg ka rabis so patut; ka adi raru sipŭ-i, angān nyambah tibudo.

PINANDŬNG 9:20

Bara rayat manusia adi bŭkŭn, sopŭrŭg adi dŭh kabŭs da susah-bās anŭ, dŭh an taran kayuh adi ngara ko ndai. Ngara abah ko nyambah umot, bait kah tibudo adi dog ndai so mas, pirak, timaga, batuh, puan kah so apŭg kayuh, adi dŭh kiris tarun, adi dŭh dingah kayuh, ka adi dŭh panu.