ROME 1:16 - Hakcipta - Biatah Bidayuh

¹⁶ Aku mingangŭn di Agah Kana anŭ; Agah kana anŭ inŭh kuasa Tapa ngga nyiramat sopŭrŭg adi sabah, daya Jahudi diŭ, komŭnŭ daya adi dŭh bangsa Jahudi.

ROME 1:16 ပူးပေါင်းရင်းမြစ်များ

MAZMUR 110:2

So Zion TUHAN re bada bayah kuasa-raja mai. “Kaam re nguasa pinganyu mai,” Ayŭh nang.

MAZMUR 119:46

Aku re piagah pesan Mai di bara raja ka aku dŭh re mangŭh.

ISAIAH 53:1

Daya nam, “Asi re sabah kayuh adi ata kidaan madin? Asi mbŭh kiris tangan TUHAN di kayuh ati?

JEREMIAH 23:29

Pinganang Ku inŭh keya ka apui, ka keya ka pabā adi pirandŭk batuh.

MARK 8:38

Kambŭi daya di turap ati adi ginaka ngga adi dŭh stabi di Tapa mangŭh ngarun Aku ngga ajar Ku, Anak Manusia re mangŭh gŭh ngarun ayŭh kan Ayŭh mandŭg darŭm bragah Sama-I ngga bara malaikat kudus.”

LUKE 9:26

Kambŭi angān mangŭh ngarun Aku samŭn ajar Ku, Anak Manusia re mangŭh gŭh ngarun angān kan Ayŭh mandŭg darŭm bragah-I adi bragah Sama ngga bara malaikat kudus.

JOHN 7:35

Bara Pinguasa Jahudi nang dupan adŭp-i, “Kamaki Ayŭh re di, isa ata dŭh tungang dapŭd Ayŭh? Ayŭh re di ka rais adi jo kah, di yŭn daya bangsa ta agi rŭŭ bigaur ngga daya bangsa Greek, ka ngajar ngara?

PINGANDAI 3:26

Ngapŭi Tapa mbŭh mien Urun-I ka pait Ayŭh ka angān diŭ, da nyiberkat angān darŭm-I bada barang naan angān marik so aran pimudip ngan adi ginaka.”

ROME 10:17

Jadi meh, pinyabah mandŭg so dingah agah anŭ, ka agah anŭ mandŭg darŭm kieh nyuse Kristus.

ROME 15:19

so kuasa pingandai-nginga ngga pingandai-saruh, ka so kuasa Roh Kudus. Ngapŭi meh, darŭm panu bijaruh so Jerusalem ndŭg Illyricum, aku agi piagah Agah Kana pasar Kristus.

ROME 15:29

Kan aku mandŭg ka angān, aku puan aku re mandŭg ngga berkat Kristus ngga sipuno-i.

ROME 2:9

Re agi sangsara ngga jera-birasa yŭn sopŭrŭg ngara adi ndai kayuh adi arap; diŭ yŭn daya Jahudi ka komŭnŭ yŭn daya adi dŭh bangsa Jahudi.

ROME 4:11

Sundis ayŭh bisunat, buang sunat-i anŭ batur tandā ngga kiren nang sabab pinyabah-i Tapa mbŭh ngitong ayŭh tŭnggŭn diŭ so-i bisunat. Ngapŭi Abraham inŭh sama darŭm roh yŭn sopŭrŭg daya adi sabah di Tapa adi-I mbŭh ngitong tŭnggŭn, sunggu ngara dŭh bisunat.

1 CORINTH 15:2

Anŭ inŭh Agah Kana, agah adi aku ko nggen di angān. Agah Kana anŭ re nyiramat angān kambŭi angān bidigŭng tagap dieh. Kambŭi dŭh, pinyabah ngan anŭ dŭh biyŭn guna.

1 CORINTH 2:2

Amai sitadŭn aku agi ngga angān, aku mbŭh ndai pikir ku an kambŭt sopŭrŭg kayuh adŭ-i Jesus Kristus ka rabis-i pinyikabŭs-I di atuh rigang.

1 CORINTH 2:4

ka ajar ngga Agah Kana adi aku taban dŭh-i dog nggen ngga pinganang adi nakit dog nyusun so ka pinyibijak manusia, pak so ka kuasa Roh Tapa.

1 CORINTH 9:12

Kambŭi daya bŭkŭn biyŭn hak mite so angān, dŭh kah kieh rabis biyŭn hak? Kieh gibayuh pakai hak ami anŭ, pak mbŭh nan sopŭrŭg kayuh ramŭn kieh abah ndai baka di aran Agah Kana pasar Kristus.

1 CORINTH 9:18

Ani meh gaji ku, garang? Pluang nyuse Agah Kana ngga dŭh bigaji inŭh jaku, dŭh kira dapŭd utung so hak ku anŭ adi nyiraja yŭn Agah Kana.

2 CORINTH 2:12

Kan aku mbŭh ndŭg Troas an nyuse Agah Kana pasar Kristus, aku kiris Tuhan mbŭh kuka aran yŭn ku diginŭ.

2 CORINTH 4:4

Ngara dŭh sabah, sabab tapa adi arap di ong ati mbŭh kinarŭm pikir ngara. Ayŭh matŭn ngara so kiris jawa adi nyekar di tunduh ngara, jawa adi mandŭg so Agah Kana pasar bragah Kristus adi tigŭrŭ gayŭn Tapa.

2 CORINTH 9:13

Ka sabab pingandai ngan anŭ mbŭh kiren angān sawŭ bidigŭng tagap di Agah Kana Kristus adi angān sabah, bagŭ daya re nggen bragah ka Tapa. Angān mbŭh tunda-i darŭm angān an samah kayuh ngan ngga bara daya Tapa samŭn daya bŭkŭn.

GALATIA 1:7

Sibandar-i, mating “Agah Kana adi bŭkŭn,” pak aku nang sakanŭ sabab daya agi mito angān buang suba an nukar Agah Kana Kristus.

1 THESSALONICA 2:13

Ka agi gŭh sabab adi bŭkŭn adi bada kieh siraru nggen trima kaseh di Tapa. Kan kieh taban ka angān agah so Tapa, angān dingah ka kambat-i dŭh mun daya kambat agah so manusia, pak kambat-i nimun agah adi sawŭ so Tapa. Amai Tapa agi nyiraja darŭm angān adi sabah.

1 TIMOTHY 1:11

Ajar anŭ bisa dog dapŭd darŭm Agah Kana adi mbŭh dog nyerah ka darŭm tangan ku yŭn dog piagah, Agah Kana adi so Tapa adi bragah ka biberkat.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

2 TIMOTHY 1:16

Isa-i Tuhan kiren masi-I di rawang Onesiphorus, sabab ayŭh siraru nyanang asŭng ku. Ayŭh dŭh mangŭh ngarun aku dog jer,

2 TIMOTHY 1:8

Dŭhnyah mangŭh bisaksi yŭn Tuhan ta; dŭhnyah gŭh mangŭh ngarun aku adi mbŭh dog jer amai Kristus. Pak ngga pinyibake adi Tapa mbŭh nggen di kuu, kuu patut sua jera yŭn Agah Kana anŭ.

HEBREW 4:12

Pinganang Tapa inŭh udip buang bikuasa, reja dŭ so pedang adi duwŭh siid-i. Pinganang anŭ tabŭk tambus di asah simangi ngga roh, di asah bukuh turang ngga isin turang. Pinganang anŭ jadi keya ka akim yŭn ta di pinyiripong ngga di pikir-kira ta.

1 PETER 4:16

Ka kambŭi angān sangsara sitagar angān daya Kristen, dŭhnyah mangŭh ngarun adŭp ngan, pak nggen trima kaseh di Tapa amai angān mbŭh pinunda Kristus.